أضف سؤال أو موضوع جديد          

بخصوص الكفرات

up 5 down 1
سلطان_28 269
قبل 4 سنه و 10 شهر



السلام عليكم ورحمه الله وبركاته 
مسيتم بالخير جميعاً
أخواني اليوم رحت أبحث عن كفرات لموتري 
وشفت الأسعار بس الصدق تحيرت ..
 موتر كامري مقاس الكفر ٢١٥/٦٠/١٦
انا أبي كفرات سنه ٢٠١٦ 
حصلت يوكوهاما ب٣٢٠ تاريخ٢٠١٦
حصلت يوكوهاما ب٢٩٠ تاريخ٢٠١٥ الاسبوع ٤٢
حصلت دانلوب ب٢٥٠ تاريخ ٢٠١٥
حصلت مشلان الألماني تاريخ٢٠١٥ الاسبوع ٤٢ ب٣٢٠
حصلت مشلان روماني تاريخ٢٠١٥ الاسبوع ٤٧ ب٣٢٠
هنا  تحيرت الافضل مشلان ولا يوكوهاما وقالي صاحب المحل
اليوكوهاما افضل لان ماينفجر تنصلخ الدعسه بالخط بس ماينفجر

حيرني زياده وش رايكم وين الافضل بين يوكوهاما ولامشلان


والهانكوك لين وزين وسعره ٢٥٠بس كثير يقولون يحبل 
وانا راعي خط وماني فاضي للقروشه 
انا مركب يوكوهاما مشيت عليه ٧٠الف وفيه ربع عمر اللحين
وماله ١٠شهور ..
بس حبيت تفيدوني بين المشلان واليوكوهاما؟
لان لاجيت تركب وتشوف الانواع والضمانات مخمك يقفل
ماتدري تاخذ اي نوع يطلع لك ٢٠نوع من دنلوب برجستون
سموتومو وهانكوك الخخ .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ارفع بلاغ على المحل اللي ببيع 2015 دق على 1900 وزارة التجاره .. 
يبيعه لك بلاش .. 
حنا لو نمشب ابو يمن عالنظام كان سلكت امورنا


up 3 down 8
سبحان الله العظيمم1 52
قبل 4 سنه و 10 شهر



المشلان ابعد عنه نصيحة من تجربة يقسى ويطلع أصوات
بالنسبة لي مركب ماكسس والله كفرات رائعة


up 0 down 3
ss.1 2
قبل 4 سنه و 10 شهر



وازيدك من الشعر بيت حصلت عنده مشلان موديل 2014 ب٢٨٠ 
لان يقولون مانزل ٢٠١٦ 
وبعدين ٢٠١٥حق نص السنه ليه ممنوع بيعه؟


up 0 down 0
سلطان_28 269
قبل 4 سنه و 10 شهر



اول رد

نظاما مسموح بيع الكفرات الي لها سنتين او اقل من تاريخ الانتاج


up 1 down 0
asalami 2179
قبل 4 سنه و 10 شهر



اذا انت راعي خطوط خذلك شي ممتاز مثل ميشلان و بيرجستون من الانواع الغاليه وانتبه لمعامل الحراره لازم يكون A والله يحفظك


up 2 down 0
jeddah123123 156
قبل 4 سنه و 10 شهر



اول رد امرك غريب اجل وش يعمل بالكفرات يحرقها مهو عليها ضمان سنة


up 0 down 0
ryyan555 702
قبل 4 سنه و 10 شهر



انا معب النترا كفراتها مطفشتني قاسيه بالحيل تسمع صوت الكفر كانك فاتح القزاز نوعها نيكنس جات وكاله وودي اغيرها بس وش تنصحوني


up 0 down 0
bmw z4 1476
قبل 4 سنه و 10 شهر



حسب تجربتي اليوكوهاما مايسوى ولا ريال حدك فيه 4 شهور ويبدأ ينطعج وينتفخ


up 1 down 0
chevrolet zr1 612
قبل 4 سنه و 10 شهر



من ناحيتي مركب كفرات صينية صح فيها شوية ازعاج ولاكن بطله  لها سنة مسكت عليها خطوط ولازالت في قمة ريعان شبابها


up 0 down 0
صاحب سموه 533
قبل 4 سنه و 10 شهر



انا مركب كفرات يوكوهاما ورب البيت الحين انا بالشهر الثالث وكل شفرات الكفر الي بالجوانب مختفية وبالوسط خفت بعد 
اما هانكوك الحين مجربها وبشوف النتيجة 


up 1 down 0
by me 227
قبل 4 سنه و 10 شهر



الميشلان هو الأفضل بس تأكد أنه أصلي مو وارد الإمارات


up 2 down 0
أبو راشد 33 978
قبل 4 سنه و 10 شهر



الميشلان ممتاز للخطوط عن تجربه طقمت اربع كفرات قبل 6 شهور تقريبا ماشي عليها اكثر من 30 الف كأني مركبها امس ما شاء الله تبارك الله


up 2 down 0
ابو هيما20 210
قبل 4 سنه و 10 شهر



انصحك بهانكوك وتراه حق خطوط عبه نيتروجين وانساه


up 0 down 0
ابو عبدالله احمد 3504
قبل 4 سنه و 10 شهر



ماقصرتم جميعاً على الردود 
والله هانكوك مركبينها ثنين من أخويايي واحد ماشيه معه
والثاني مالها تقريبا ٧شهور وواحد منهن فيه سعرور على جنب يعني فيه
مثل التحبيل ولذا حذفته من خياراتي 
والله شكلها يوكوهاما عشان بس موديله جديد ..
أشوف أسعار الكفرات متقاربه لبعض خاصه اليابانيه من ٣٥٠وتحت
والهانكوك ب٢٣٠ 


up 0 down 0
سلطان_28 269
قبل 4 سنه و 10 شهر



عن تجربة .. انا ما اركب الا ميشلان
قوي جدا .. وفي الخطوط ناعم جدا
وقعد معاي 3 سنوات وبعت السيارة ولازال يبين عليه ان عمره 6 شهور استخدام
وانتبهوا من البرجستون .. هذا الكفر الملعون كنت استخدمه قبل الميشلان
كلنا نعرف ان الكفرات قبل لاتنعدم تعطيك مؤشرات ..
الا البرجستون يقعد يطحن معاك ويوريك انه هو كويس
ولا تدري به الا فقع معاك بنص الخط وانقشع قشعه كامله


up 1 down 0
ربيع الأول 347
قبل 4 سنه و 10 شهر



المشلان افضل بالكرف


up 3 down 0
mfh2009 345
قبل 4 سنه و 10 شهر