كيف أسعار السيارات الآن الجمعة 08 . 07 . 1437 هـ

السوق في سبات عميق موقع حراج الاسعار خيالية كانها قبل سنتين 

الحراج يا أخوان أقصد حراج السيارات في المدن والمحافظات مو الموقع !!!!!!

^^ انا قلتلك السوق في سبات عميق اقرأ زين الله يهديك قصدي حراج المعارض وتكلمت عن الموقع انه ماهو مقياس للاسعار

اي مدينة
اي نوع من السيارات
وش الموديلات
كم ميزانيتك وش ترغب فيه

مهو بس تنزل استفسار عام بدون تفاصيل ما تستفيد كذا
و لا تلقى من يفيدك 

الاسعار دحدرت لين قالت بس

خالي مطلع صني وكالة عام 2002 ب 35500 والان الصني وكالة ب 36 الف نزلت من 48

وغيرها الكثير 

الي يقول مانزلت معلش مهو داري عن السوق شي 

بس يرجع يرتفع البترول راح تبدا الاسعار ترتفع وتذكر كلامي 

انا نفسي اعرف الاسعار للي نزلت وين لي اسبوعين ادور كامري 2012 او 2013 المجروبه وماشي فوق 200 اسعارها ب 40 والنظيف ماالقى اقل من 48 50 هاذي معارض المدينه جالسين تضحكون على انفسكم

اسعار الهونداي 2015 معارض جديدة  - الوكيل الناغي 
سوناتا الشكل الجديد فل كامل مفتاح بنوراما -  84 ألف
ألنترا 2016 الشكل الجديد فل كامل - 82 ألف
ألنترا فل كامل بصمة مقاعد جلد - 57 ألف
ألنترا فل كامل مفتاح فرامل مانعه الإنغلاق - 55 ألف
ألنترا ستاندر جير تماتيك حساسات بدون ليد  -  46 ألف
ألنترا ستاندر جير عادي بدون حساسات مرايات لون اسود بدون ليد - 40 ألف
أكسنت ستاندر جير عادي أقل فئة - 36 ألف
أكسنت فل كامل جير تماتيك - 44 ألف

للمستخدمة
سوناتا 2015 شكل جديد فل كامل  ممشي من 50 الي 70 ألف -  من 60 الي 65  حسب النظافة
ألنترا الشكل القديم 2015  ستاندر ممشي من 50 الي 70 الف - 33 ألف ريال
ألنترا الشكل القديم 2015  فل كامل بضمة ممشي من 50 الي 70 الف - 43 ألف ريال

اللي اعرفة افدتك فيه

اهم شي لحد يعتمد ع الموقع...والله نصب

له شهرين والسوم 68...والي يفرق حلاله....!

شهرين يدور الفرق...

ولا سيارة ماتسوى 70 ..يجيك واحد يسوم ب67 ..وماهو جاد....ويطمع صاحب السيارة...نطلب الزود..نطلب الزوود...يغتر بالسومات الغير جادة

اليوم كنت فى معارض النسيم 
المستعمل أسعاره مرتفع خصوصا السيارات الصغيره فئة الأمس والصنى واليارس
ومع ذلك ركود تاااااااااام
تحس ما فيه بيع ولا شرا

عذرا
فئة الأكسنت

السووق راكد 
والجموس نازله قيمتها. 
والفوردات 

الجديد فقط نازل 
المستعمل أصحابه رافعين سعره

فعلا السوق راكد
والجديد نازل والناس متمسكه بالاسعار 

اسعار المعارض فرق عن هنا
بحراج المعارض سيارات تسام على 120 ويقولي السومه من اسبوعين يعني الشكوى لله تبي تجددالسوم ويبي يبيع وهنا نفس النوع والموديل وبالعكس اللي شفت بالحراج اقل ممشى
ويقولك 135 سوم والحد 140 

كامري 2010 فضي
ازرق فاتح
بني محروق
 ماشي اقل من 350 الف
جي ال          او     جي ال مطور
اتوماتيك بكم سعره ؟

^^ اسف على الترتيب :)

فيه 5 شريطية مسوين ديسلايك للموضوع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟