أضف سؤال أو موضوع جديد          

إن كنت مهتم بشراء اللاندكروزر تويوتا .. ادخل هنا

up 50 down 11
مزن الجنوب33 273
قبل 5 سنه و شهر



بسم الله الرحمن الرحيم

هذا الموضوع خاص ب اللاندكروزر تويوتا و الامر
 ماهو مجال مقارنة بينه و بين غيره لان فيه غيره اقوى منه و افخم منه و ارخص منه
بس هذا الموضوع عن شيئ معين فقط
كتبته من خلاصة بحث و معرفة و قليل من الخبرة
وهو من كتابتي كاملآ
لنـستـفيد من بعضنا البعض .. و سيبقى الموضوع يستفيد منه كل من يبحث في محرك البحث google

و فضلا ان اعجبك الموضوع اضغط like
--------------------------------------------
كل ما أطلبه منك إن أستفدت أن تدعي لي من قلبك ب صدق بالتوفيق و الرزق الحلال المبارك
وان انت ما تحب اللاندكروزر فالامر بسيط و هي سيارات وسيلة نقل ماهي تعصب و محاماة
--------------------------------------------
هنا نحاول نبين لمن يهتم باللاندكروزر 2016 على وجه الخصوص
الفروقات في المواصفات المهمة جدا جدا
لأن فيه أمور هامة يجب أنه يتنبه له من يحب أن يقتني مثل هذه السيارة 
--------------------------------------------
فيه مواصفات أساسية تحتاج
- هناك مواصفات أساسية تحتاجها في كل سيارة تقتنيها
* فرامل الـ ABS مانع الانغلاق
( ينفعك في الفرملة المفاجئة و الأماكن الزلقة و السرعات العالية وغيرها )
* نظام الـ VSC ( التحكم بـ ثبات المركبة )
( ينفعك لو لا قدر الله انزلقت بك السيارة او تفاجأت ب شيئ في الطريق
 و لفيت فجأة بقوة وأنت غير منتبه .. النظام يعيد السيارة لوضعها الطبيعي عن طريق استخدام
جميع الأنظمة المصاحبة للنظام هذا مثل الـ ABS و TRC والتحكم بـعزم السيارة )
* الإيرباقات SRS الأمامية و الجانبية ( وإن توفرت إيرباقات ل ركبة السائق و الراكب )
(و في اللاندكروزر تقدر تعرف وجودها من عدمها ب وجود زر اطفاءها RSCA OFF
--------------------------------------------
لما تفكر تشتري جيب لاندكروزر ... لا تستهتر بنفسك و تختار ما يختاره الناس كلهم 
على أساس المثل الخاطئ : الموت مع الجماعة رحمة 
أنت واعي و فاهم و يهمك مصلحة نفسك و يهمك سلامتك ويهمك المبلغ اللي تدفعه يكون مقابل
مواصفات عالية للأمان والسلامة و مواصفات توازي ما أنت تدفعه في هذا الجيب
--------------------------------------------
نـبدأ الآن الهدف من هذا الموضوع /
جيب اللاندكروزر GXR من 2008 إلى 2016 لا يتوفر بأقل المواصفات اللي من المفترض تكون أساسية فيه
وهنا سنتكلم بالتحديد عن 2016 GXR
..............
2016 GXR ( السعر حاليا من 206.500 إلى 235.000 و أكثر (للـخليجي)
- مافيه إلا إيرباق السائق و الراكب ( + ركبة السائق و الراكب ) ( باستثناء فل الخليجي )
وكأن عائلتك أو الركاب الخلفيين لاتهمنا سلامتهم
( رغم أنها متوفرة في الـFJ - أفالون - سيكويا .....الخ )
- مافيه انظمة الإنزلاق و السلامة مثل TRC و VSC  ( جميع أنواع الـ GXR  )
( رغم أنها متوفرة في - البرادو - الـFJ - أفالون - سيكويا .....الخ )

غير المواصفات الكثييييرة اللي تفرق عن الفكسار مثل أقل شي عدد فتحات توزيع المكيفات الخلفية ...ألخ
--------------------------------------------
الآن أوضح لك أنك تدفع ربع مليون ريال في سيارة جميلة جدا و صبورة جدا و يحبها كل من ينظر إليها
لكن بإمكانك بنفس السعر تشتري بأفضل و أرقى مواصفات

( هدف الموضوع هذا هو تثقيفك عن الـVXR )
--------------------------------------------
أعطيك الخلاصة /
أولا / الفكسار رقم 1 السعودي 2016 ( السعر حاليا في بحر الـ 246.000 ريال )
لايستحق الشراء أبدا أبدا أبدا أبدا أبدا
الأسباب أو أهمها /
* لايوجد فيه قفل الدفرنس التفاضلي ( دف لوك )  { طبعا VXR 2008-2016 مافيه دف لوك أبدآ }
* لايوجد فيه نظام الزحف
* لايوجد فيه شاشة شد بلد ( شاشة صينية من تركيب الوكيل )
* لايوجد فيه أنظمة الإنزلاق TRC و VSC
* لايوجد فيه إيرباقات الستائر الجانبية ( فقط ايرباقات أمامية للسائق و الراكب )
--------------------------------------------
تسألني طيب إش أشتري ؟؟
أقول لك فيه في السوق الآن فيه VXR خليجي على اختلاف الموردين
لكن نحن نبحث عن توفر المواصفات اللي نرغبها 
أعطيك مثال /
فيه في السوق VXR1 خليجي ( السعر حاليا 235.000 تزيد و تنقص )
* إيرباقات أمامية و جانبية 
* نظام الزحف ( اكتيف تراكشن )
* أنظمة السلامة TRC و VSC
( سعر أقل + مواصفات أعلى بـكثييييييير)
--------------------------------------------
طبعا الVXR و GXR
تختلف المكينة و القير فقط

لكن كلها نفس القطع من تحت مثل /
 ( المساعدات و المقصات و اعمدة التوازن و اليايات و الهوبات و الاقمشة و مسامير التوازن ......ألخ )



هذا ما احببت ان ابينه لكم .. والله ولي التوفيق

أبو يوسف العسيري







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب الVXR اللي تقول علية رقم كم ١او٢او٣
وعند اي وكيل هل هو البريمي او الفطيم اوالسعودي او او
وايت معرض لا ني المعارض فيه تلعب
ومشكور علي هذا الموضوع الأكثر من رائع


up 0 down 0
ابوغازي مكه -8
قبل 4 سنه و 11 شهر



موضوع رائع . يعيب السيارات اليابانية انه لازم تدفع اكثر عشان مواصفات سلامة اكثر..!! عكس السيارات الامريكية اللي فيها مواصفات سلامة موحدة من الاستاندر الى الفل كامل
اللي يميز السيارات اليابانية الصبر  والتحمل فقط لاغير وهذا اللي محببنا فيها ولا هي ما تسوى لا مواصفات سلامة ولا رساوة  ولا راحه .