ذكرياتك مع سيارتك الاولى

اول سيارة اتعلمت عليها السواقة كانت ماركيز 94 كان عمري 17 
و انواع التصديم و الحوادث حتى الجدار كنت اصدم فيه من الغشامة
ولا جاها شي تقول مدرعة لكن خربت فيها مروحة المكينة واهملتها 
لين خبطت المكينة وبعناها اخر شي ب4 الاف

اول سيارة تعلمت عليها كانت سكودا ٢٠٠١ قير عادي ديزل

كنت اسوق بالحاره ما اعشق للثاني
على طول على الاول 
بعدين خذني ابوي وعلمني وصرت انتّع عند الاشارات وحالتي صعبه
ومره وديت امي لبيت صديقتها قريب من عندنا.. ووقفت السياره بدون اسحب الجلنط وانسدحت
قمت وانا صاقع سيارة ولدهم وكاسر الاصطب
شريناها اقساط ب٥١ الف وبعناها ب١٤ الف بعد ٤ سنوات
تعبيها فل ١١ ريال تمشيك اظن ٧٠٠ كيلو
بعدها شريت كورولا ٢٠٠٥ سيارة رسمياً لي.. ذكريات ٣ ثانوي
وهذا قانون الوالد الله يحفظه ،، ما يشتري لك سيارة الا اذا نجحت لثالث ثانوي