أضف سؤال أو موضوع جديد          

مشكلة مكيف الكامري 2010

up 2 down 1
mxxz 397
قبل 6 سنه و شهر



السلام عليكم 
عندي مشكلة غريبة في مكيف الكامري 2010 ستاندر
فتحات المكيف اللي جهة الراكب هواء بارد واللي جهة السواق هوا حار والخلفي برضو بارد 
يعني فتحين المكيف تبع السواق يطلع هواء حار كأني مو مشغل فريون
اللي مرت عليه المشكلة يفيدنا لاهنتم طبعا معبي فريون قبل شهرين والمشكلة لها اسبوعين تقريبا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا المكيف الكتروني شيك على القسامات و 90% المشكلة من القسامات و الله أعلم


up 2 down 2
khalil zorgui 93
قبل 6 سنه و شهر



صارت معي المشكله الفريون ناقص ومع الوقت اذا ماعبيته
يصير كل الفتحات حاره


up 3 down 1
nissan88 45
قبل 6 سنه و شهر



ثلاجة يبيلك تغيير ثلاجة وتعبئة فريون بعد تغييرها
وخذ اصلية لاتاخذ دينسو دام انك فاك الطبلون لان النكلفة عالية شوية 
تقريبا شغل يد 500 تزيد او تنقص شوي والثلاجة ب 700 او 800
بس راح ترتاح اذا ركبت الاصلية والدنسو ب 500 طيبة ايضا لكن
الاصلي اضمن 


up 1 down 3
ابو عبدالله احمد 3530
قبل 6 سنه و شهر



فيه احتمالين اخوي
1- انه ناقص فريون والحل انك تزوده
2- انه تقسيمة الحار والبارد خربانة فية حلين انك تصلح التقسيمة لازم الطبلون ينفك
الحل الثاني انك تفصل الحار والله لو فصلت الحار ليكون ثلج بإذن الله
واي استفسار انا حاضر 
تقبل مروري


up 2 down 1
abdullah.awad 47
قبل 6 سنه و شهر



اخوي الفريون ناقص ميه بالميه توها صايره معي باليارس 
مريت الكهرباىي وزاده لي ب ٥٠ ريال ورجع ثلاجه وعشان تتطمن 
مر اقرب كهرباىي وقل شيك لي ع الفريون وبتشوف بعينك 


up 2 down 1
غريب الدار١٣٢ 79
قبل 6 سنه و شهر



اشكركم على المساعدة كلا بأسمه 
بالفعل المشكلة نقص فريون 
بدأت بالاقل تكلفة وعملت بكلام أخي غريب الدار زودت فريون ب50 ريال ومشت الحمدلله 
+1 للجميع


up 2 down 0
mxxz 397
قبل 6 سنه و شهر



ياخوك انا مثلك انفجعت 
ورحت الكهربائي قلي فريون ناقص 
وزودته طلع معي زي الثلج .


up 1 down 0
fwaz.al3tebi 15
قبل 6 سنه و شهر