استفسار عن عداد السيارة

يقولك اللبيب بالاشارة يفهم

انت تشوف حاله الموتر وحاله ديكوراته وتعرف .. مب معقوله موتر موديله قديم شوي ومراتبه متقطعه وعداده تحت ١٠٠ الف مثلا

وتقدر تشيك على مسامير الطبلون ..وفحص الكمبيوتر للاسف مب دايم يطلع النتايج صحيحه ؟ يعني بتفحص كمبيوتر السيارة وعلى بالك انك بتلقى الممشى الصحيح مخزن فيه ههههههههههههه لاذي ماتفوت على الشريطيه ؟ يقدر يحمل برنامج يمسح منه بعض البيانات بكل سهولة   

تطلب ورقة الفحص الدوري السابقة , او عن طريق مركز الفحص الدوري خصوصا اذا السيارة موديلها قديم عادة لابد ان يمر عليها
اكثر من فحص دوري , في ورقة الفحص تلقاها على الخانة اليمين في الركن الايمن العلوي ( قراءة العداد ) 
يعني هو ممكن يستذكي صحيح ويسوي الفحص بعد تنزيل العداد لذلك انت لازم ترجع للفحص القديم 

ومثل ماقال الاخ الفاضل السيارة يبين عليها الممشى عادة والمكده , 

اخيراً حاول قد ماتقدر انك ماتشتري سيارة من شريطي ولا المعارض بالنسبة للقديم, شف واحد تعرفه ولا عن طريق احد تعرفه 
يخاف الله ولا له في هالسوالف المحرمة 

والاهم والمهم
استخر الله ماخاب من استخاااار

ربي يحفظكم اشكركم على تعليقاتكم 
وفكرة الفحص حلوه 
المشكلة محصل مازدا حقت واحد باكستاني 2014  
شفت العداد 36 الف  ولما تمشي بالسيارة تقول لا فيها حنه وصوت حق كرف 
والله الواحد يستغرب في بساطة الحرام 

تحياتي لكم جميعا