ماخاب من استشار .. بخصوص شراء قزاز امامي لسيارتي

أنا مجرب الزجاج المصنوع محلياً على الكابرس سابقاً كلفني 400 ريال مع التركيب وطلع ممتاز ما تفرقه عن الأصلي

الكورولا تكلف 250 ريال تقريباً

زجاج الوكالة سعره مبالغ فيه هذا غير التركيب 200 ريال تقريباً

فيه نوع مكسيكي ( يمشي الحال ) ركبته ومازال دابك معي
عموماً اذا بتركب تجاري لاتنسى تظلله شفاف عشان لو انكسر لاسمح الله مايتشعب او ينثر عليك
وبالتوفيق

القزاز هو القزاز
الفرق في عدد الطبقات
ركب حتى ان شاء الله بنقالي
والله ليزوك معاك ويدوم

أهم شئ احرص على شيئين اساسين 
يكون مافيه تموج ولا تلاحظة بسرعه يبيك تدقق قبل يثبتها 
الشئ الثاني التركيب يكون بموقع سمعتهم كويسة لأنه لو نقص في
موقع ملي واحد سليكون راح يطلع معك تنسيم وراح تبلش كل يوم وانت راجع لهم

مر علي التشاليح ممكن تلاقي زجاج اصلي بسعر رخيص

ابحث عن محلات السالم للزجاج 

انا مركب قزاز امامي على كامري 2004 وطني بـ 200 ريال اهم شي يكون (طبقتين مع عازل ) 

مر السالم للزجاج وركب عنده فرقه عن باقي المحلات 100-150
أنا ركبت قزاز من محل عادي قسم بالله وانا ماشي 70 يدخل الهواء علي ويوم رحت للمحل بعد شهرين جحدني وقال انت ما ركبت القزاز عندي ! مع إني جايه بالفاتورة حقته !!!
وخليته غصب يحط غراء إضافي ولا زبط (لا وهو قاعد يحط الغراء من زود الجحدة يقول تراك ما ركبت عندي بس ما ودي أحط شي في ذمتي)
الله لا يربحه

من رايي تروح تاخذ لك قزاز تشليح امامي

وتركبها عند محل محترم ويعطيك ضمان تركيب

منها قزاز اصلي بعد الله

واعتقد راح تقل عليك التكلفه

ويبيلك تتصبر الين تلقى لك ضالتك

موفق يالغالي

بيض الله وجيهكم ورحم الله والديكم
جزاكم الله جناته
افدتوني كثيرا 

شيء واحد هو الاهم
ان القزاز فيه جلد وماعليك من أي شيء ثاني - الجلد حتى ماتبتلش في صوت الهوا وركب وماعليك من شيء

بعد تجارب كثيرة ماينفع غير الاصلي لا السالم ولا غيره سيليكون شد البلد غييييير ٣٦٠ فرق ونوع القزاز يختلف ولكن الشكوى لله عشانه غالي الناس تتوجه للصيني 

السلام عليكم ورحمة الله وبركاته

انا مره انكسر القزاز حق الايدج وغيرته 
بنوع اسمه  تكنو قلاس ممتاز جدا جدا ما يفرق عن الوكاله
بس خليه يدبل السيلكون

زي ماقالو لك الإخوان روح التشليح عاد ماشاء الله التشليح مليان كورولا تحصل طلبك بأقل سعر

عزيزي الوطني ممتاز جدا 
انا ركبت لكامري ٢٠٠٩ ويعلم الله انه نفس الوكاله 
من ناحيه تحمله للعج والحصى
ركبته ب ٣٠٠ وبدون مكاسر يعني لو كاسرته اخذته ب ٢٥٠
لكن احرص على ان يكون شغله ممتاز ويحط الغراء بكل ملي 
لاني غيرت مرتين المره الاوله للاسف ماكنت جالس معهم 
وركب لي مكسيكي 
والله ماجلس يومين طلعت رصيف وانشعر
☹
ورحت ظللت وبعد فتره رحت افك التظليل ويوم العامل
يحر التظليل وربي ان القزازه راحت معها 
واكتشفت انه ماحط غراء الا بالزوايا 
هذا من غير صوت الهواء 
لكن احرص على محل كويس 
واسف للأطاله

ارجعلة وجيبلة دورية

معاد ينفع دوريه  الوضع الان اختلف تكلم الدوريه يحولك على وزاره التجاره والتجاره تطلب فواتير واحرصوا على ذالك