لقد قام العضو بحذف الموضوع

والله صادق وانا أخوك 
مافي ارخص من الرياض وجدة

الحقيقه ليست فقط اسعار خميس مشيط فقط حتى نجران
غاليه ويمكن اغلى من الخميس

ياشيخ فيه شلة شريطيه همج الله لا يحوجنا لهم

ضعف الرقابه خلاهم يرفعو بالاسعار على مزاجهم
لو كان فيه رقابة من وزراة التجارة كان اسعارهم موحده الان
الله يعين اهل الجنوب دام اهم شيء عندهم اسعاره مرتفعه

خلو سياراتهم تخيس في معارضهم والرياض وجدة قريبه

يارجال شف المعارض كيف مكدسة من السيارات عندهم ما تلقى مكان تمشي بين السيارات وأسعار المستعمل قريب من الجديد العام كنت ادور على يوكن من 2012 وفوق وألقى أسعارها بالخميس من 130 الف وانت طالع !!!!!!!!! طنشتهم وأخذت من الرياض وانظف من سياراتهم وراعيه مواظب على صيانتها بالوكالة
والمشكلة السوق ركود ومتمسكين بالأسعار 

لانهم شايفين ناس واعيه فاهمه!!! 

وش تقول اذا فيه ناس تشتري مهما ارتفع السعر 
اصحاب المعارض ماشطحوا بالسعر الا انهم لاقين ناس تشتري 

معروف الجنوب غاليه مادري ليه يمكن علشان الشحن انا قابلت اثنين من اهل الجنوب في معارض النسيم بالرياض وكلهم يقلون منحاشين من الاسعار الغاليه 

أغلى أسعار في المعارض على مستوى المملكة معارض خميس مشيط سواءً الجديد أو المستعمل ، وهم يسيرون بعكس التيار 

تجد السيارة كلما طولت عندهم رفعوا سعرها مدري ليش ، ويحسبون الناس مغفلين لهذه الدرجة ، الحمد لله في موقع حراج أشهر 

معارض السيارات في المملكة تعرض سياراتها عن طريقه ولا تنسى عندك مواقع إلكترونية أخرى بإمكانك تتعرف على 

الأقل سعراً وتشوف السيارة الي تناسبك عن طريق الواتساب أو الوسائل الأخرى وكلها الدعوى حول المبلغ وينقلون السيارة 

باسمك وما يزيد عليك إلا رسوم الشحن وبعض المعارض معهم خصم للشحن وتوفير كم ألف أحسن لك بكثير بدل ما تترجى 

شريطية الخميس وخل سياراتهم تصدي . 

عندك مثال كذلك الهايلوكس 2016 جنوط سعرها حالياً 85 ألف ولا زالوا في معارض خميس مشيط يبيعونها بسعر 94 ألف 

لاحظ الفرق . 

طبيعي لانها ليست باب رزق لهم انما هياط ان عندي معرض واعرض سيارات واجمع ربعي وجماعتي عندي عشان كذا مايهمه تمشي ولا ماتمشي وماعنده مشكله ينتظر لين يجيه واحد مطفي النور يصقعها في ظهره

لو انهم يبون يترزقون الله كان مشو اللي عندهم بربح معقول وجاب غيرها وهكذا

لكن يتعاملون مع المعرض مثل مكتب العقار يتكي فيه لين المغرب ويتقهوى ويسولف وهو مرتاح ماديا ماضره تمشي ولا تقعد

مامشى سوقهم الا كبار السن
عندنا في تهامه
والله ماتدري الا طاق له جيب ولسعوه ذاك الكلام
الله يهديهم لايستشيرونً ولا شي 

تذكرة ذهاب لجدة او الرياض اقل من 500 ريال وخلي سياراتهم تصدي عندهم

والله انا وعيال عمي شارين من الرياض فرق ١٥ الف
انا عارف معارض الخميس واللي شغالين بها ثله شريطيه متفقين  يشترون ببخس ويبيعون بالغلا او باقساط حتى على العماله يورطونهم باقصاد 
اهم شي يدبل ويرهن راتب الموظف او العامل
الله لا يبارك لهم 
الفرق بين السما والارض اسعار الرياض والخميس بالشرا وبالبيع برضه تبيع بالرياض وجده افضل من الخميس 

اهل الجنوب اللي يبي سياره من حراج الرياض بدون ما يجي للرياض يكلم معرض عماد الدين
المعرض ثقه تشتري منه السياره اللي تبي وتحول له الفلوس وهو يسجلها بأسمك ويشحنها لك

حتى المستخدم عندهم غالي 
انا افكر مستقبلا ابيع سيارتي هناك 
خميس مشيط وعندك الطايف اسعارهم غالية جدا 

روح  الكويت والله ان تدعي لي 

الحين مافي احد يشتري علي عماها 

انا افضل الموتى الخليجيه موصفات وسعار زي الناس 

اما هنا لا موصفات ولا تخزين زي الناس واسعار تسد النفس 

استغلال حاجة الناس وبعدهم من الرياض خلاهم يثبتون علي الاسعار
اقل شي ارفعوا الف ريال الفين مش 9 الاف ريال

خلوها تصدي ويصورون مع سياراتهم

اركب طال عمرك طياره واتجه الرياض واغلب المعارض نقل الملكيه في نص ساعه

بس قبل ماتسافر شيك علي المعارض او وص احد من ربعك يشوف لك موتر وتوكل علي الله

انا كان عندي هيونداي النترا وبعتها واحد في جيزان بدون حضوره

ارسل صورة الفاكس مع ولد اخته ودفع المبلغ ونقلوها بااسمه وشحنها له