أضف سؤال أو موضوع جديد          

حل مشكله مكيف الكامري اليارس واي سياره بنظام البلف الاكتروني

up 35 down 3
aldohmy050 101
قبل 5 سنه و 7 شهر



السلام عليكم اخواني 
 كل واحد عنده سياره حديثه من سيارات تيوتا 4سلندر يعاني من مشكله الكمبرسور يعني الكمبرسر مايدوم الى فتره بسيطه ويخرب بسبب البلف الاكتروني بذات لما 
السياره تتعرض لتغيير فريون الوكاله يعني لحادث او ماشابه وهاذي المشكله برضو يواجهونها اصحاب الكوري مثل كيا وهيونداي فيه اللي يرهم كمبرسر وهاذا اكبر غلط
لانه يئثر على الكهرب والكبيوتر يقل عمره والمكينه يطيح عزمها ومشاكل ماتخلص
طيب انا لقيت الحل النهائي وانشاء الله معاد يخرب
تابع معي الخطوات وطبقها صح وانا المسؤول اذا انضر موترك وانا ميكانيكي والحمد لله توصل لحل المشكله بعد معانه وخسائر اكثر من5000على المكيف 
طيب التكلفه للعمل تقريبا 400ريال اللي مايعرف للميكانيكا يحتاج ميكانيكي ينفذ الكلام بس بدون مايناقشه اما اللي عنده خبره بتكلفه 200 بلكثير 
1-تفك المواصير الكبيره والصغيره وتنظفها ببنزين وتتركها تجف 
2- تفك البلف اللي راكب على الثلاجه الداخليه وتنظفه وتنظف مداخل المواصير طبعا بعد فك البلف ببنزين 
3- تفك الكمبرسر وطلعه وتفك البلف الكهربائي بتلاقي على البلف شبوك صغيره تقصها بلقصاصه او سكين بس حاول ماتتلف البلف اوتجيبه بلقوه يجي شبكين صغار
تفك الربلات الموجوده على البلف وتشتري ربلات من محلات قطع الغيار طبعا الوكاله مايبيعونها افضل شي تروح عند قطع الغيار خاص بشاحنات وتاخذ نفس مقاسها اواعرض 
بشي بسيط تفرغ الكمبرسور من الزيت وتركب البلف وترجع الكمبرسور على السياره
4-تفك الاديتر تبع المكيف وتفرغه من الزيت وبعد الفريغ تنفخ بفمك داخل احد الفتحات اذا الهوا يطلع بسهوله حلو تغسله بنزين وتنشفه بلهوء وتركبه واذا مسدود 
افضل شي تغيره وعلى فكره التجاري سعره150 ويقوم بعمل الاصلي
5-تاخذ الماصوره النحيفه وتناظر من مكان تركيبها في كبينه السياره يعني الاتجااللي رايح للاديتر مانبه نبي اللي راكب على البلف الداخلي تلاقي ربله داخل جوه الماصوره ربله 
طولها تقريبا2 سم تجيب منقاش وسكين وتحاول تطلعها براحه بدون ماتخرب اطراف الماصوره 
6-تشتري طقم ربلات للمواصير وزيت اسي ديلكو الاصلي وقيمته 50ريال لونه شفاف 
7-تركب كل شي في مكانه بعد ماتزيل الاشياء اللي ذكرتها

طيب الاشياء اللي بتتخلص منها شبك يجي على البلف يجي واحد في الطرف والثاني في النص اللي في الطرف يطلع براحه لكن اللي في النص لازم تقصه 
والربله اللي داخل الماصوره لازم تسحبها بشوشي عشان ماتخرب الماصوره 

طيب ممكن احد يجي يتفلسف ويقول لو مامنها فيده ماحطوها الوكاله احب اقوله خلك على حالتك منت مجبور تسويها
البلف المشكله اللي فيه هو عيب مصنعي بسبب الربلات ضعيفه فيختلط الفريون الحار مع البارد ويفصل والشبوك او الفلاتر الصغيره هي اللي تاخر مرور الفريون 
وتخلي الربلات تتلف بسرعه 
والربله اللي داخل الماصوره تاخر مرور الفريون الحار وتسبب في رفع حرارته زياده 
طبعا انا سويت هاذا الاشياء بيدي ويشهد علي الله اني ماكذبت عليكم في شي والسياره صارلها سنه مكيفها ماشاء الله بلاكرسيدا بلا ددسن والله اذا سافرت اني اقصره اخر شي واكون بردان




والموضوع نزلته عشان نتفادا نصب الورش واستغلال الوكيل والله لايحلل ولايبيح اي احد ياخذ الموضوع ويبيعه على احد ويستغله الله لايوفقه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب انا عندي ازيرا انتا صلحلي هوا بدال م ينصبو علينا الباكستانية واعطيك حق تعبك 


up 10 down 2
moore_00 12
قبل 5 سنه و 7 شهر



اخوي وين مكانك 
جزاك الله خير 


up 1 down 0
زيت زيتون 2015 1046
قبل 5 سنه و 7 شهر



حتى انا معي يارس ابيك تصلحها ولك حق تعبك


up 1 down 0
gbran403 589
قبل 5 سنه و 7 شهر



وانا معي لكزس في عدة مشاكل بالتكييف اذا انت بجدة فين موقعك؟


up 0 down 1
دكتوراه في الحب 164
قبل 5 سنه و 7 شهر



انا مرهم كمبروسر كورولا ٢٠٠٧ على يارس ٢٠١٢ كلفني كله ٧٥٠ 
والمكيف ثلاجه ماشاء الله ولا تاثر عندي العزم ولا الكهرباء ولا شي 


up 2 down 0
غريب الدار١٣٢ 79
قبل 5 سنه و 7 شهر



الله يسعدك ويوفقك ماشاء الله صحيح الحل غير مكلف لكن ان شاء الله ينهي مشاكل ناس كثيرة وعسى الله ينفع بك 


up 0 down 0
abofarah 1079
قبل 5 سنه و 7 شهر



احلى لايك.. تستاهل


up 0 down 0
فلامنجو 66
قبل 5 سنه و 7 شهر



لو في تنزل فيديو يبقي شئ ممتازززززززززززززز


up 0 down 0
عمده33 1664
قبل 5 سنه و 7 شهر



ماشاءالله جاك رزقك ياخوي

صلح لنا ولك اتعابك دبل اللي ياخذون حقين الورش

المهم عندي مشكلة بالمكيف اذا الحل عندك

المشكلة بعض الاحيان اذا ماكان غالبا المكيف مايبرد الا اذا شغلت وطفيت السيارة اكثر خمس مرات اقل شي 

يطلع هواء عادي مايل للحار

يعني الكمبروسر مو شغال اذا مابرد

وش المشكلة ياغالي ؟
السيارة كورولا 2013 ستاندر


up 0 down 0
coco13 893
قبل 5 سنه و 7 شهر



المشكله كلها من الفريون التجاري 
وموضوعك مرتب ومتعوب عليه 
ولايك


up 1 down 0
باترول 2020 2624
قبل 5 سنه و 7 شهر



وعليكم السلام ورحمة الله وبركاته 

شغل متعوب عليه 
شاكر ومقدر لك جهدك +1

تقبل مروري


up 0 down 0
starting 1043
قبل 5 سنه و 6 شهر



الله يوفقك من جد موضوع ممتاز ومفتقدين للموضوعات المفيده من النوعيه دي


up 0 down 0
spiderman66 288
قبل 5 سنه و 6 شهر



احلى لايك
واحب اضيف شئ انه مكيف الكامرى 2007 اصلى بالوكاله 3000 ريال والدنسو 1400 ريال بالمحلات بدون ضمان
والاصلى نفس التصنيع من شركة دنسو بس اوجميل يغير الكرتون 
ان شاء الله موضوعك نستفيد منه ونرتاح من ابوجميل ونصب وكالته


up 0 down 0
spiderman66 288
قبل 5 سنه و 6 شهر



وانا عندي مكيف الكورولا
يفصل اذا وقفت واذا مشيت يبرد وش الحل 

الله يحزاك خير 


up 1 down 0
mohammed alshehri1 43
قبل 5 سنه و 6 شهر



اول مرة اسمع ان فيه فريون حار
يا اخوي الهواء الحار يكون من الرديتر 


up 0 down 0
abdullah.awad 47
قبل 5 سنه و 6 شهر



جزاك الله خير اولا +1
و ياليت تدعم موضوعك بشرح بمقطع 



الاخ اللي يسال عن الفريون الحار 

فيه ضغط عالي و ضغط مخفض و الضغط العالي هو الحار و و فيه 4 حالات داخل دورة التبريد 
عالي سائل 
عالي غاز 
منخفض سائل 
منخفض غاز 

و بالنسبة للتفكيك و الغسيل لو استخدمت فريون 11 او النيتروجين و ارتحت و ثم فك الكمبرسر و غير الربلات و الحوسه اللي تبي تسويها 





up 1 down 0
khalidoo 1167
قبل 5 سنه و 6 شهر



اخوي الدحمي وين مكانك فيه عندي مشكلة مكيف اليارس 2012 انكسر علي رديتر المكيف ولحمته عند محل وعبا فريون يقول انه امريكي وطلعلي مشكلة انه مره يصير حار ومره بارد يوم رجعتله قالي عندك الكمبروسر خربان يبغالك تغيره بترهيمه بكمبرسر كورلا وإن شاء الله يصلح
آسف على الإطاله وآمل الرد على اسئلتي



up 0 down 0
ابوعبدالله ابراهيم 001
قبل 5 سنه و 4 شهر



الله يجزاك خيرررررررررر


up 0 down 0
مازن الخضيري
قبل 2 سنه و 3 شهر