أضف سؤال أو موضوع جديد          

منظف SMAC تجربه استخدامه على سيارتي

up 45 down 5
w176.amg 2014
قبل 5 سنه و 5 شهر



بسم الله و الصلاه و السلام على رسول الله 

السلام عليكم ورحمه الله :)

اسعد الله صباحكم و مساكم بكل خير 

ادري ادري مختفي ومالي حس 
لحد يزعل مني لكن 3 ارباع وقتي اقعد اذاكر اخر سنه
دراسه جامعيه الله يعين و ييسرها و يعديها ع خير 


طبعا اغلب مواضيعي تتكلم عن تظيف السياره و الاهتمام
فيها و اداوت تستخدم في التنظيف 

صار لي كم شهر افكر انظف ديكور الباب 
وكل مانظفته جاك الكسل او انشغل او مرات انسى
لكن هالمره قررت اشتري المنظف و اشتغلها


اليوم بتكلم لكم عن منظف و يسوي لكم تجربه خورافيه

البخاخ اسمه SMAC او بالعربي زماك 
و هو منظف يزيل الشحوم و الاوساخ بشكل سريع ومحد 
يتخيله 
تحصله في محلات المنظفات المنزليه سعره 13 ريال
مجرد ما تبخ ابدا امسح .. مفعوله قوي و سريع 
يستخدم في البيت و السياره 
و يستخدم في الجلد و المخمل 
و يستخدم في ازاله اصعب الدهون او الله يعزكم الوساخات 

طبعا ببدا اعلمكم الادوات المستخدمه 
1/ بخاخ زماك 
2 / خرقه تكون فيها شويه خشونه 
3 / بخاخ تحط فيه مويه و علبه مناديل 

طبعا ابغى اخلي الصور كل وحده لحالها لكن ماش
النت عندي سيء ف جمعت كل صورتين و ثلاث و اربع صور
في صوره وحده 

الطريقه..:
انا عندي تكايه ديكور الباب مخمل و وسخه ف استهدفتها
والطريقه انك تعبي التكايه من بخاخ زماك 
و تنتظر دقيقه وبعدها تستخدم الخرقه في عمليه الدعك 

و من تخلص و وتتاكد انك ارضيت غليلك في هالدعك
 استخدم البخاخ الثاني اللي داخله مويه في رشها ع نفس المكان 
و بعدها تستخدم المناديل في عمليه ضغط المنديل ع
التكايه عشان نشفط السوائل كلها

انتهى الشرح ..

الصور بالترتيب 
اول صوره فيها 3 صور
الصوره اللي فوق صوره التكايه قبل التنظيف
الصوره اللي تحت ع اليسار البخاخ و الخرقه 
الصوره اللي تحت ع اليمين بعد رش البخاخ ع التكايه

ثاني صوره 
بعد رش الماء ع التكايه و استخدام المناديل في عمليه
الضغط لامتصاص الماء
وشوفو وش طلع من التكايه :|

ثالث صوره 
بعد شفط الماء وهذي هي النتيجه نظيييييفه 
لكن ننتظر لبكره عشان تنظف تماما
و صوره اخرى للبخاخ البطل

طبعا اللي عنده وساخه في الديكورات البلاستيكيه 
داخل السياره ف يرش و يمسح ع طول لا ينتظر

و ينفع داخل و خارج السياره و نفس الكلام رش و امسح

ملاحظه / 
الموضوع اجتهاد شخصي وهديه لاعضاء منتدى حراج
وممكن محد يعرف الفكره هذي ..
واتمنى من اي شخص يحب ينقل 
الموضوع لاي منتدي انه يحط ملاحظه تحت بان الموضوع
مقتبس من منتدى حراج من العضو خيال الامس
السبب / اشخاص نقلو مواضيع لي لمنتديات ثانيه
و نسبوها لانفسهم .. و ضيعو تعبي 


هذا كل ماعندي 
و سبحانك اللهم و بحمدك 
اشهد ان لا اله الا انت
استغفرك و اتوب اليك



تحياتي 












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مجازفة حلوة انك تجرب على موترك سائل ماله دخل بالسيارة اشكرك مجهود رائع 


up 5 down 1
benz lover -77
قبل 5 سنه و 5 شهر













شي جميل انك تشتغل بسيارتك له طعم ومتعه ثانيه

نشكرك على مجهودك :)

ولو اقدر احط الحين لايك لأحط ىك لكن نقاطي قليله بس ابشر بابعوض


up 30 down 0
al-harbi 97 -54
قبل 5 سنه و 5 شهر



حياكم ربي ي اخواني

شرف لي ردودكم ربي يسعدكم 


up 8 down 1
w176.amg 2014
قبل 5 سنه و 5 شهر



الله يعزك 

وشكرا لك الى الامام 

والله يوفقك بدراستك وتتخرج باعلى الدرجات 


up 4 down 0
kshurieh -30
قبل 5 سنه و 5 شهر



يعطيك العافية , احب اضيف شيء ان زيت الزيتون تقدر تستخدمه في تنظيف بلاستيك الداخليه والطبلون .
بيرجعلك اللمعة كأنها وكالة .


up 2 down 1
السائل -46
قبل 5 سنه و 5 شهر



طيب انتا حمستتي اكتب موضوع ولا اقولك انت جرب ونزلنا موضوع شف اقولك في بخاخ عند محلات الزينه اسمو كلين ماكس علبه غطاه ازرق المهم ب20 او 25 صناعه امريكيه ×اصلي × المهم شف اذا موترك جلد هلذا البخاخ يباغت الوصخ من حيث لا يعلم وينظفلك الموتر بشكل انا تحسفت ما شريتو من زمان فا ما علينا اصحاب المخمل ^_^ انا منهم كيف تستفيد من البخاخ يجيك العلم شف امسك البلاستيك او ديكور وبخ البخاخ عطه عشر ثواني لين تخف الرغوه وهاك دعك يليت فرشاه / ازين شي لتنظيف المناطق الصعبه هو تستخدم فرشاة الاسنان / بتلقى قديمه منا ولا مناك المهم ادعك بلفرشاة المناطق العاده والصعبه وامسح بمنديل ولا خرق جدا ممتاز جربت علئ المراتب ماكان ذلك الاداء المبهر فابشوف بخاخ ثاني كان ودي اصور بس غسلت سيارتي وما حيبان زي اول غسله اعتذر لو اي خطا اكتب من الجوال واي سوال انا حاضر وبتوفيق للجميع 


up 3 down 1
mfs1sfah 70
قبل 5 سنه و 5 شهر



موضوع ممتاز احلى لايك لعيونك، والاهم من كدة أحب أذكر الناس اللي عندهم سيارات مقاعد جلد باستخدام مرطب الجلد مرة كل ستة أشهر؛ لحماية الجلد من ظهور تشققات.


up 1 down 0
abassam10 200
قبل 5 سنه و 5 شهر



ليش ديسلايك جريت البخاخ ولا ماظبط يعني نص ساعه اكتب وازبرق ويجيك ديسلايك علئ الصبح شي يكدر الخاطر


up 2 down 1
mfs1sfah 70
قبل 5 سنه و 5 شهر



جزاك الله خير ومجهود تشكر عليه سؤالي هل يصلح البخاخ على موكيت السيارة واذا مايصلح ايش البديل ؟


up 2 down 0
dawwy 266
قبل 5 سنه و 5 شهر



يسعدكم ربي و يرضى عليكم ع ردودكم الطيبه 

Mfs1sfah.. اتمنى تنزل الموضزع باقرب وقت ممكن 


up 2 down 0
w176.amg 2014
قبل 5 سنه و 5 شهر



هدفي والله افيد و استفيد .. اللايك و الدسلاك ما ياثر ب شي 

Dawwy
ينفع لكل مكان ِِ جرب اانبسط بالنتيجه:)


up 3 down 0
w176.amg 2014
قبل 5 سنه و 5 شهر



موضوعك جدآ ممتاز ومفيد .. الله يوفقك في دراستك وحياتك 


up 1 down 0
زياد أبو جوري 515 1
قبل 5 سنه و 4 شهر