أضف سؤال أو موضوع جديد          

امتداد لاأخي ابو يزيد وابو سيف

up 32 down 6
االخاالدي 3898
قبل 6 سنه و 2 شهر



السلام عليكم ورحمه الله




أمتداد لموضوع الشريطيه لااخوي ابو يزيد وابو سيف




انا يااخوان تعينت مدرس بالرياض جيت بقراطيسي من 




الشمال ولا اعرف شي كنت على هايلوكس  واتعبتني بالزحمة قلت ابي سياره اوتو
ودخل براسي فورد اكسبديشن دبل هههههه على بالي مثل الجيوب وسعره معقول
المهم افرفر بالمعارض وادور وكم مره بغيت انكب لي بسياره 
خذيت اكسبديشن ورحت بفحصه عند البريدي الى بمعارض النسيم
طلع في صوت بالمحرك وبعد الفحص واحد من السلندرات فيه مشكله المهم العامل الى فحص يقولي هذي طبيعيه ومافيها شي وكل السيارات كذا
اخوكم غشيم وعلى البركه ولا عمري خالطت شريطيه
اخذت ورقه الفحص ورحت لسعودي اتوقع انه صاحب المحل 
تشوفون اصابعه مقطوعه الله يعوضه
قلتله كذا وكذا قال كلامه كذب هذي تحتاج توظيب وان انصدم واهون عن السياره
واسولف بالمدرسه وكان عندنا مدرس صاحب صاله قال تعالي اليوم عندي كم واحد
انا اعرف الرجل به خير ودين بس انه يحلق اللحيه بس ماشاء الله حرصه على الدين الله يثبته
ومريت العصر لمعارض الشفا صاله سطى والقي ثلاث واختار واحد 
وقال رح افحص واروح قالو بس تصفيه مكينه 
توكلت على الله وخذيت السياره وغيرت البواجي وتوكلت على الله ورحت فيها للشمال
يوم بقي عن الديره ٤٠كيلو الى اسمع صوت ونه وانا اكمل
كان وقتها نهايه الشتاء وممطره قلت يمكن من هالجو
وصلت ولا راح ثاني يوم ولا راح
وامر الصناعيه واخذ واحد فاهم ويسوق قالي الرمان عندك فيه مشكله
وارجع عليه للرياض واقول لخويي كذا وكذا
والله ياانه يركض بالصناعيه كأنها سيارته وصلحها على حساب الصاله
والحمد لله قعد عندي سنتين ونص وبعته ولا فيه الى العافيه وكل مااتذكر هالرجل ادعيله من قلب ان الله يبارك له بصحته وماله وعياله لانه عارف اني ماافهم شي ومع ذالك ماحب يستغلني بشي
فأنا من باب اننا مانحكم على جميع الناس بالنصب برضو الخير موجود واصحاب الذمه والى يخافون من الله موجودين والرسول صل الله عليه وسلم قال الخير بأمتي الى قيام الساعه
نصايحي قبل لاتقدم بشي
١-التوكل على الله حق توكله
٢- الاستخاره 
٣- استودع نفسك ومالك عند الله فالله لايضيعك




واسفين على الاطاله وكتبت هالكلام وفاء وتقدير لذلك الرجل 
اخوكم فهد الخالدي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شي حلو والله انكم تمدوا و تعطونا تجربتكم مع الشريطيه جزاكم الله خير 

لايك +1

ننتظر امتدادات من الشباب  عشان نستفيد 


up 2 down 0
fowad 123
قبل 6 سنه و 2 شهر



فعلا بعض الناس تعاملهم يحسسوك الدنيا بخير ..


up 2 down 0
عربة للسيارات 1665
قبل 6 سنه و 2 شهر



احسن شيء تاخذ سياره من واحد تعرفه 

حتى لو صار شيء اكيد انه يغليك وبيعطيك حقك كامل

عكس لو تاخذ سياره من واحد ما تعرفه ولا تعرف اخلاقه 




up 1 down 0
abomesal 1037
قبل 6 سنه و 2 شهر



عساك على القوة 
واصابع اليدين ماهي سواء
والناس اللي فيها خير كثير
لاكن فيه مقولة العمى عماء القلب ماهي العيون
اذا جيت تشتري او تبني الخ
شاور اهل الخبرة 
وباالتوفيق للجميع


up 0 down 0
باترول 2020 2623
قبل 6 سنه و 2 شهر



موضوع رائع
والتعميم لغة الاغبياء 
اعرف شريطية عز المعرفة يرضون بمكسب ٥٠٠ و ١٠٠٠ ريال فالناس ماهم سواء


up 1 down 1
دكتوراه في الحب 164
قبل 6 سنه و 2 شهر



موضوع جميل من شخص اجمل

وحلو انك ذكرت الناس اللي تبيع و فيهم خي

وانا يمكن غلطت وعممت , ما ادري والله

لكن في قاموسي الشخصي , ان الشريطي , هو اللي بايع ذمته وضميره , ويغش الناس

اما اللي بيترزق الله بالحلال , فهذا ما يسمى شريطي , هذا طالب ماعند الله , وياكثرهم اللي فيهم خير

لكن كلمه شريطي اقصد انها محدوده على اللي بايعين الذمه بريال وياكلون الحرام كانه شيء عادي

وباين من اشكالهم وكثر حلفهم مع ان السياره مدموره

ولا انا اشهد ان فيه ناس عسا الله يوفقهم ويسعدهم دنيا واخره , ما يبون ريال حرام يدخل بجيبهم

و انا شريت سيارتي الحاليه الكيا

و فحصتها كمبيوتر وقلت لراعيها على بركه الله وتمينا على خير

ومسكني بيدي , وقال, هذا المفتاح , وجربها بنفسك , يمكن فيها عيوب انا ما اعلم فيها ولا طلعها الفحص , وابغا ابري ذمتي

ووالله بعض الناس تحرجك من طيبتها ومن صدقها بالبيع

صحيح طلع علي بعض المشاكل البسيطه وهي كراسي المكينه واكتشفتها بنفسي والفحص ماطلعها

لكن والله اني مسامح الرجال ومحلله دنيا واخره لانه صادق ورجال والنعم فيه ولا غشني بشيء وطلع السياره قبل وبعد الفحص نفس كلامه بدون تدليس

وانا الان استخدمها لي 11 شهر وهي كيا اوبتيما 2014

ويارب لك الحمد لله ماطبت ورشه لحد الان ما شاء الله , وكراسي المكينه يقول راعي الورشه عادي ماتضر تمشي عليها لمده سنتين وتجي تغيرها

بعض الناس تدعي له وبعض الناس تدعي عليهم

فاتمنى من اي شخص بكره يبيع سيارته

يطرح من قيمتها الفين ثلاثه قيمه العيوب ان ظهرت بالفحص

ويبري ذمته بالدنيا والاخره

تحياتي لك يا غالي

وتسلم على الطرح الاكثر من رائع +1


up 2 down 0
ابو يزيد 000 8712
قبل 6 سنه و 2 شهر



تدري وش الي يزعل؟ انه الشريطية اذا خافوا ربهم واشتغلوا شغلهم زين
بدون غش او نصب او خلافه انه ربي رح يفتحله ابواب الرزق من كل مكان
ولكن الشريطي المسكين ما يدري و يفرح بالالف والخمسمية الي شالها منك بالحرام 
ويحسب انه ذيب وما يدري انه الدنيا فانية وما تستحق اني افرح بريال ولا مليون كسبتها
بالحرام عشان اشري قصر ولا افتحلي معرض ، بكل بساطة ترى الدنيا فانية فكر فيها ورح ترضى
بلقمة عيش وسرير تنام فيه فقط


up 1 down 0
ferasrasheed 248
قبل 6 سنه و 2 شهر



والله ونعم والف نعم بخويك وبك

والاكيد انه مايدري عن المشكله

والدليل انه صلحها علي حسابه

الله يبارك فيه وفي ماله واهله


up 0 down 0
abojpl 372
قبل 6 سنه و 2 شهر