صيانة الكامري لمدة عامين حياكم

السلام عليكم ورحمة الله وبركاته..

اسعد الله اوقات جميع اعضاء منتدى حراج ......
يسرني ويسعدني اخواني الاعضاء ان اقدم اليكم
هاذا التقرير والتقرير عن صيانة موتري الكامري
امريكي 2009 فئة الفل 6 سلندر XLE؛؛؛؛؛؛؛؛؛؛

طبعا ياخوان اليوم فاضي العصرية
وقلت اغسل الموتر لي شهرين ماعاد اهتم فية
مافية الا جلد خطوط المهم قلت بالمرة ناخذ كم صورة جديدة
وبالمرة نكتبلكم الصيانه الي صارت على الموتر
علما ان الموتر كمل معي سنتين تماما
واول مرة يكمل معي موتر سنتين العادة بالكثير سنه وابيع واشتري.،،،،،،،،،،،

نجي للمهم السيارة اشتريتها عام 1435 شهر 7
وكان ممشاها 75 الف ميل بالكيلو تساوي 120 الف كيلو"""""""""

والان ممشاها 166 الف ميل تساوي 267 الف كيلو"""""""""

بمعنى من يوم شريتها الى الان مشيتها 147 الف كيلو
نجي للصيانه والاشياء الاستهلاكية وكم كلفت من يوم استخدمتها

1/ تغيير فلتر وزيت قير مع وجه كارتير مع شغل اليد =650 ريال..

2/ تغيير فحمات امامي =280 ريال وخلفي =220 ريال وشغل اليد
مع خرط الهوبات الاربعه 200 ريال....

3/ تغيير 4 كفرات هانكوك طقم 280 للحبة الاربع =1220 ريال مع الترصيص والتركيب..

4/تغيير رمان واحد يسار وما طلع الطقطقه منه كلف 300 ريال..

5/ تغيير جلد مساحات طقم اصلي = 70 ريال..

6/ تغيير مساعدات امامية نوع ياباني kYB السعر 420 للاثنين وشغل يد 100..

7/ تغيير بواجي روديوم طلبية من امريكا اصلي 220 ريال شغل يد 150 ريال..

8/غيرت زيت قير للمرة الثانية قطع وشغل يد 550 ريال..

9 /تغيير طقم كفرات للمرة الثانية هانكوك الحبة 260 الاربع 1040 ريال..

10/ تغيير سير المكينة 250 ريال شغل يد 150 ريال..

11/ تغيير فلتر المكيف 160 ريال اصلي..

12/ تغيير فلتر الهواء رياضي 250 ريال.....
:؛؛؛؛؛؛؛؛؛:::؛؛؛؛؛؛؛؛؛؛::::؛؛؛؛؛؛؛::::؛؛؛؛؛؛؛؛؛؛::::؛؛؛؛؛؛؛؛؛
مجموع الصيانه خلال سنتين 24 شهر
=6230 ريال هاذي جميع التكلفه خلال سنتين
واشوفها طيبة جدا مقارنه باسعار صيانة سيارات ثانية
علما ان السعر سعر قطع وشغل يد يعني التكلفه كاملة
حبيت افيدكم بهاذا التقرير المتواضع
والسيارة ماعليها اي ملاحظة ولا عطلات ولسى اخت الجديدة
والقير الي يقول فية عيب مصنعي انا اقول كلام فاضي
الى الان تغييراته من احلا مايكون والموتر رووعه لاهنة ولا ونه
وعاد اعذرونا اذا طولنا عليكم
تستاهلون التقرير والصور
اخوكم /الرفاعي33