كم الممشى الاقصى لشراء سياره للمستخدم

مافهمت سؤالك انت تبي تشتري  سياره مستخدمه ممشاها 300؟

على حسب الي استخدمها قبلك 
تحصل سيارات ماشية 300 الف انضف من سيارات ماشية 150 الف
والسبب يعود للمستخدم يعني اذا ابو 300 الف
استخدمها استخدام عاقل ومحافظ عليها ويصينها اول باول
وتاخذها منه ماعندك مشكلة بيجمل معك الى 500 الف وممكن الى 600 الف
اذا بتحافظ عليها
وممكن تاخذها ماشية 150 الف لاكن الي قبلك مايصينها 
ولاعب فيها سرعه ولا يخلي فيها لامطب ولا حفرة

مهي المشكلة الممشى ....
بس هو حقيقي و الا متلاعب فيه ؟
و كيف تدري الله أعلم !

300 الف لفة الكوكب خلاص يبغالها صيانة من الى حتى تمشيك سنة او سنتين

اغلب اعمار محركات السيارات ما بين ٥٠٠ الى ٧٠٠ الف بالممشى 
بتاخذ شي ماشي ٣٠٠ الف معناها باقيلك اقل من ثلث العمر للمكينة

اشوف اكثر من ١٥٠ الف كيلو اعتبرها مكروفه 

وبتاخذها وتبدا تغير مساعدات وعضلات 

جربت لكزس LS 400 موديل ٩٩
ماشي ٥٢٠ الف
واللهانك ما تعطيه ممشا ٢٠٠ الف من راحه فيه ما شاء الله

شريت سيارتين ورى بعض 
الاولى موديل اجدد وماشي 60 او 80 لكن مهربده ومكروفه كرف
والثانيه ماشي 270 واقدم لكن انظف بفرق كبير وكبير جدا 
طبعا الاولى فيها سمكره الثانيه لا 

صديق لي اشترى برافو 2003. والآن اشترى تأهو جديد  المهم البرادو الان ماشي فوق 700 الف وماشاء الله تبارك الله كان معاه مثل الساعه حتى أعطاه ولده والآن مع الولد لكن ليس بنفس جودته سابقا طبعا السبب اختلاف الاستخدام

عفوا تصحيح برافو الصحيح برادو

يا ولد شريت اكورد 2006 ماشية 330 الف قبل 3 سنوات وكل من شافهااا قال رايحة المكينه فيهاا

وياربي لك الحمد مشيتهاا الئ 577الف. ولسا الماكينه جديده ما تنقص ولا تهريب. 

اعتقد انها تكون على استخدام الشخص ، الممشى اكيد راح يكون له تاثير على السيارة 
انا معاي كابرس ٢٠٠٨ على يدي وكالة و الآن ممشاها خش على ال٥٠٠ الف و مع ذلك متوسط ممشاي اليومي ٣٠٠ كيلو 
بس زيوتها اول باول 

خويي معه اكورد 2006 ماشية 460 الف ولازالت قوية ومتماسكة ويسافر فيها 

اذا أنت تعرف صاحب السيارة وتعرف استخدامه انه طيب خذها حتى لو ماشية 300 الف
اذا ماتعرفه انصحك تتريث لين تلقى سيارة نظيفة

ابو300 لو نقص العداد محد عرف : وقلنا الموتر جديد

على حسب استخدام الشخص ..

المممشى ماهو مقياس للنظافة ركبت يارس ١٤ مع واحد ماشية ٢٠٠٠٠ تشوفها تقول ماشية ٢٠٠ الف مهربدة الاهتمام والصيانة يخليك تغض نظرك عن الممشى

طيب يمكن ماشي 600 الف ومنزله ل300؟ 

افحص السيارة لا تعتمد على الممشى ابدا 

ممشاء 300 علي انسان ما يحافض اشوف سياره مهلوكه

حتي لو ممشاها 200 

زيوت السياره مهم المحافضه عليها عشان السياره تعيش 

القطع الاستهلاكيه من جلد وسيور وفلاتر امرها بسيط 

مقارنه بزيت محروق او لديتر متصخ ومصدي او ثلاجه مكيف مليانه طين