الرفاعي والفلتر الرياضي وبرمجة لمبة الزيت

السلام عليكم ورحمة الله وبركاته
اسعد الله اوقاتكم بكل خير اخواني اعضاء منتدى حراج
حبيت اشارك بهاذا الموضوع المدعم بالصور
موضوعي اليوم عن :
1/ شراء فلتر رياضي امريكي للكامري
2/ تغيير زيت المكينه والفلتر
3/ برمجة لمبة تحذير الزيت
بسم الله وعلى بركة الله نبدأ معكم بالتفصيل......

اخواني بدايتا كلكم عارفين ان فلتر الهواء الاصلي حق الوكالة الي هو عبارة عن ورق وقطن
يتم تنضيفه مع كل عملية تغيير زيت
وحدة 60 الف بالكثير بعدها يجب تغييرة
انا مشيت علية 70 الف كيلو وقلت لابد اغيرة
فكرت اغير فلتر رياضي
وبعد البحث حصلت وبالصدفه طلع العضو الي يبيع الفلتر
معنا هنا في المنتدى اسمه فهد الزهراني رجال كفوو وما قصر
تواصلت معه وطلبت الفلتر الرياضي امريكي
سعرة 300 ريال لاكن خفض السعر الى 250 ريال جزاة الله خير
اخذت الفلتر والشركه الي تصنعه معروفه ومشهورة K&N
ومميزاته كثيرة
..........................
تم الشراء وبالمرة رحت للوكالة وشريت فلتر مكينه اصلي
لان فلاتر البناشر غير مضمونه
والفلتر مهم جدا جدا ولو اخذت تجاري ممكن تخسر مكينه كاملة بسبته وياما حصلت مع ناس
بعدها توجهت الى الاخ علي هندي بنشري
اتعامل معه من سنين شغلة مرتب ونضيف واسعارة ممتازة
بلا بيترومين بلا وكالة بلا هم
المهم جيت عندة وتكلمنا في الفلاتر
وقالي تو جاني واحد من الرياض
قلت وش السالفه ''''''''''''''''

قالي السالفه قبل مايمشي من الرياض
غير زيت وفلتر ولما وصل الباحه حصل الزيت ناقص علبة
وتفاجأ ان الفلتر يهرب ومغشوش تجاري
وبوضحلكم ياخوان في الصور
صورة الفلتر المغشوش الي ركبة الرجال وصورة الاصلي
الله يسعدكم انتبهوا انتبهوا انتبهوا من الفلاتر المغشوشة
والدليل موجود في الصور من تصويري؛؛؛؛؛؛؛؛؛؛؛؛؛؛
...........

المهم ركبنا الفلتر الرياضي بعد تنضيف القربة
طبعا ماخفي عليكم قبل 3 شهور
غيرت زيت بيترومين 5w30
الصراحه الزيت تمام الى 7000 بعدها طلع خشونه في المكينه
والصوت غير هادئ ...........

وقررت ارجع لزيت كاسترول ماجناتيك 5w30
الي صراحه مشيت علية الى 8500 وهو مازال محتفظ بلزوجه
وصوت المكينه جدا ناعم وهادئ
غيرت الزيت 6 علب العلبة ب32 ريال
32×6 =192 ريال فقط لاغير
الان بعد ماركبنا الفلتر الرياضي
وركبنا الزيت الجديد وفلتر المكينه
ضروري نبرمج لمبة الزيت التحذيرية وامرها سهل جدا
طبعا المبة تولع على ممشى 8000
المهم ياشباب الطريقه تنطبق على :

الاوريون
الافالون
الكزس ES350
الكامري الامريكي
وممكن تنطبق على سيارات اخرى

اليكم الطريقه وصورتها لكم :
1/بعد تغيير الزيت نلف مفتاح التشغيل الى خر دقه قبل تشغيل المحرك
يعني بدون تشغيل السيارة فقط حتى يشتغل الطبلون وعداداته
2/ ندق عصا العداد حتى ياتيك عداد الزيت
3/ نضغط على العصا حتى يتصفر عداد الزيت
4/ بعد مايتصفر خلك ضاغط على العصا
ولا تشيل يدك طف العداد وارجع لف المفتاح الى اخر وضعية قبل تشغيل المحرك
الان بيشتغل معك الطبلون وبيطلع معك خطوط متتابعه
لاتشيل يدك خلك ضاغط على العصا
حتى تنتهي الخطوط بعدها انتهينا
وراح تختفي معك المبة
ويجب برمجتها مع كل تغييرة زيت
ولا يحتاج تروح لمبرمج وتخسر نفسك
هاذا مالدي اليوم ...........

واعتذر اذا طولتها معكم ولاكن حبيت اذكر كل شي بالتفصيل
لكي تعم الفايدة وبوضوح
اخوكم الرفاعي 33...