رايكم بشراء السيارات من الامارات

ممنوع سيارات 2007

اقصى حد 5 سنوات من سنة الموديل

والان لازم تكون سيارة مطابقة لشروط صرفية البنزين 

طيب ماهي مشكلة اهم شيء الفكره هل تحسون ان اسعارها اقل ولا قريبه من هنا؟

ياخوان وش وضعه اللي يعطي ديس لايك ع سؤال؟

من زمان قد سافرت للامارات
ماشفت فيه فرق بالاسعار
اللهم النظافة احيانا بس

شوف اخوي بالنسبه للسعر بيفرق معك شي بسيط
بس انها سيارات انظف بكثير من عندنا 
وتستاهل التعب خذها تمشيه وخذ موتر مره وحده

يعني رايك ماتسوى تجارة او اني اشتري وابيع فيهن؟

مايمديك تتاجر فيهن لان لوح امارتيه مثلا يمديك تتاجر بالسيارات القديمه تشتري قديم نضيف وتبيع 

بس الحين صعب وماراج تستفيد شي 

زي ما قالوا الشباب أنتبه لموضوع مطابقتها لشروط هيئة المواصفات والمقاييس في الصرفية
بالنسبه للسيارت هناك أرخص وأنظف بس الاخوان الشوام هناك ترى ماكلين السوق وأحتمال يخوبرك في المستعمل

- أفحص قبل تشتري
- تأكد أن السياره خليجي ماهي أمريكي .. واذا أمريكي جيب تقرير الكارفاكس علشان تتأكد انها ماهي تشليح ولا غرقانه
- حاول تكون السياره لها سنتين وتحت علشان ما تدفع جمرك تاخذ مقاصه من وكيلها هناك 

للأسف الشريطية رفعوا الأسعار حتى في الإمارات

السيارات المرغوبة عندنا ارتفع سعرها بشكل مبالغ فيه بسبب شريطيتنا للأسف

اتوقع الي عنده راس مال فيها خيار
والدليل كثير من معرض السيارات ياخذون من هناك بالجملة