تجربتي مع تغير زيت القير للكورلا 2015
14
1
إضغط هنا للإخفاء
السلام عليكم
سيارتي كورولا 2015 ماشيه 65 الف
شيكت على زيت القير لاحظته اسود منتهي
رحت الوكاله قالو التغير عال 80 الف كيلو
وقيمه التغير عندهم مع القطع حول ال 900 ريال
قلت لهم ليش السعر مبالغ فييه جدا ليش كم سعر الزيت وكم سعر الفلتر
قال الزيت ب 155 4 لتر والفلتر 205 والوجه الصوفه ب 40 مجموعهم 400
قلت له معقوله شغل يد ماياخذ ساعه وحده ب 500 ريال قال هذا اسعارنا شغل وكاله
المهم تركت الوكاله
ورحت لمحل قطع غيار معتمد من تيوتا وخذ القطع اصليه
زيت القير 4 لتر w العلبه الفضية ب 100 ريال
والفلتر ب 130 ريال والصوفه ب 30 ريال
المجموع ب 260 قطع غيار
وشغل الورشه رحت لفلبيني شاطر شغل يده ب 70 ريال
طلع القطع مع شغل اليد 330 ريال
حد اقصى لشغل اليد من 50 الى 100 ريال مايزيد
والوكاله اصلا يقولك ما في ضمان على القير بعد التغير
فالنهايه مافي فايده غيرت عندهم ولا برا
بس اهم شي عند التغير تروح لواحد شاطر مب اي عامل
يعني ربح الوكاله حول ال 570 ريال شالنصب ذا
وايضا زيت المكينه التغير برا الوكاله اصرف بكثيير
فالي ميزانيته محدوده لا يطاوع الوكاله في كل شي
والي فلوسه زايده يضل عالوكاله
بأمكان كل شخص يهتم في صيانه سيارته خارج الوكاله ويوفر على نفسه من فلاتر وزيوت
فالنهايه النتيجه بعد تغير الزيت نعومه في تبديلات القير
وشاركونا في ارائكم ولاتنسون التقيم اذا اعجبكم الموضوع وشكرا
إبلاغ
الردود
1
0
2
24
والله هذي الحقيقه ي اخوان العالم معطين الوكالات فوق حجمها
ومبالغ فلكيه مقابل صيانه رديئة والله معينين خير ابيع سياره ب
مبلغ جامد وتعال سوي صيانه بعد بذاك الكلام يعني مستفيدين مستفيدين حسبهم الله في هذا النصب .
2
0
لغاية صيانة 40 الف كيلو او 50 الف كيلو حسب نوع سيارتك .. ثم اسحب عليهم لغاية صيانه 80 الف او 100 كيلو .. وهكذا
وبضمنلك باذن الله سيارتك تعيش عالاقل 400 الف كيلو شرط الاستخدام الطيب واستخدام الزيت المناسب .. طيب ليش هذا العداد
اللي اروح في بالوكاله .. لانه كل 40 - 50 الف كيلو يتم تغيير غالبيه القطع الاستهلاكيه وليست فقط سوائل و فلاتر وعن ممشى
كل 100 الف يتم تغيير قطع استهلاكيه اطول عمرا تخص المكينه و القير .. عمي معاه باجيرو 2003 وللحين عامل هذا النظام
و ما شاء الله صارت قريب 400 الف ولا تفرقها عن الجديد
0
1
7
4
بغض النظر عن زيت القير يتغير أو مايتغير
لو صار شيء لقير سيارة الرجال افلقني ياشيخ لاشاف رقعة وجهك
0
1
لكن انا ودي احط اعلان وماعندي لايكات تكفون عطون لايكات
3
0
0
0
والشي الثاني تروح محل متخصص في القيور والافضل عماله فلبينيه
بعض الناس يشتري قطع اي كلام ويروح يغير عند كهربائي او ميكنايكي او بنشري
وبعد فتره يضرب القير ويخسر الاف الريالات عشان اهمال هو السبب الرئيسي فيه
0
0
خلاص اسحب على زيت القير وكلمني اذا جاء قيرك شي
وانا بغيره
0
0
حبيت اسئل عن سعة زيت القير مكتوب بدليل المالك 6.5 كورلا 2015
0
0
قبل 9 سنه