بنك ماركيز الامريكي وشفط قروشك شفط

33 3

لايمكنك التصويت حتى الحصول على 20 نقطة على الأقل
إضغط هنا للإخفاء

أنيق 17573
قبل 12 سنه و 2 شهر

يامشرفنا الحبيب والغالي والكويس الله يسعدك ويوفقك ويبارك فيك لاتحذف موضوعي طلبتك يا أستاذي 


آآآآه بس 
أمس واليوم أبشركم انشفطت المكافأة على البقرة الماركيز 
وتركت السيارة عند الميكانيكي 
ورحت 5مرات البيت روحة ورجعة والبيت تقريبا يبعد 1كيلو عن الورشة
2ونص في الليل
و2ونص في النهار *راح البياض صرت كاكاو ههههههه مادري يمكن ماحد يعطيني وجه إذا جيت أخطب*
المهم 
ركبت 
جوزات
وجلد مقص
وكوع لوخرطوش الماء
وانكسرت مسامير الكوع القديم داخل الثلاجة وفك الراس والثلاجة كاملة عشان يطلع المسامير المكسورة
و الحين السيارة تطفي من حالها ويبغالها
طرمبة بنزين 850 ريال أصلي 
والتركيب 300 ريال 
ويبيلها صفاية وبواجي 


بالله الفورد ماهي سيارة فاشله !!!!
خلو عنكم التعصب حق الجبنة والحلاوة الطحينيه وخلونا بالصدق الحين
ياخي فقرتني 
مابقي إلا أقطع فنيلتي وسروالي وأصنع فلوس و500ريال ههههه
وين عايشين ؟

حتى السيارات الجديدة خرابات مصنعيه !!
واحد من أصحابي معه ألنترا2012
خرب الكومبرسر
والشكمان 
ودودة الدركسون 
والعكوس 
!!
بالله وش القواطي ؟ 
الجديدة خرابات مصنعيه
والقديمة صدى وإستهلاك وتهريبات وتفتفه 
والالماني عيبه غالي 
والهونداي مروح خرابات مصنعيه
والتايوتا المثببت
والفورد مثل ما أنتم شايفين !! أنتم ضايقه صدوركم عشاني هههههه يالبى قلوبكم
وش نشتري أجل ؟؟؟

يالبى الجمال والخيوول خلق رب العالمين سبحانه .

هذي صور وانا بالورشة 
عشان أصلح هالمزبله موب سيارة

شباب لاتزعلون علي والله مقهور تروح فلوسي كلها في خرده ماغير أرقع هنا وينشق من هنا 

ل
ياشباب



أنصحكم أبعدووو أشد البعد من السيارات المستعملة تراهي بلاء خاصتا مع قلة الامانة وإختفائها 


خذلك جدييد ولو صغير
 أهم شي جديد 

تحياتي لكم ياحبايب قلبي
&أنيق&

إبلاغ

الردود