أضف سؤال أو موضوع جديد          

جنني قير الاوريون ادخلو ي اهل الاوريون؟

up 4 down 2
d7myutd 9
قبل 4 سنه و 7 شهر



السلام عليكم يخوان قبل اسبوعين شريت سيارة مستعمله اوريون 2008 جراندي المهم , كانت في مشكلة بالقير ووديتها ورش كثيرة الجميع قالو الأفضل تغيير القير وناقشت الاخوه هنا في الموقع وقالو غير افضل عموما , بعد ماغيرت القير تمت عندهم يومين وطلعوها وانا مطلعها امس قالي خل دعستك من ناحيه ضغط المكينه خفيف من 1 الى 4 لاتزود لمدة يومين كذا خلك خفيف قلت اوكي عموما طلعتها امس والسيارة سليمة بأغلب التعشيقات الى النمرة رقم 2 فيه نتعه بسيطه جدا هو قالي بتجيك وبتروح بس يتلين القير ويتمرن مع الموتر قلت اوكي مادام في ضمان على القير شهر مب مشكلة , عموما اليوم طالع من الدوام قبل شوي امشي حدود ال 80 الى 100 شوي حن الموتر حنه قويه ارتفع الضغط والموتر صار يحن معد يمشي ثم وقفت وطفيته وشغلته مشى بالبطيئ ثم فز فزه قويه وانطلق وصار يمشي على تعشيقه وحده الي هي الأولى اسمع حنه ولاكن الموتر يمشي عادي والضغط واصل من 3 الى 4 بحكم ان التعشيق على نمرة 1 كأن الموتر قالبه عادي رغم اني حاطه على D الوضع الطبيعي , شوي يخوان مشيت تقريبا مسافه ليست ببعيده تقريبا 20 دقيقه وشوي صار يتفتف الموتر وينتع , اخر شيء قبل لا اوصل البيت ب 5 دقايق طلعت لمبة المكينه البرتقاليه يخوان وش الحل نصبر على الموتر ولا نصلح ونبيع ولا وش بالضبط السيارة توي شاريها ماتمت معي اسبوعين كلها بالورشه انقهرت رغم عشقي لهاذي السيارة وبنسبة لأستخدامي محافظ جدا لاكن الي قبلي الله يهديه مدري وش مسوي بالموتر افيدوني تكفون







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكله قير الاوريون عيب تصنيع واحد محافظ وضرب عليه القير يوم فكه طلعت التروس متآكله يعني ماله حل ارجع للورشه ويضبط قيرك اذا مشت معك او دخلها الحراج 
اذا نفسك في اوريون خذها جديدة واستمتع فيها على الاقل ضمانها على الوكاله 


up 0 down 0
بريق الرياض 259
قبل 4 سنه و 7 شهر



السلام عليكم ... اعتقد والله أعلم أن المشكلة في القير نفسه .. لكن دام الورشة ضامنته يصلحها الله لا يهينه...
كثير ناس من أصحاب الأوريون يخبط عليهم القير والسبب حسب معلوماتي المتواضعه تعود إلى طريقة تغيير زيت القير او بمعنى آخر طريقة التعبئة عن طريق الحقن من أسفل السيارة مما يقلل من كمية الزيت في القير ويسبب المشاكل...
المشكلة الأخرى نوع الزيت وأكثر المستخدمين يغيرون زيت تويوتا واللي هي عادة لل4سلندر .. والأفضل تغيير الزيت بزيت قير لكزس...

طريقة التعبئة تكون من خلف الإطار الأيسر من جهة السائق بعد تفريغ الزيت وتغيير الفلتر ...
والله يكتب لك اللي فيه الخير... 


up 0 down 0
sm 84 13
قبل 4 سنه و 7 شهر