لخبراء الكامري

٨٤٠٠٠ تدفعها بكامري ؟؟؟ 

اجل يدفعها في ايه
في كسرة كل يوم بورشه يضحك على نفسه انها فخمه 
ولا بسياره 
طقطقه ويضرب القير ماتكمل20 الف
مافيه مثل الكامري سيارة كد 
وسعرها فيها
توكل ع الله وطلعها 
سعرها 83بالمعارض فل كامل  بدون نقل

وين راحت الفورد التورس والكادينزا ؟؟؟! ليته ياباني بس سواقة الكامري جدا سيئة مافيها راحة دام بدفع ع موتر راحته زي الاكسنت وشوله ؟؟ مازدا ٦ ياباني اصلي ب ٦٦٠٠٠ اوفر ١٨٠٠٠ ريال في مخباي 

مالي علم بالمعارض .. انا عن نفسي انكبت مع الراجحي .. صيانه مافيه .. تصدم يقولك تبي تصلحه صلحه ماتبي خله واقفه عندك وادفع الاقساط .. 

الوكاله مع اخوي يارس 2016 من ابو جميل .. جته صدمه بالمطر والغلط على وغد راعي مدبله .. 
دخله الاحد .. الثلاثاء مستلمه مغيرين قطع وكاله كامله .. ومغسلينه له بعد .. 

ابو جميل صح يصلخ فلوس .. لكن من ناحية الخدمه .. يعجبك

ما فيه فرق ابد




العملية كالتالي:
1- الموزع راح يشتري من عبداللطيف جميل 20 افالون بتطلع عليه ارخص من قيمتها بالتفريد
2- الفرق غالبا يكون حدود 5 الاف بكل سيارة من 20
3- يعرضها الموزع بفرق 2 الى 3 الاف
4- عبداللطيف يحقق مبيعات يرسلها بتقارير لتويوتا الام، الموزع يكسب 3 الاف بكل سيارة، العميل يشتري سيارة ارخص من الوكيل 








نقاط مهمة
1-تأكد ان السيارة من عبداللطيف
2- افحص السيارة بنفسك قبل العربون (البدي بلزقاته، الفرشات مكيسه، الطفاية موجوده، شنطة السلامة مقفله بحزام بلاستيكي يمنع فتحها، جنوطها سليمة من الدقات، المراتب مكيسة والطارة بعد، كتالوجاتها كاملة)
3- يفضل تشتريها بطاقة جمركية بدون لوح لانها بتكون لسى ما دخلت كمبيوتر عبداللطيف ولسى ضمانها ما بدا








معلومة اخيره: انا سيارتي اخذتها من موزع بالرياض والحمد لله ما ندمت

جرب الفيوجن الاستاندر 
فيخا مواصفات ماهي فالكامري الفل اوبشن 
خويي معاه وحده ومبسوط فيها 
احد زملائه كان يبي كورولا وخلاه يجرب سيارته وراح اشترت فيوجن 
صيانه مجانيه لل 65 الف شامله كل شي 
ندمت اني اخذت النترا ب 68 والفيوجن كان عليها عرض ب 72 

الكامري ميزتها عمليه فقط 
غير كذا لا رساوه لاراحه لا امان وقبل فتره نازل موضوع يشتكون من تنقيزها 

يا خوان على طاري التنقيز هل الموديل الجديد يناقش أم تلافو هذا العيب في الموديل الجديد

اللي سوالي دسلايك ابو جميل لاعب فيكم وتشتكون منه والله اهنيه 

ابعد من الفورد ترا قطعهم وربي نااار 

ياخي ابحث عن البريمي أعلى مواصفات وأفضل 

ويشملها الضمان الدولي لتويوتا 

الله لا يهينكم استفدت والله من ردودكم 
وانت ياخوي  احمد ال الشيخ الله يوفقك ردك اكثر من رائع وافادني كثير 
واللي عنده اي نصيحه لا يتردد 

سؤال : البريمي هل يدخل ضمان جميل دايركت او ممكن يعقدون السالفة ؟ 

تدخل بالضمان غصب عليهم و ببلاش
قرار من التجارة ضمان دولي من الشركة المصنعة
لكن اقول لك خذ استاندر خليجي اللي بمثبت
السيارات اللي من الكامري و اللي مثلها فل كامل تعدى قيمة سيارات V6
و من ناحية البيع بعدين ما يفرق بالسعر فل و الا نص فل و الا استاندر

كلها تحت الضمان الي في المعارض والي في الوكاله 


اغلب الي ياخذ كاش ياخذ من المعارض