فصل الدفع الرباعي المستمر

انا عندي فورتشنر ٦ سلندر وفصلت الدفع الرباعي وما انصحك

لان الكارونة خربت بعد سنه وعليها من الاستخدام
لان الضغط حق العزم كله بيكون كلى الكارونة الخلفية و هي مصممه على ان يكون العزم موزع على الدفرنس الامامي والخلفي

انا معي نفس موترك بالضبط جكسار ١٤ قير عادي وكنت افكر افصل الدفع الرباعي المستمر لاني سمعت انه يخفف على الموتر




لاكن كنسلت بعد ماجربت موتر واحد من الشباب شاص جديد و كانت معاناه سواقته بالبر اذا جيت طعوس تشبك الدبل الخفيف علشان مايغرز واذا تعديت الغراز تفصل الدبل لانك ماتقدر تسرع والدبل الخفيف مشبوك ويالله يفصل واحيان يعلق ويطول مايفصل لاكن اذا كان دفع رباعي مستمر مايردك شي على الدزه غراز والا ارض مستويه تاخذها على الدزه ماعندك مشكله وغير انه اثبت بالفات اذا كان مشبوك مايحوص مع الفات 




الزبده ماأنصحك بفكته

فصلت الدفع الرباعي في جي اكس ار 2009 اوتوماتيك في خميس مشيط ب900 ريال، لأنه كان عندي صوت زنة
من الطنجرة وهو عيب مصنعي في بعض الجيوب حسب مابحثت في الموضوع، المهم الموتر صار أخف من
أول ، حاليا يستخدمه الوالد من سنة مع ان مشاويره قليله وسواقته هادية جدا فما بان الى الآن شيء في
الكرونه واستفسرت من ناس كثير قبل افصله ومحد اشتكى من فصل الدفع الرباعي أبدا على
ما أذكر، ومثل ما ذكرت لك انا فصلته بسبب صوت الزنه هذي اللي ازعجتني ولا
ما كان فصلته ، فأنت حدد السبب للفصل اذا مافيه ضرورة فخليه على
شد بلده أفضل لك وبالنسبة لتشغيل الدبل فما يفرق معك  بشيء
الخفيف شغال والثقيل شغال زي اللوزبدون ملاحظات
واذا فصلته لا تدعس كثيرمن الصفر
مثل ما قال أخوي زياد
عشان الكرونه
لا تطق

جزاكم الله خير يا اخوان 

انا حسب ماقريت وسمعت ان الدفع الرباعي اذا فصلته تصير السياره مرنه واخف داخل المدينه وبالمديور وانشط واريح للعكوس الامامية على المدى البعيد

 وهذا السبب اللي يخليني افصله ولاني راعي تطعيس ولاغيرو

وبالنسبه للاخ ابو سلمان انت جربت قيادة الشاص تراه فرق كبير بينه وبين الجيب الصالون

ويعطيكم العافيه على التفاعل اتمنى اللي جرب يفيدنا وينورنا 

الاغلب اخذين فكره غلط عن الدفع الرباعي المستمر لو انه مستمر في السفر يحمل السياره جهد وصرف وقود هو فقط سمي مستمر لنه تلقاي يشتغل تقريب لسرعه معينه ثم يفصل من تلقا نفسه ماتتحكم فيه مثلا لين 80 تقريبا حول السرعه هذي وثم يصير دفع خلفي 

ايه صح ان فيه فرق كبير بين سواقة الشاص والصالون انا معك بالنقطه ذي

لاكن اللي خلاني اذكر تجربة سواقة الشاص بالبر لان الصالون ال٦ سلندر نفس الشاص تقريباً اذا فكيت الدفع الرباعي المستمر نفس القوه كلها قوة المكينه ٤٠٠٠ سي سي وغير ان الشاص ينفعه بعد خف وزنه 

انا فصلت الدفع الرباعي عند الصمعاني.  ب١٢٠٠ ضمان. خمس سنوات.  شغل فنان مكينة لحام متطورة.   انصحك تسويه يخف الموتر و تفتك من استهلاك العكوس و الدبل يرتاح.  

يعطيك العافيه اخوي ابو سليمان13 



طيب كم ساعه الشغل اخذ منك



والصمعاني كلمته فعلا قال ١٢٠٠ بس ماقال لي خمس سنوات قال ٣ شهور بس!



وموترك الله يعطيك خيره ويكفيك شره هل هو قير عادي ولا تماتيك 



ووشلون شفت سواقة السياره بعد التجربة هل الرساوة حسيت فيها فرق واظح


والصمعاني ماشاء الله خبره وشغله كلن يمدحه بس وشرايه بفصل الدفع الرباعي نصحك به ولا حذرك منه 



اتمنى تفيدني الله يوفقك  ويسعدك الف شكر يالغالي واسف على الاطاله

الاخ saudi___07 اللي من خميس مشيط يا ليت تعطيني اسم الورشة اللي فصلت فيها اذا في الجنوب هذا رقم جوالي 0566929393 وشاكر لك ..

السلام عليكم 
مساكم / صبحكم الله بالخير جميعاً 
بالنسبة للاندكروزر من 2008 وفوق اذا الدبل مفصول كيف لو حبيت اوجعه هل فيه مشكلة او لا ؟؟