أضف سؤال أو موضوع جديد          

ماهي طريقه التي تضمن حقك بالبيع بالقسط؟؟؟

up 2 down 1
عبدالمجيد a 46
قبل 5 سنه و شهر



السلام عليكم 
كم تسوى الكامري موديل2007(القير عادي)؟
بالبيع كاش أو بالقسط
عندي كامري أبي أبيعه وجاني واحد ياشتريه مني ب 50الف على صابر شهرين من التاريخ اليوم
وقال لي أضمانات اللي يعطيني أيه هي كالتالي:
1)شيك بأسمي
2)كمبياله
3)كفيل 
هل هذي ضمانات كفيه ولا؟
ماهي طريقه اللي الواحد يضمن حق فيه؟
(مثل ماأخذت حقي منه في الوقت المحدد راح أشتكيه وعطوني تجربكم بالقسط )







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السيارة لا تنقلها باسمة وعطه تفويض فيها
و اذا فيه ورقة مبايعة بينك وبينه في معرض يكون شي طيب و أضمن شي انك تصدها عليه من خلال شركة تقسيط


up 0 down 2
m-baz 337
قبل 5 سنه و شهر



اشيك اضمن شي 

وبخصوص انك تسوي ورقة مبايعه من معرض المعرض مايطلعها لك من عندك الا اذا نقلتها لان اي مشكله راح تصير براس صاحب المعرض

ثانياً الشركات ما تقسط الا اخر 5 موديلات

وانا اشور عليك انك تاخذ عليه شيك واهم تتأكد ان الشيك مو ناقصه شي 


up 0 down 0
mohaammad 166
قبل 5 سنه و شهر



2007 بخمسين الف!!!!
اذا انا فهمت صح ان السيارة كامري ٢٠٠٧ قير عادي 
بيدفع قيمتها بعد شهرين !!!!
اذا على فهمي اقولك انتبه انتبه انتبه سيارتك قيمتها ١٥
الف تقريبا هل يعقل ان هذا الشخص بيزود على نفسه 
٣٥ الف ريال والدفع بعد شهرين !!!! ماتجي لابمنطق ولا عقل.
ولاتقول شيك او كمبيالة ولا غير ماتدري ممكن الرجال عليه
١٠٠ مليون دين مثل الناس اللي طلعوا بالفترة الاخيرة وفي هالحالة
حتى لو معك اللي معك واشتكيته ماراح تحصل منه ريال واحد ينسجن
سنة سنتين ويطلع وحقك من مين تحصله؟؟!!


up 2 down 3
دكتوراه في الحب 164
قبل 5 سنه و شهر



تعرف صك الإعسار!!


up 1 down 0
المدينه 300 784
قبل 5 سنه و شهر



فعلا قيمة مبالغ فيها لاااوبعد شهرين بيسدد
طيب قوله رهن عقار عشان ينحاش ماتشوفه ابد
هاالحين ماينفع لاشيكات ولاكمبيلات
واذا جيت المحكمة ردد ياليل ماطولك


up 2 down 0
باترول 2020 2624
قبل 5 سنه و شهر



لو فترة السداد 5 سنين ممكن تنبلع خمسين الف وبعدين هو لو صادق وبعد شهرين راح يتوفر المبلغ معه على كلامه راح يطق موديل 2012 ماشية 50 الف وتماتيك بعد واذا بتقول يمكن هو مستعجل ومحتاج سيارة هاليومين ..الاخ يقدر يستأجر سيارة لمدة شهرين ب2500 ريال ويوفر على نفسه 35000 الف شي بالعقل مايدخل الا اذا اعطاك 15 الف دفعه مقدمه حتى لو ماسدد الباقي سامحه 


up 0 down 0
عربة للسيارات 1665
قبل 5 سنه و شهر



شيك يكفي لضمان حق السياره ،، واذا ماسدد تقدم الشيك بالمحكمه 
قسم الحجز والتنفيذ.. واقل من شهر تخلص بإذن الله 
بس اهم شي خذ بياناته وبيانات العمل وعنوانه وكفيل غارم وعنوان وبيانات الكفيل،


up 0 down 0
وليد8882 5
قبل 5 سنه و شهر



وليد... اذا كان الرجل عليه ١٠٠ مليون مثل كثيرين في الفترة الاخيرة بعضهم اعرفهم مثل مااعرف اخواني

ولكل من عطاني ديسلايك ترى اتكم من واقع شفته قدامي

وصار عندنا بالمدينة يشتري السيارة او الارض بثلاث اضعاف قيمتها ولفترة ٦ اشهر ويسدد عدة اشخاص بالاول

لين تنتشر سمعته ويثقون فيه الناس الباحثين عن الثراء السريع  وتجيه العروض لحده ثم يشتري اي شي يعرض

عليه حتى لو جوال لين يجمع عدة ملايين ويسحب ع الجميع والبعض منهم اعرفهم اللي انحكم عدة سنوات واللي 

له عدة سنوات ومعاملته دائرة بالمحكمة .
وكان قديم اللي ينسجن يعطى صك اعسار والدولة تسدد عملائه تعطي كل عميل ثلثين ويسقطون عنه ثلث تعتبر ارباح

لكن الان انتم عارفين الوضع واسعار البترول من جهة وكثرة المعاملات من جهة يعني الدولة الان تسدد عن مين وتخلي مين..

احسبها بعقلك هل هذه البيعة طبيعية؟!!
ولا اتهم الرجل ولا ادري عن نزاهته لكن رديت على حسب العقل والمنطق


up 1 down 0
دكتوراه في الحب 164
قبل 5 سنه و شهر



البيع بالتقسيط ابعد عنه الا لو واحد تعرفه وتعرف فين ساكن وفين يشتغل وكل التفاصيل خصوصا بمبلغ بذا السعر 


up 0 down 0
loody_23 363
قبل 5 سنه و شهر



ياشباب أبي رايكم رجل توه أتصال فيني وقال أمورك باسليم وتاخذ حقك في الوقت المحدد
بنسبه للكمبياله يابصمه عليه وكذلك شيك والكفيل غرام
وكذلك عرضت عليه شاص موديل 2005 أعطني فيه 60الف على صابر شهرين.
عطوني أرئكم  هل في حاله أقبل ولالا.


up 1 down 1
عبدالمجيد a 46
قبل 5 سنه و شهر



بالنسبه لصك الاعسار يسقط الديون ماقبل فقط يعني لو عندي صك اعسار واتسلف انسجن الصك على الديون بالتاريخ الماضي للصك فقط


بالنسبه لوضع البيع اتوقع انه المسمى بالترميش وانتشر قبل فتره

وضع التسليف بشيك وكمبياله وكفيل تاخذ حقك بعد 3 الى 4 جلسات حسب النظام الجديد مابه خوف يعني حدود سنه طبعا اذا الشخص اللي يطالبه انت


اما الاشخاص اصحاب الترميش والمساهمات تطول معاملاتهم فيه ناس بالمساهمات العقاريه لهم 13 سنه سنه لم يحل القضاء مشكلتهم ..,
بالتوفيق لك ..,


up 0 down 0
khaled3224 285
قبل 5 سنه و شهر