شوفو الفرق بالنصب قبل 3سنين والحين

يارجال خلها على ربك بس انا مأمن ب2250 ضد الغير 

كل ذا عشان العمر تحت 18 

وسمعت ان الاسعار بتزيد الى 2017 بتثبت على سعر

لان شركات التامين خسرت خسائر فادحه بالسوق السعودي

الواحد يامن ب700 ويعدم سياره ب50 الف والحين يحاولن يعوضون الخساير

اخي abomesl مافي اقل من كذا لاني محصل ٢٠٠٠

المشكلة والمصيبة ان التامين الزامي
ومادام الزامي ليش مافي ضبط لاسعارها والشركات كل وحدة تنصب اكثر من الثانية هذا 
اللي يخلي الواحد مغبون صراحة 
يوحدوا الاسعار باسعار مناسبة للمواطنين واللي ماسوا حوادث ولاعليه سجلات المفروض يامن بسعر رمزي 
مو معقولة ادفع كل سنة للشركات مبلغ وقدره وازيدها السنة االي بعدها 
قمة القهر الواحد من وين يجيب فلوس حسبنا الله 

عندهم دراسه انه اغلب الحوادث من الصغار عشان كذا رفعوا السعر 

كل شي له ايجابيات وسلبيات 

السيارة نعمه من الله واايجابياتها لا تخفى على عاقل

لكن سلبياتها تسحب مالك عصب حياتك وقد تقتل تفسك  واهلك 


الغرب وفي الدول المتقدمة يداوم بسيكل وله مسار مخصص كما للسيارات مسار مخصص
لا تامين ولا حوادث ولا شي 

عندنا لو تمشي في سيكل قالوا ذا خبل هههههه

الحمد لله يعني الراجحي يوم اخذ ٢٣ الف فائدة
نصها راح في التأمينن الشامل ههههههههههههه
اسعدتوني كان غابني .

من يقول انه الزامي .. والله موتري من طلعته وكاله مادري وين تامينه 
امس صدمني شاورما اردني بالدوار والخطا عليه .. يوم جيت المرور ماطلعت الا بكفيل 
ومشوين مخلص تسعيرات بالمعارض والوكاله وماصار الا الخير

لدينا فوضى وعدم تقدير صحيح للحوادث تجد سياره قيمتها السوقيه ماتتعدى 8 الف تتقدر عند شيخ الورش ب20 الف دون مراعاه للسعر

من افضل الحلول هو الغاء التامين نهائياً مستفدنا منه شي سوى التهور واللامبالاه

^ صدقت يابوعبدالله 
الحين تلاقي السياره اخر موديل وجديده
وتلاقي راعيها يساقط بها ومصدمه مع كل جهه
وهذا من بركات التأمين

وغيره من التهور والغير مبالاة

وما يخفى عليكم السواقه قبل 5 سنوات
والسواقه الان وحالها المنتهي للاسف 

يارجال من قالك ان شركات التأمين خسرانه كل هذا كذب في كذب 

انت بس احسب كم سياره في السعوديه    

تخيل انت ائمنت ورحت جددت تئمنيك هل الشركه بتكون خسارنه 

ماراح يخسر احد غيرك

شف موضوعي ارخص شركات التأمين وخذ فلوسك ما تسترجعها كلها تنقص على حسب الوقت الي امنت فيه

والله ودك تمشي بدون تامين بس صار لي موقف هو اللي خلاني ادفع 1400
رجعت ع واحد والله ياقروشني اسبوعين كل يوم ها نزل الراتب نزل الراتب بعد مانزل قلت نزل قال انا بتنازل 
كنت بتفاصل معه كل هالقروشه وبالنهايه تتنازل والله يجزاه خير والتامين ع الاقل يكفيك شر ماتدفع

ياحبيبي التامين زين وشين
لكن ودي ان الاجانب خلوهم بدون تامين امس واحد اثيوبي صدمني في الجنب وقال اص مافي كلام هكومه يجي انا تامين فيه بغيت اذبحه قال هكومه قال ياولد وربي ماردني غير الناس ولا نزلت عليه بعصا قال واحد ينفع تدخل السجن على شانه قلت يخسى قال اركب موترك وافلح
انتظرنا نجم وجاء وكان الخطا عليه 100 بالميه ولا لي نفس اصلحها قهرني ابن الكلب
عشان كذا التامين شين للاجانب والله ماعاد يشوفونك شي
ولكن التامين زين يفكك من بعض الناس اللي لسانه اكبر من برج خليفه
والتامين هو مستفيد كذا ولا كذا

شوف

التأمين مثل ساهر......وفيك خير تكلم

يا شباب في معلومة عن شركات التأمين بتأكد انهم مستحيل يخسرون 

اي خسارة تتعرض لها شركة التأمين المحليه يتم تعويضها من قبل شركة تأمين دولية ، حيث ان شركات التأمين الصغيره او المحليه تقوم بالتأمين لدى شركات اكبر وتمتد الى شركات عالمية وهكذا .....

لا واللي يقهرك انه الزامي .. ياخي قدرو ظروف المواطنين وخلوه مجاني او بسعر رمزي مثل تجديد الاستمارة والفحص الدوري .. 

عبدالاله انت شايف الحين اسعار التأمين غالية وكيف الناس جالسة تصدم وترمي على الخلق لو نزل سعر التأمين وش رح يسو 

التامين الان السيارات غاليه واحد مامعه تامين وصدم سياره تكلفتها 13 ولا 20 الف طفران من وين تجيبه بالنسبه لرفع السعر لنه عندنا صارو يتلف السياره لنه مايبيها ولا يبي يكمل اقصادها او يستبدلها او يتعوض بفلوس له منافع وله مضار