أضف سؤال أو موضوع جديد          

بغيت ابيع سيارتي كامري13فيها عيب كم تجيب وبكم الباجيرو فل3.8

up 11 down 1
ابوخالد1397 2482
قبل 3 سنه و 4 شهر



السلام عليكم 

مسائكم الله بالخير

سيارتي كامري 2013 طلعتها بإسمي اصفار

مواصفاتها جي إل مطور لون لؤلؤي مو ابيض دفعت زياده بالسعر عشان اللون

حساسات و ستاره خلفيه وقير و نوافذ اوتوماتيك ومثبت وطيس

فيها عيبين 

الاول فيها رش بالبابين فقط يمين مع الدعاسه وعندي صور الحكه وراح اوريها المشتري

وهي حكه بسيطه جدا من سواق عند المدرسه ماهي صدم نهائيا مجرد عفطه مثل الذراع بالبابين

والعيب الثاني اللي خلاني ابيع السياره

ان السياره قبل 3 سنين يوم طلعتها اصفار جاء امطار للرياض

ويشهد الله اني دخلت بمويه بسيطه جدا جدا جدا وطفيت السياره ولا اعلم السبب

وديتها للصيانه حقت تويوتا وقالوا نغير مكينه ب 17 ألف وقلت لا .. وطلعتها من عندهم

 ووديتها لمهندس محترف وتم تصليحها قبل 3 سنين وطلع العيب عامود الكردان فقط والمكينه الحمد لله مادخلها مويه للداخل ولا خلطت زيت ومويه .. فقط عامود وتم تغيره
( يعني المكينه مفكوكه لانها لازم تنفك عشان يتم تغير العامود )

والحين وانا ماشي طلعت السياره لمبه التشيك والحراره كانت نازله كأن السياره بارده وطبعا عداد الحراره الكتروني .. ولا ظهر لي انها حتى مسخنه او محميه .. كانت على 1 كانها توها تشتغل..

وفجأه طفت السياره

ونزلت اشوف وفتحت الكبوت وطلع الرديتر مافيه مويه وعبيته مويه وطلع يهرب

وديتها للورشه وطلع راس المكينه وقلت سو اللي تسوي غير كل شيء جديد

والحين تتصلح وصراحه الحين بدأ خاطري يطيب منها وودي ابيعها

كم تجيب تقريبا .. مع العلم ماشيه أقل من 100 ألف كيلو .. ويشهد الله انها ممتازه وعمليه وسافرت عليها قبل شهرين للكويت وكانت ممتازه

لكن احس خاطري طاب منها لكن للي بيجربها ما راح يلاحظ فيها شيء نهائيا لكن راح ابري ذمتي واعلمه العيبين

وسرت افكر بالباجيرو 3.8 فل كامل خليجي وفيه نوعين على كلام الناس ..فيه الحبتور اماراتي وفيه الملا كويتي وسعرهم 95 ألف

ما ادري وش الفرق بينهم وهل يوجد معرض أرخص من 95 ألف

آمل الاجابه على الاستفسارين ولا هنتوا...








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مااقول الاالله يرزقك بالبيعه الي تسرك ويوفقك نادر الي يقولون وش جاها سياراتهم بذا الوقت
ومااقول الاياحظ الي بيشتريها منك ماشاءالله بيشتريها وهو مرتاح البال والله يكثر من امثالك بالتوفيق


up 4 down 0
d7ooom777 395
قبل 3 سنه و 4 شهر



باجيرو 2016 فل قيمته من 98 الف أرخص سعر وتحصل إلى 104الف 
في الوكاله 115الف علامة مذهبه 
الكامري وين مكانها إذا في المدينه ابغا اشوفها


up 1 down 1
جون سيلفر -191
قبل 3 سنه و 4 شهر



رد رقم 1

الله يسعدك يارب .. واللهم آمين .. وتسلم .. و ترا اللي سويته واجب ديني قبل يكون امانه وكلنا فينا الخير والبركه..

رد رقم 2 ..

اسعار الباجيرو بالرياض فل كامل 3.8 ب 95 بالموقع .. انا ابغا الفل كامل .. فيه نوع فل كامل وعلامات ذهبيه..هذا ما ابغاه لان الفل كامل اللي بدون علامه ذهبيه ارخص وكلهم فل

والكامري والله بالرياض


up 3 down 0
ابوخالد1397 2482
قبل 3 سنه و 4 شهر



بخصوص أمطار الرياض كان طالبت الدفاع المدني فيها
والله يعوضك خير منها بخصوص العيب الثاني رح ينزل قيمة السيارة بشكل كبير كونها شبه موضبة الراس ممسوح و عمود الكرنك مغير يني المكينة مفكوكة


up 1 down 1
m-baz 337
قبل 3 سنه و 4 شهر



توي جاي من معارض النسيم 

باجيرو2016فل كامل. في معرض الحميدي 

السياره وكيلها الحبتوري. مع الاستماره ب87الف 

المكينه3.500

وفيه واحد في عندهم. المكينه 3.800

ب98الف.  


up 2 down 0
سبحان الرازق سبحانه 2479
قبل 3 سنه و 4 شهر



ايه نعم المكينه فكوها يوم غيروا عامود الكرنك لانه لازم تنفك .. يمكن البعض ما يدري ان المكينه لازم تنفك لكن برجع اعدل الموضوع واكتب المكينه مفكوكه

وتضن كم تسوا بعد ما اصلحها وترا دخلتها للورشه عساس اني اباخذها ولا ابيعها يعني كاني اصلها لنفسي وكل قطعها دايم اصليه وفيه الفواتير ان شاء الله


up 1 down 0
ابوخالد1397 2482
قبل 3 سنه و 4 شهر



معرض الامارات عنده ب 95 ألف و 500 مكينه 3.8 وفيه اعلانات اخرى ب 95 ألف مكينه 3.8 فل كامل بالموقع

تضنون ما فيه ارخص من 95 يعني

وكم تسوى الكامري الحين عشان اعرف كم ازيد واشتري الباجيرو

وشكرا لكم جميعا ..


up 1 down 0
ابوخالد1397 2482
قبل 3 سنه و 4 شهر



عندك معرض عماد الدين اسعاره طيبة 
والله يعوضك خير 


up 1 down 0
عبدالله 1020 462
قبل 3 سنه و 4 شهر



سعر موترك اعطيه من ٣٥ الى ٤٠ الف والله اعلى واعلم


up 1 down 0
دكتوراه في الحب 157
قبل 3 سنه و 4 شهر



الله يوفقك يابعدي ويجزاك خير على ذمتك


up 1 down 0
محب الخير1 9
قبل 3 سنه و 4 شهر



والله ياعزيزي بوضعها هذا ماراح تجيب شيء يستاهل

سقط لها مكينة من التشليح واعرضها وان شاء الله تجيب سعر طيب

وتقدر توضح للمشتري انك غيرت المكينة بالمشكلة اللي حصلت

وكذا سعر افضل وبرأت ذمتك


up 1 down 0
ما بنكسر صابر 2692
قبل 3 سنه و 4 شهر