تحذير من سيارة تويوتا الجديدة وقضية توفير البنزين

26 16

لايمكنك التصويت حتى الحصول على 20 نقطة على الأقل
إضغط هنا للإخفاء

mr.tahoe 1190
قبل 8 سنه و 9 شهر

السلام عليكم

كلنا نعرف ان عبداللطيف جميل نزل السيارة الهجينة بريوس
وهذي السيارة من انجح السيارات بامريكا وغيرها من الدول
ولها 10 سنوات واظاهر اكثر وهي تباع

لكن المشكلة , انه طالعة ناس تسوق لها ان الواحد المفروض هنا 
يشتريها لانها راح توفر بنزين الخ..

وهذا الكلام ماينطبق عندنا واتركم مع هذا الاقتباس من احد الاخوة الفاهمين

" صرفية السيارة حسب بطاقة الكفاءة 26.1 كيلو لكل لتر  

بنزين 91 سعره 0.75 ريال

يعني البريوس بنزينها = 6896.55 ريال لكل 240 ألف كلم

الكورولا ( مكينة 2 لتر ) بنزينها يكلف = 10843.35 ريال لكل 240 ألف كلم

التوفير = 3946.8 ريال على مدى مسافة 240 ألف كلم

لو حسبنا محرك 1.6 الي نفس الاحصنة لمحرك 
البريوس وصرفيته حسب بطاقة الكفاءة 17.8
تقطع ال240 الف ب 13483.1 لتر 
بتكلفة 10112.3 ريال بفرق عن البريوس ((3215.8 ريال))
يعني مافيه فرق بالتكلفة , فقط 3 الاف ريال وهذا بعد 240 الف كم 
الهجين ينفع اذا اللتر ب3 ريال وفوق اما حاليا فهو خسارة وليس توفير
"

سعر السيارة فئتين بـ84 و88

وفيه نقطة مهمة , بطارية السيارة يا شباب سعرها مايقل عن 10 الاف ريال
فيه ناس تقول بـ20 لكن خلنا نختار رقم منطقي لانه ممكن تلقى مجدد
المهم ماتقل عن 10 الاف وابحثوا بالنت قبل مايجي احد يشغلنا ويكذبني

اما عن وقت تغيير البطارية ما ادري هل نفس السيارات العادية ولا لا
لكن حتى لو قالوا لي تغير بطارية كل 5 سنين

فاضيلكم ادفع 10 الاف ريال انا , بالعقل هي 

حبيت اقولكم قبل ما يلعبون على احد مضطر وراه خطوط يوميا
ويبي يوفر

إبلاغ

الردود