ناوي اشتري بنتلي 2006-2008 .. رجاء لمجربين الموتر الدخول

مالي علم ويمكن تشوف سعره رخيص بس بتنصدم بقطع غياره

زي واحد من الشباب شاري بورش بسعر حلو وبعد فتره انصدم من اسعار القطع

اذا تقدر بكل صيانه تدفع 10 الاف وفوق توكل على الله 

ما انصحك تشتري سياره لها ٨-١٠ سنين بمبلغ فوق ١٥٠ الف !! 
اذا منت قد انك تشتري بنتلي جديدة 
لا تشتري مستعمل 

يولد لا تنكب نفسك بكره تبهذل مع الموتر 
بالمبلغ ذا تقدر تشتري لكزس es او ls وكلهن فخمات
بالاضافة للجنيسس موتر ابدع صراحه 

على الاقل تاخذ موتر جديد شرط ٤ سنوات ماتبدل الا استهلاكي 

والجديد مامثله لو اكسنت 

تعوذ من الشيطان
وشوف لك لكزس460
اذا انت مصمل ع موتر فخم
 مالك ومال قديم وغالي ونادر من يشتريه ومن يصلحه 
انتبه احذررر امامك منعطف خطر

^^ يقلك يبي بنتلي تقوله لكزس بغض النظر عن الصيانة و القطع وكل شي فرق بين الثرى والثريا قول بي ام قول مرسيدس قول بورش اما لكزس !!! الله يهديك

اخوي محركات البنتلي هي اودي خصوصا الماكينة والقير وقطع كثيرة نفس الاودي A8 W12 القطع غالية للاسف شوي ولكن ان كان سليم ونظيف مركب شيوخ 
 

بدى الحسددد في المنتدى 
ههههههههههه
انا اقولك الف مبروك مقدمن 
اذا انت مقتنع لاتفكر  بكلام ناااس 
اقنع عقلك   واقنع جيبك 
وانت قدها وكفوو 
والف مبروك مقدمن 

اشتر الله يبارك لك 
وماعليك من الحساد
السيارة قطعها رخيصه وتلقاها فالبقاله 
حتى الكمبيوتر حقها تقدر تبرمجه عند اي بنشري سهل مره 

اشتر وعيش حياتك 
انت بقدها 

ياخوي الي يبي يشتري بنتلي مايسال عن القطع الاستهلاكية اكيد بتكون غااالية !!!

ماعندي علم بالبنتلي مع اني كنت مستخدمها ثلاث سنوات >>> واحد نصاب خخخ ...المهم بعطيك خيارات ممكن تعطيك نضرة افضل لأن مبلغ ال160 مايجيب لك بنتلي جديدة مامشت لكن بنفس الوقت تجيب لك E500 - s550 -LS460 كلهن موديلات حديثة وتحت ضمان المصنع وهذا اهم شي

وصيتي لك ( لا تنسى الاستخارة ) 
عن جابِرٍ رضيَ اللَّه عنه قال : كانَ رسولُ اللَّه صَلّى اللهُ عَلَيْهِ وسَلَّم يُعَلِّمُنَا الاسْتِخَارَةَ في الأُمُور كُلِّهَا كالسُّورَةِ منَ القُرْآنِ ، يَقُولُ إِذا هَمَّ أَحَدُكُمْ بالأمر ، فَليَركعْ رَكعتَيْنِ مِنْ غَيْرِ الفرِيضَةِ ثم ليقُلْ : اللَّهُم إِني أَسْتَخِيرُكَ بعِلْمِكَ ، وأستقدِرُكَ بقُدْرِتك ، وأَسْأَلُكَ مِنْ فضْلِكَ العَظِيم ، فإِنَّكَ تَقْدِرُ ولا أَقْدِرُ ، وتعْلَمُ ولا أَعْلَمُ ، وَأَنتَ علاَّمُ الغُيُوبِ . اللَّهُمَّ إِنْ كنْتَ تعْلَمُ أَنَّ هذا الأمرَ خَيْرٌ لي في دِيني وَمَعَاشي وَعَاقِبَةِ أَمْرِي » أَوْ قالَ : « عَاجِلِ أَمْرِي وَآجِله ، فاقْدُرْهُ لي وَيَسِّرْهُ لي، ثمَّ بَارِكْ لي فِيهِ ، وَإِن كُنْتَ تعْلمُ أَنَّ هذَا الأَمْرَ شرٌّ لي في دِيني وَمَعاشي وَعَاقبةِ أَمَرِي » أَو قال : « عَاجِل أَمري وآجِلهِ ، فاصْرِفهُ عَني ، وَاصْرفني عَنهُ، وَاقدُرْ لي الخَيْرَ حَيْثُ كانَ ، ثُمَّ رَضِّني بِهِ » قال : ويسمِّي حاجته . رواه البخاري.

البنتلي موتر قوي شف عندي وحده 2010 

ماغير زيت و بنزين وكارفها كرف الويل انصحك فيها 

"" اقول الله يرزقنا الجنه بس ""

حب المظاهر اعمى الناس 

قيمتها كثير يقدر يشتريها لأن سعرها في حدود 180الف 
لكن تبقى المشكله في صيانتها لازم تعرف انها مكلفة جدا وباهظه 
انت راكب بنتلي لوقديم الفحمات الاماميه سعرها 2000الف ريال 
والوكالة أقل تشييك لها تاخذحول 5000الف 
كجودة ممتازه تخدم ومكينيكه المانيه مكينه وقير كله أسفل السياره من فولكس واجن 

يوووووه إذا على الحسد عندك ناس حتى الأعمى تحسده على عمى عيونه يارجل 

شكرا جزاكم الله خير .. كنت اتمنى احد ملاكها يزودني باسعار الصيانه الفعليه ولكن يكفي كلامكم و راح اصرف نظر .. شكرا مره ثانيه.

اقول لا تكبر ........... بالخرق


ومد رجليك على قد لحافك ، موتر مهب قدك لا تشتريه ، ترى كثير من الناس يزعل لاقلت له كذا


مافيها شي اني اقول الموتر هذا مهب قدي في صياناته غالي ولو تعطل بلشت به وزود على كذا انت دافع 150 الف عشان توقف السيارة في البايكه


وتداوم باكسنت ، وشوله اجل شاريها ؟؟؟


الشور كانك طايع الشور طلع لك سيارة متوسطة الفئة ستة سلندر وفك عمرك ، بالتوفيق

بأختصرها لك لا تلبس ثوب ماهو ثوبك!

والله يرزقك بوحدة جديدة

مد رجولك قد لحافك وش تبي بموتر يجر العين زي كذا وانت بالاخير دافع فيه قيمه افلون 
خذلك موتر جديد او خذلك مرسيدس يخت مستعمل او بي ام دبليو كلهن فخمات وكلهن المانيات البنتلي مكاين وقيور من شركه اودي