صيانة كامري 80000 كيلو

وعليكم السلام 
افتح الكتلوج السيارة وتحصل صيانة 80 الف 
وتسويها خارج الوكالة لانها بيعطونك تكلفة عالية 
الوالد شغال في احد القطاعات الحكومية وعندهم سكويا 2011 ليمتيد 
ودخلوه الوكالة صيانة 90 الف 
التكلفة 10 الاف ريال 

بشكل عام اي سيارة جديدة صيانة ال100 الف اهم شي
تغيير بواجي و ممكن ما تحتاج و تغيير السيور كلها و اهمها سير التايمن
ممكن صفاية البنزين و فلتر هوا المكينه و اشياء بسيطة

اما تغيير زيت القير و المكينة احسبها غير الصيانات الدورية
حسب كل سيارة  و حسب نوع الزيت و لزوجته
اما القماشات حسب استخدامك للفرامل تغيرها مالها مدة محددة
فالافضل انتظر الى ممشى 100 الف و ادخل السيارة تشييك كامل
لكن تأكد وش يشيكون عليه و كم الاسعار شغل يد و قطع غيار
و كرر الصيانة الشاملة كل 100 الف و ما عليها خوف السيارة

الوكالة حرااااامية

سيارتي كامري 2013 

يوم وصلت 80 الف 

رحت الوكاله المره الثانيه بعد ال 5 الف المجانيه

المهم نيتي انا اغير زيت القير مع السيفون ... لاني ما اضمن محلات برا 

المهم وصلت الموضف وقلت ابغا اغير زيت القير مع الجربوك 

قال ابشر ادفع 730 بعد الخصم وسيارتك تدخل الضمان 

فلت عادي ثال ايوه اي شي خربان راح نصلحه 

المهم ودخلوها الصباح واخذتها المغرب 

وتم تغيير عكوس يمين ويسار ورمان ومساعد خلفي 

واشيا كثير مع اني كنت ما احس باي مشكله في السياره 

المهم واستلمت السياره مغسله وملمعه والحمد لله الحين وصلت 120 الف 

اما بنسبه للبواجي فركبتها انا بعد 100 الف فب محل برا 

وفلتر المكيف وفلتر المكينه اشتريها وانا اركبها كل 50 الف 

والاقمشه غيرتها قبل توصل 100 الف حسيت ادئها ضعف شوي 

والاشيا الثانيه زي السيور وتنضيف بخاخات فاشوف ما يحتاج دام السياره شغاله وما تشتكي من شي 

والافضل تشيك بنفسك والي يحتاج تغيير تغيره 

طبعا للمعلوميه مكينه الكامري لا يوجد فيها سير تيمن 

وانما يوجد في المكينه سير جنزير وما يحتاج تغيير 

عبد الله 1020 : قلتلي ١٠٠٠٠ ريال ها ليه يخت وانا مدري حتى لو يخت ماوصل ذي القيمة بالصيانة 

يعجبني خيالك الواسع

ان شاء الله يطلع من الوكالة واصورلك الفاتورة وارسلك على واتساب لو بغيت 

زيت مكينه مع الفلتر
زيت القير مع الفلتر
فلتر هواء
فلتر المكيف
فلتر بنزين
بواجي
وشيك عالسيور والاقمشه