العضيب ... هل من بديل ؟

العضيب يحسبها مع خرط الهوب
يعني تركيب فحمات فقط والا تركيب فحمات مع الخرط كلها نفس القيمة
إذا كان بس بتغير الفحمات بدون خرط اقرب ورشة لك ماتحتاج خبرة

وعليكم السلام ورحمة الله وبركاته
اذا تبيها من الآخر المحلات الكبار هذي اكبر نصابين
طبعا ماني متكلم على ميزان العضيب
لان الناس خابره الكذب والمبالغه في اسعارهم

مرت رحت لميزان اليرموك والناس تقول افضل من العضيب وارخص منه
المهم كان الموتر جديد وكنت ابغى ارفعه من خلف بكعكات المهم قلت خل بروح للميزان هذا دامه قريب من عندي
المهم يوم دخلت الا ويطلعون فالسياره عدت مشاكل
قالوا الكفرات الخلفيه يبي لها وزن يقولون انها متفحشه شوي !!
سلكت لهم وقلت طيب بكم تسونها ما اذكر السعر بالضبط لكن حدود ال500 ريال
قلت والفحمات بكم تركبونها قالوا ب200 ريال
يعني كلها حدود ال700 ريال !!
قلت زين زين واطلع واخليهم

الحاصل ترى الميزان الكبيره هذي اكبر كذابين
وتغير الفحمات مع الخرط ب70 ريال فقط
اما 200 ريال هذا سعر مبالغ فيه ..

تعديل ***
قلت والكعكات بكم تركبونها ...

انا ودي اسوي ترصيص ووزن اذرعة، ولكن العضيب نصابين واسعارهم غالية

ايش البديل؟

اذا انت في الشرقيه عندك ميزان المنصور 
ومثل ماقالو الشباب يمكن ورشه صغيره تطلع نفس الشغل او افضل من الورش الكبيره 

وانا افضل الباكستانين عن اي عماله اخرى 

وانا افضل الباكستانين عن اي عماله اخرى 

العضيب نصابين .. تلاقيه حاط الخراب براسه قبل لا يفحص الموتر ويجي يقولك المساعد هربان والمقصات وغيرها ..
واذا رحت لغيره قالك مافيها شيء !! واذا قلتله بكم تصلحونها لزخك بذاك السعر اللي تقول : احوك منه ..
الفحمات اقرب ابو بنقالي في اي ورشه يصلحها لك .. ولا هالنصابين .. 

العضيب انتبة منهم نصابين 

والله العظيم الخميس اللي فات دخلت الجيب حقي عندهم عشان ما كان يشتغل دخلت السيارة لهم قبل صلاة الظهر
وقالي الفحص ب ٣٠٠ عشان نطلع لك العلة قلت لهم تم لاني جايب السيارة لهم بسطحة وما كان عندي خيارات ثانية

المهم قاعدين يحاولون يطلعون العلة اللي في السيارة ما عرفو لها وقبل ما يقفل بالليل على الساعه ٨ ونص قال لي
تعال شيل سيارتك لان مكينتك مخبطة وخالطة زيت مع موية انا هنا انصدتم وقالي تكلفك ١٥٣٠٠ مكينه مستعملة 

انا قلت لا شكراً واجيهم اليوم الثاني الصبح واروح اودي السيارة عند شخص سعودي اخوي دلني علية 

وديت له السيارة الصبح ودق على العصر قال سيارتك جاهزة وشغالة تمام  والمشكلة كانت في الكهرب ما توصل بقوة للمكينة

وغير لي بواجي و وكويل ونضف الثروتل والحمد الله السيارة شغالة معي تمام الان وراح ارجع للعضيب و اتفاهم معهم عشان يرجعون ٣٠٠ حقتي

الموتر / فورتشنر ٦ سلندر ٢٠٠٦ 
الفرع / العضيب الخبر 

صديق يازيد 
العضيب استغل سمعته وشاف نفسه ورفع الاسعار 
مثله مثل فحص البريدي اخذ سمعه وبعدها انشهر وقام يهايط ذاك الشايب ويرفع الاسعار وسحبت عليه الناس

اخوي ترى الشغلة مع الخرط تكلفك ١٠٠ ريال فقط وشغلتها جدا سهلة

انا لو قريب منك ركبت لك الفحمات مجانا حاولو تتعلمون الاشياء البسيطه الاستهلاكيه تغيروها باانفسكم مثل السيور والبواجي والفحمات وهالاشياء

إذا انت بالرياض
عندك ميزان المجد الصناعيه القديمه
خبره وشغلهم ممتاز 
وأسعارهم ممتازه

نصيحه ابعد عن العضيب وزن حقهم ابو كلب  روح مركز البلاد او اليرموك  شغل وكاله وارخص كمان

البلاد فحص مجانا  سعره رخيص  وممتاز

يارجال فحمات فكها سهل دخل موترك الحوش وفكك فيها على راحك ماتجلس نص ساعه 

فعلا العضيب استغلالي ولا يحترم عقول عملاءه


في الصناعية القديمة ميزان الدرع يمدحه لي شخص اثق فيه ولكن الى الان ماجربت شغلهم

البلاد وين مكانه ياشباب

العضيب صارت سمعته سيئة وشغلك اقل من المستوى 
ارجو الحذر منه

إفحص عند العضيب ... وشغل اليد بأررررخص ورشة أهم شي تعرف المشكلة وخلك واقف على راس العامل وهو يشتغل