تركيب عدسات للكامري 2012

كم انش مقاسها ؟؟

3 انش مقاسها وتركب بدون ترهيم على الشمعة

لكن أبغى واحد فاهم يفك ويركب

اذا الاسطبات عندك نفس شكل اسطبات الكامري 2013 و 2014 ف تركيب عدسات الهيلا عليها سهل وما تحتاج حتى تفك قزازة الشمعه بالحراره 

أدري أن تركيبها سهل

لكن لازم فك الصدام حتى تنفك الشمعات ويركب عليها العدسات

وما أبغى أروح لواحد يتعلم في سيارتي

الله يعينك .. انصحك تواصل مع محمد ال سلطان هذا انسان مشهور وله خبره في هالمجال وله معارف في غالبية المدن .. ف انت تواصل معه واسأله اذا يعرف احد خبره بالتركيب ف الدمام ما بيقصر معك .. 

هذا شوري لك .. وبالتوفيق عزيزي

بالنسبه لفك صدام ترا شغله سهله انا افك صدام كامري بنفسي 2015 ماشالله

واللله ماتحتاج الا انك تتوكل على اللله وتسمي وتبدا

خذ معك مفتا 10 يفضل شنطه حبوب فيها جميع مقاسات

تفك مسامير شمعه من فوق كبوت
وتفك الشبك وكله مسامير وكبس

وتفك رقبه من جهت الكفر وتشد صدام بيدك لنه كبس
وبعدها تفك مسمار الرقبه لنه يمسك شمعه مع الرقبه من جنب ومبرونا متعود افكه والم شمعاتي بالبيت ولا زينه ولاشي

وشغل سعودي ميه بالميه ومع ثلاجه قهوه تعدل مزاجك


وشغله كله ساعه على بعض

بكم اخذت العدسات ومن وين ؟ 

اشكر الجميع وعلى رأسهم الي معطيني ديسلايك وليته كتب السبب

مازال السؤال قائما ولم أجد له إجابة

وأي استفسار على الخاص لاهنتم