هل فيه تمويل عقاري مع تمويل شخصي في نفس الوقت؟

سؤال مممتاز
وايضا اذا علي سياره من البنك وقرض هل البنك العقاري يعطيني 

بنك اﻻهلي ماخذ ماعنده

ضربتين في الراس توجع

بس اللي أعرفة ماياخذون أكثر من 60 بالمية من راتبك

ونصيحة أبعد عن القروض إلا للضرورة القصوى علاج ولا دية لا سمح الله

أما القرض العقاري اللي من البنوك أنحش أنحش أنحش على الأقل أصبر كم سنة

أبو عبدالعزيز ، معلومتك ناقصه ، كمل وش فيه الأهلي 

اعرف لي اكثر من شخص يبي يسوي هالحركة لكن البنك ذكي خخخخ

بعطيك مثال لو عليك تمويل شخصي وتبي تمويل عقاري 
نفترض التمويل الشخصي 100 الف 

ورحت للبنك قلت ابي تمويل عقاري قال لك البنك نعطيك مثلا 700 الف ( طبعا اذا ماعليك تمويل شخصي )
اذا عليك تمويل شخصي بقيمة 100 الف يقول لك البنك نعطيك 700 الف ونكيش التمويل الشخصي ب 100 الف 

والصافي 600 الف يعني تيتي تيتي مثل مارحتي جيتي هههههههه

واذا كنت بتاخذ تمويل عقاري وطلع قسطك 4000 وراتبك 10000

لك ل60% من الراتب بشرط يكون عليك قسط واحد سواءا العقاري او الشخصي مثلا 4000 يعني 40% من الراتب طيب باقي 20% 
تقدر تاخذ لك موتر ايجار منتهي بالتميلك يعني لك ل2000 ريال اللي هي 20% من ال10000 ماتزود عنها
اتمنى وضحت الصورة

تراني احب اتفلسف بس معلوماتي اكيده 

ايه عادي فيه 
مكاتب العقار لفيت اكثرها وحسب مافهمت 
مثلا بيت بمليون 
وتمويل عقاري 800 
يطلع لك قرض شخصي مثلا 250 
يطلعون لك قرض شخصي 250 
ياخذون منه 200 يضيفونها على العقاري تصير مليون 
يبقى 50 الف  فجيبك
اول خمس سنوات قسط 7 الف لحد ماتسدد القرض الشخصي 
بعدها يثبت على 6 الف لحد ماتخلص القرض العقاري 
هذا مثال بسيط 

ولو تاخذ مثلا بيت ب800 
ويطلعون لك قرض شخصي 250 
تاخذ ال 250 فجيبك تاثيث فيها وتاخذ البيت 
اول خمس سنوات 7 الف وبعدها 6 الف 

ولهم طرق ثانيه لسداد المديونيات وال 30 بالميه والان بتصير 15 بالميه 
المهم انتبه من حقين العقار ترا وراهم تلاعب 
البنك الاهلي نسبته 2.6 
الهولندي 3.0 
الاهلي يمولك اذا ماعليك مديونية 
الهولندي يقدم حلول لكن ياخذ فايده كبيرة على الحلول 

بيض الله وجيهكم على الردود أجمعين ما قصرتوا ، 
فعلاً ما كنت أعلم عن هذي الأمور، 

اشتغلت فيها فترة بسيطة
البنك الوحيد اللي يسوي هالشي هو الاهلي
راجعهم وخذ العلم منهم يمكن استجد شي
بالتوفيق