ممكن احد يفيدني بفائدة العداد هذا في كرولا 2014

السلام عليكم

أخوي هذا عداد يوريك متوسط كم لتر بنزين تصرف السياره لكل 100 كلم

طيب الرقم (29) طبيعي ؟؟ 

لا طبعاً الرقم مو طبيعي

شكلك صفرت العداد ومشيت وسط المدينة

صفره وامشي خط بسرعة ثابتة بتلاقي القراءة 10 أو 11

شكلك توقف السيارة كثير وهي شغالة

اوقف السيارة وهي شغالة .. صحيح 

بس ما فهمتك اخوي ابوعبادة .. ايش قصدك بتصفير العداد وامشي وسط المدينة ؟؟

صرفية البنزين عندك عالية كانو معاك مكينة 16 سلندر هههههههههه 

أبو عبادة يقصد إنك سويت reset للعداد وبعدين قضيت وقتك كله داخل المدينة فطلع الرقم عالي. إذا قطعت مسافة في الخط تلاقيه ينزل شوي شوي لأنه كلمة AGV معناها Average يعني "معدل" الصرفية في فترة من الزمن أو مسافة معينة (تبدأ من لحظة الreset).

اخوي لوودي صرفية البنزين عندي 5 ريال يومياً مع كل المشاوير اللي ابغاه 

حسوي فحص وكالة واشوف ايش المشكلة .. ان شاء الله يطلع خير 

بس هل في احد يعرف محل يفحص السيارة كاااملاً زي الوكالة ويطلع كل مسمار في السيارة وسعره طيب .. 
المشكلة في الوكالة تكون السيارة عنده يوم يومين 

ما يحتاج تسوي فحص في الوكالة ولا غيره. هذا اسمه عداد معدل استهلاك الوقود. الرقم طلع معك عالي لأنك أغلب وقتك داخل المدينة وكمان تسيب السيارة شغالة وهي واقفة، لذلك الكمبيوتر يحسبها على إنها صرفية من غير قطع مسافة ويضيفها على المعدل العام. المرة الجاية لما تطلع خط سوي له تصفير reset قبل ما تطلع مباشرة ولما توصل شيك عليه رح تلاقيه في حدود ال10-12 لتر لكل كيلومتر أو أقل.

تعدلت .. الحمد لله .. وهي الحين على 10 الين 15 ... مشكورين جزاكم الله خيرا