طلوع الرصيف

اجل مشتري جيب على الفاضي ياشيخ بهونداي i10 نطلع الرصيف والحمد لله ولا شيء

اذا تطلع بهداوه مو دفاشه ان شاء الله ما يجيك شي بس نصيحتي دورلك موقف ثاني اذا موترك نظيف

الجيوب خلقت للارصفة هههههه اطلع ولكن بشويش ومايجيه شي باذن الله 

الرصيف يبغاله خبره مرة شفت تاهو يبي يرقى رصيف وعلق وعدم ام شاصي السيارة وشرر طالع 
التشاليح مليانه من سيارات هاذي الاشكال اذا معه جيب او ونيت يحسب معه دبابة 

الرصيف للمشاه وليس مواقف سيارات 

وخاصه عند زوايا المداخل والتقاطعات تحجب الرؤيا وانت داخل لفه 

الافضل تتجنب مواقف مثل هذي 

وانا رايح للكليه المديور لازم تكم 3 كيلو عشان ترجع بعد 3 كيلو وتوصل الملف .. 

ولا اخبر اني وصلت المديور .. من فوق الرصيف بوميا لكن بهداوه ولا الرصبف كبير يخرع

إطلع على مهلك ووقف السيارة بشكل ثابت وما يجيها شيء بإذن الله. 

موفق 

يا اخوي اطلع ولا تخاف موترك جيب مو صالون دفع أمامي 
الجيوب مصنوعه للاعمال الشاقه مو للدلع تصعد رصيف تطمر
عقم او حفره ما يقولك لا انا معاي قروب جيوب والله معنا واحد
من الشباب يضرب الطعوس ويطمر بموتره مترين عن الارض وموتره
ما صار فيه شي موتره بس انت اذا تبي تصعد الرصيف اصعد 
بالراحه علشان ما تنكسر معاك كراسي الماكينه والقير . وإذا وقفت 
اول ما تسوي تدوس فرامل ع الاخر وتسحب الجلنط للاخير وبعدها حطها
ببارك اذا كانت اتوماتيك وبأول اذا عادي لان لو حطيه ببارك وبعدها سحبت
الجلنط يصير الحمل علي القير مو علي الجلنط 

والله حنا شعب مايعرف النظام اجل اشتري جيب عشان اطلع من فوق الرصيف. 
ونقول ليش احنا مو مثل أوروبا ولا امريكا 
ياخي هناك بعض الطرق مافيه رصيف فيه خط على الارض يمشون الين ما يوصلون للمكان المحدد منه الف ويلفون 

ياخي امن لي مواقف وابشر أوقف فيها لاكن غير معقول جنبي برحه واوقف فيها وينكسر قزاز سيارتي هذا موب معقول انا من انكسرت القزازاه وانا ما أوقف الا على رصيف في شارع عام يعني صعبة السرقه

 اطلع الرصيف بالريوس وان شاء الله مايصير شي

معي النترا 2012 ، مافي رصيف بالرياض ما طمرته وهذي هي معي للحين زي العسل ( اللهم بس الصدام اللي قدام طاح كم مرة غير كذا كل شيء تمام ). لو معي جيب نقزته العماير :) 

اللي معه موتر مايطلع رصيف هذا مايغزي الناس توجهت للجيوب والهايلكسات والدداسن لان مافيه موقف الافوق الرصيف ولا شارع الاحفرية غير سواقه الهمج والتريلات اللي ماتشوفك شي 

زيت زيتون رح عش باوروبا وراك جالس هنا السواقة بالرياض الايام هذي مع المترو والحفريات ماتنفع تكون مثالية ولا ماتاخذ طريق بحياتك شكلك من حقين الكافيهات اخر الليل والفرفرة ماتشوف الزحمة بعينك

يعطيكم العافية على الردود وبالنسبة للرصيف هو داخل المواقف ولا احد يمشي عليه