أضف سؤال أو موضوع جديد          

قطعه وخراب

up 5 down 3
v8..... 61
قبل 6 سنه و 4 شهر



السلام عليكم
اليوم نبغى نذكر اسم قطعه وايش المشكله اللي تسببها مع
ذكر نوع السياره راح النص يكون كالاتي:"
القطعه:طرمبة البنزين
السياره:كامري 2002
المشكله:تفتفه في السياره

وصلى الله وبارك-اللهم صلي على النبي
يالله نبغى تفاعل من الاعضاء لاهنتم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


القطعة : حساس لا ذاكر اسمه حاليا في الثروتل مسوؤل عن دعسه البنزين اتوقع اسمه الابنص
السيارة : كامري 2002
المشكلة: التحمية في الصباح او اذا طولت السيارة واقفة لا تستطيع التحمية الا تكون داعس على البنزين لين تسخن 




up 2 down 0
.ابو طارق 266
قبل 6 سنه و 4 شهر



ما فيه داعي لاسم السيارة
لان طرمبة البنزين بكل السيارات تسبب تفتفة اذا خربت
طيب بالنسبة للتفتفة عندك اسباب كثيرة
منها البواجي واسلاك البواجي أو الكويلات بالسيارات الحديثة والبخاخات وفلتر البنزين اذا كان مقفل من الاوساخ
وعندك فلتر الهواء و طرمبة البنزين مثل ما ذكرت





up 1 down 0
moathyaseen 1393
قبل 6 سنه و 4 شهر



موضوع حلو بس أعطال السيارات كثيره تذكر شنو ولا شنو 

سنسير الكرنك او حساس الكرنك في الشروكي موديل ٩٧- ٢٠٠١
مشكلة السنسير هذا اذا تعطل كثير من الكهربائية والميكانيكين ما 
يعرفون له وإذا تعطل ما يعطي أوامر للكمبيوتر لسحب البنزين واغلب
الكهربائية يقولك عندك طرمبة البنزين عطلانه وانت متأكد ان الطرمبه نظيفه
هذا لازم تبدل سينسر الكرنك وهو له فيش تحت السياره عند القير بدله وبأذن
الله راح تشتغل السياره .
العطل الثاني سلف السياره والسيارة ما تشتغل بس الكهرباء قويه وإذا تبي تفحص
وتعرف العطل دق سلف ما فيه صوت للسلف اضرب بوري وشغل النور اذا قوي عباره
عندك اتوماتيك السلف معلق وتجيب ليور او حديده تضرب اتوماتيك السلف وشغل وبأذن
الله تشتغل وتصير بالنيسان الماكسيما والصني والكامري .

العطل الثالث . بعض الناس يشتكي اول ما يشغل السياره الصبح الدعسه معلقه معاه
ويحاول يدعس بنزين مره او مرتين ما فيه فايده الحل حساس الثروتل معلق اضربه بسكروب
او زراديه طق خفيف لحد ما تنزل الدعسه وانا احذر تضربه ضرب خفيف مو تقعد تهابد فيه
لحد ما تكسره والعيب هذا فتحة الثروتل مع الحساس محتاجه تنظيف ونظفه ولا تغيره .
 
ابتعمق معاكم شوي تبديل زنجيل الصدر تبديل الزنجيل من اسهل ما يمكن أحسن من توديه
لورشه ويصلخك بسعر خيالي اولا تفك البوجي رقم واحد وبعدها فر الكرنك بمفتاح اتوماتيك
فر وفر لحد ما تسمع صوت ضغط الماكينه طلع من فتحة البوجي بعدها فك غطاء الصدر وارخ
شداد الزنجيل وطلع الزنجيل وركب الزنجيل الجديد وانتبه وانتبه وانتبه وانتبه انك تفر اي بكره بعد
ما تفك الزنجيل لان اذا فريت اي بكره بعد ما تفك الزنجيل راح تخرب معاك العيار وعلي فكره 
البكرات عليها علامه والسلندر عليه علامه ولازم علامة البكره تكون مطابقه علي علامة اللي علي
السليندر. 
وصل اللهم وَبَارِكْ علي محمد 
ولك لايك يا صاحب الموضوع 
تحياتي 


up 5 down 1
foxzx 1593
قبل 6 سنه و 4 شهر



حساس اسمه EVAB
اللي هو حساس الشكمان
لو خربان يخلي السيارة تفصل لما تشيل رجلك من على دواسة البنزين
ولما تدوس تحس بتفتفة مع خروج عادم اسود ورائحة بنزين


up 0 down 0
mohammad 13 523
قبل 6 سنه و 4 شهر