من يقدر يساعدني ي اخوان

انا برمضان اللي فات قبل العيد ب اسبوع كان زحمه ولا هو وقت مراجعة مرور .. 

وتصادمت بحايل اانا وراعي افجي .. نزلنا وسلمنا على بعض قال تبي شي قلت لا ..قلت تبي شي قال لا 

وتفرقنا .. من بكرى مربت كم ورشه وكلهم وافقوا يصلحون لي بدون ورقه .. 

دور لك ورشه به مدير سعودي .. او ورشه به مواتر كثار مصدومه 

السلام عليكم,

اخوي ورقة الاصلاح هذي تروح اقرب مرور في المنطقة عندك و تطلبها من العسكري.  تعبي طلب بيانات السيارة و بين فيه كل شي

يعني سبب الورقة هل تلاقيط أو حادث.  هذا اللي عرفه واذا في شي يزودونك فيه الشباب في المنتدى باذن الله ما يقصروا.

نجم يعطي ورقة اصلاح من موقع الحادث اذا كان عندك تأمين.  أما غير كذا فمالك الا المرور وان شاء الله شغلتها سهلة.

العام الماضي قدر الله و صار لي حادث ثلاث سيارات و الخطأ 100% علي, المهم جا نجم و عطاني ورقة اصلاح صغيرة

 في موقع الحادث كأنها فاتورة كاشير من غير مبالغة عليها بيانات السيارة و تروح تختمها من المرور و بعد كذا تقتدر تروح تصلح السيارة.

اخوي بدر الورقة الصغيرة معاي وهي ورقة ينوصف فيها الحادث بس يبغالي ورقة اصلاح 

طيب انا نجم عطاني الورقه الصغيره ورحت للمرور وعطاني ورقة اصلاح
والاستماره مطوفه ثمان سنين ومامعي رخصه بعد 

انا ولله قالي لازم ورقة تامين

دور بتحصل ورشه تضبطها بس بيزود عليك السعر

انت في اي منطقه

انا في مدينة جدة

انا دخلت سيارتي وصلحتها بدون ورقة اصلاح ، تفاهم مع حقين الورش لانهم يبون فلوس وش يبغون بالورقه وراح يوافقون ان شاء الله

وعليكم السلام ورحمة الله وبركاته
اولاً الله يكون بعونك ويعوضك خير ويوسع رزقك ورزقنا اجمعين

ثانيا ياخوي الاتراك بيستغلون وضعك ويجلدك بالقيمه بدون ورقه روح للمرور وشوف لو اعطوك الورقه خير وبركه
عاد لو ما اعطوك شوفلك معلم باكستاني شغله نظيف انا اشوفهم مو استغلاليين زي الاتراك
ملاحظه: ترا الجولات اللي على الورش مستحيل تكون يوميه وممكن تروح ورشه يكون جاهم تبع المرور قبلها بيومين ويكون المعلم واثق انه محد جايه فترة تصليحك
آسف عالإطاله بالتوفيق...

صارلي حادث قبل فترة الله يعافينا واياكم ويكفينا شر الحديد والحمدالله طلعت سليم والغلط علي ﻷن صدمت جيب من الخلف ماجاه شي ماشاءالله مركب دعامة ف الصدام وانا جاتني على الكبوت والصدام والشبك ماوصلت اللديتر جات خفايف يارب لك الحمد قدرو الحادث والغلط مية فالمية علي المهم الادمي تنازل وقلت خيرة رحت المرور وقلت ابغى ورقة اصﻻح وهذي ورقة الحادث قال مايصلح لين يجي الرجال ويتنازل بنفسه جا الادمي ووقع تنازل ورجعت مرة ثانية ابغى ورقة اصﻻح وطلع التأمين منتهي هههههههههههه قال جدد تأمين واروح اجدد وثم ارجعلهم مرة ثانية وابشرك الحمدلله عطوني ورقة اصﻻح شوف كيف الحادث بسيط لكن يطولونها وهي قصيرة ف انا بعلمك على ورش عشان ماتتقروش وتختصرها دام انك فجدة انزل الامير متعب اغلبهم يظبطون بدون ورقة اصﻻح وان شاءالله تحصل مرادك هذي قصتي مع ورقة الاصﻻح ههههههههههههه..والله يوفقنا واياكم

مع حسان العدواني
ولو تنزل شارع الاسكان مايطالبونك بورقة ابدا

انا مره صار لي حادث وشفته بصيط ومشيت
المهم مريت المرور قلت له السالفه وعطاني ورقة اصلاح
يمكن اني طحت رجال حبيب

والمشكله صلحت السياره بدون ورقة اصلاح هههههههه

لا تحاول ما يعطونك الا تأمن السياره او تشوف ورشه يصلح
لك بدون ورقة إصلاح وانا عندي اخوي صارله حادث وتنازلوا عن بعض
ورفضوا يطلعون ورقة إصلاح قلت خلني اتصرف واصفط السياره بجنب 
البيت وأفك الكبوت واقلبه وأخلي البزران يوقفون علي الكبوت لحد ما تساوي
الكبوت وارد اركبه ع السياره واربطه بسيم وحبل  وأفك الراديتر مشقوق ومعوج وأعدله وأروح الحمه عند أهل الراديترات وأروح للتنجيد وافصل برقع
حماية كامل لوجه السياره وارش زيت من البنشرجي زيت محروق وحطيت عليه 
تراب وأدق سلف واطلع للكويت ع السياره والمفتشين ما قربوا للسياره علشان ما 
تتوصخ ملابسهم يقولي انت شنو مسوي بسيارتك قلت حمايه ما يدري انها مصدومه
وأروح ادخلها ورشه بالكويت وتبديل القطع مع رش البويه ما كلف ٦٠٠ ريال وبالسعوديه
طلبوا ٣٥٠٠ ريال وخلصتها ورجعت للسعوديه لا ورقة إصلاح ولا امنت علي الموتر