أضف سؤال أو موضوع جديد          

متي ننتهي من موضوع الزيت والسيفون..؟

up 18 down 4
foxzx 1593
قبل 5 سنه و 10 شهر



السلام عليكم ورحمة الله وبركاته 
كيف حال الجميع ان شاء الله تكونون بأفضل حال ، حبيت أتكلم بموضوع مستهلك بالمنتدي اللي هو تغيير الزيت والسيفون ومع نصب وغش 
بعض محلات البنشر والورش وكل ما ادخل المنتدي احصل واحد كاتب موضوع ونصب عليه ابو يمن او واحد هندي او باكستاني البنشرجي 
اذا كان بالزيت او او السيفون ( الفلتر ) يا اخي 
ريح بالك واشتر لك مفتاح سيفون ومع مفتاح رنق 
١٦ - ١٧ لان أغلبية السيارات تستخدم هذا المفتاح لتغير الزيت وقارورة مويه ومحقان ومع طاسه وفيه ناس تسميها سحله وتحصلها عند محلات المقاولات وثق بالله كل هذي ما تتعدي ٥٠ او ٦٠ ريال وريح رأسك من البنشرجيه ونصبهم بالمفتاح الرنق تفك السره ومفتاح السيفون تفك السيفون وتنزل الزيت ولحد ما يفرغ كل الزيت اول شي ركب السره وبعدها تجئ علي السيفون تدهن 
السيفون بالفتحات موضوحه بالصوره والفتحه الكبيره وحاول تفرغ ربع علبة زيت ماكينه او نص علبه داخل السيفون وادهن مسننات السيفون ومأشر عليها بالصوره وبعدها عبي الزيت وشغل السياره لمدة نص دقيقه وبعدها طف السياره وانزل تحت شوف 
فيه تهريب زيت من السيفون او السره اذا ما فيه دق موترك سلف وتوكل علي الله.. وصل اللهم وبارك وانتهينا من غش بعض البنشرجيه وانتهي الموضوع واشتر السيفون اصلي من الوكالة ولا تشتري من المحلات حتي لو قالك اصلي ونفس كرتونة الوكالة لا تشتري طوالي للوكاله اشتر وتطمن  لآني مره شريت من قطع سيفون وحلف لي انه اصلي مع أني شفته نفس كرتونة الوكالة بس لما فكيت الفلتر القديم الأصلي اللي شاريه من الوكالة وقارنته مع الأصلي اللي من قطع الغيار لقيت فيه فرق واضح اولا بدرجة لون بوية السيفون وثانيا حق الوكالة عليه ستيكر علامة مائية والأصلي حق قطع الغيار ما عليه الستيكر لان الستيكر دليل انه حق الوكالة .




تنبيه وتحذير : عند شد السره شدها لحد ما تحس انها ثقلت وما راح تدور السره ولا تغصبها اذا غصبتها وشديتها راح تبوش معاك السره وتفر بوش  . والسيفون ركبه بيدك وفر وبعدها فره بالمفتاح علي خفيف ولا تشد عليه لانه راح ينطعج السيفون معاك . 




وللمعلوميه تبديل الزيت ما يحتاج حفره تقدر عند باب البيت تغيره بالنسبة لي انا أغير عند باب البيت وفرغ الزيت القديم بقارورة المريه ومثل ما تشوفون صورة القاروره علي فكره الزيت اللي داخل القاروره هذي تبديلة زيت ٦ مرات ٤ مرات لسياراتي الالنترا ومرتين لسيارة اخوي فورد موستنغ ومثل ما ذكرت ما تحتاج حفره واللي تحتاجه عفريتة السياره   . والله يوفقكم .. ولا تنسونا من دعائكم .
تحياتي ..
اخوكم 
 Foxzx












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله موضوعك ممتاز و في محله وانا حاولت اسوي الطريقة 
هذي لكن المشكلة سيارتي السيفون فيها غايص في بطن المكينة 
يعني ماينفع ترفع السيارة لازم حفرة هذا اللي رادني  
تحياتي 


up 1 down 0
ابو صياف 82
قبل 5 سنه و 10 شهر



مو عذر هذا يا اخوي ابو صياف اذا كان ببطن الماكينة 
تدخل عليه من جنب السياره من ورا الكفر ومو كل بنشرجي
عنده حفره يبدل زيت فيها بعضهم بالعفريته يرفع السياره 
ويغير الزيت


up 0 down 1
foxzx 1593
قبل 5 سنه و 10 شهر



حاولت كثير لكن ماقدرت البنشري يتعب مع السيارة لمن يغير 
السيفون لكن اصبحت اغير مررة بدون سيفون في البيت 
ومررة مع السيفون عن البناشر  
وعلى هذا الحال واجيب زيتي و سيفوني معاي وياخذ 15 حق 
التغيير  
تحياتي لك


up 1 down 0
ابو صياف 82
قبل 5 سنه و 10 شهر



الله يعينك يا ابو صياف 
وموفق وانا اخوك 


up 0 down 0
foxzx 1593
قبل 5 سنه و 10 شهر



المسألة مسألة تعود و هوى نفس
و الا الفضاوه ممكن توفرها
اذكر مرة من سنين الركب طقم طيس كورولا 98
شريتها هدية لولد عمتي اول ما تعلم السواقه
خذينا نص ساعة ممكن اكثر و لا ضبط الشغل ميه بالميه هههه


up 2 down 0
أبو نجوى 2442
قبل 5 سنه و 10 شهر



موضوع ممتاز
بس الزيت القديم وين نودية انا شفت قارورة التفريغ
فكرة كويسة هل فيه مكان معين ياخذة او بس نكبه باي مكان
وباالتوفيق


up 2 down 0
باترول 2020 2624
قبل 5 سنه و 10 شهر



عن نفسي اخذت كرتون زيت وسيفونات عندي بالبيت وكل ماغير بنشري اعرفه اجيبها له ويغيرها ب 10 ريال وانا مرتاح 


up 1 down 0
موووت احبك 1625
قبل 5 سنه و 10 شهر



الحال من بعضو ان شاءالله اعملها ومثل ما قلت ليس طمع وانما لابد من ان الواحد يشتغل عل سيارته الشغل مو عيب


up 1 down 0
ryyan555 703
قبل 5 سنه و 10 شهر



أشكرك جميع من مر ورد علي الموضوع 

وبالنسبه الأخ باترول ٢٠٢٠ يقول شنو أسوي بالزيت القديم 
اوديه لمكان معين او اكبه انا أقولك شنو تسوي بالزيت القديم 
عند ما تمتلي قارورة المويه طبعا قارورة المويه راح تمتلئ معاك 
بعد سنه او سنه ونص وبالنسبه للزيت تتبرع فيه لأي بنشرجي 
بنية الصدقه لان كل البنشرجيه تبيع الزيت القديم وسعر التانكي
الصغير ب٥٠٠ ريال والتانكي الكبير ب١٢٠٠ ريال لانه يعاد تكريره
ويصنع من جديد ويضاف عليه مواد ويباع مره ثانيه ويكتب علي العلبه
زيت مكرر وهو من أرخص الزيوت في السوق ويعاد تصنيعه كشحم لتشحيم
السيارات او يباع للدول الأخري لان زيت السياره القديم يستخدم للتدفئة في الدول
البارده . 
بالنسبه للأخ ريان عمر الشغل باليد ما كان عيب العيب انك تخلي بعض الناس تستغفلك
وتستغلك هذا هو العيب . 
تحياتي للجميع 


up 4 down 0
foxzx 1593
قبل 5 سنه و 10 شهر



جزاك الله خير على الموضوع الاعتمادي 
وانا دايم اغير الزيت والسيفون بنفسي 
ولايبغالها شيء اصلا !! لكن الله يوفق الجميع 
(( مايحك جلدك غير طفرك ))


up 1 down 0
عبدالله 711 791
قبل 5 سنه و 10 شهر



شكرا لك علا التوضيح والله يعطيك العافية


up 0 down 1
باترول 2020 2624
قبل 5 سنه و 10 شهر



برجاء الانتباه الي الاتي :-

1-  ان الزيت المصفي من السيارة ذو درجه حرارة عالية ويمكن ان يتسبب في حروق(لا قدر الله ) ، وبالتالي اخذ الحذر عند تصفية الزيت .
2-  لبس نظارة سيفتي او نظارة عادية  حتي تحمي العين من  التراب المتساقط من السيارة او الزيت .
3- عدم القاء الزيت القديم في الاحواض او البلاعات لانها قد تسد مجري المياة ، (يمكن التبرع به لاي بنشري ).
وشكرا لصاحب الموضوع وكل الردود



up 5 down 0
عمده33 1664
قبل 5 سنه و 10 شهر



اشكركم علي المرور والرد 
عبدالله يعجبني الشخص اللي يعتمد علي نفسه 
الله يوفقك 
باترول ٢٠٢٠ العفو يا اخوي
العمده لا هنت علي المعلومات القيمه لان اول ما تعلمت الميكانيكا
اول درس تتعلمه اولا الامان وحماية الشخص لنفسه ويقولك فرست سيفتي
وبعد الامان النظافه ان كانت نظافة السياره اللي تشتغل عليها او المكان اللي 
تشتغل فيه وبعدها يعلمك الميكانيكا بعد درس الأمان والنظافة .
تحياتي لكم 
ولكم احلي لايك+1


up 1 down 0
foxzx 1593
قبل 5 سنه و 10 شهر



باترول ٢٠٢٠ السموحه ما اقدر أعطيك لايك لانه يطلع لا تستطيع 
تقيم العضو مرتين وبأذن الله اعوضك بالجايات 
تحياتي 


up 1 down 0
foxzx 1593
قبل 5 سنه و 10 شهر



ولا يهمك انا بعطيك لايك انت والعمده تستاهلون 
كل خير والله يسعدكم +٣


up 0 down 0
عبدالله 711 791
قبل 5 سنه و 10 شهر



موضوع قيم

جزاك الله خير واشكر الشباب المشاركين


up 0 down 0
فواز ١٤٣٦ 41
قبل 5 سنه و 10 شهر



اخوي صاحب الاعلان ضرووري كلمني على الخاص عشان موضوع السيارات الكويتيه و نقلها ب اسم سعودي، لاني داخل عن طريق المتصفح و بحثت عن يوزرك بالتطبيق مالقيت


up 0 down 0
m.jackson
قبل 3 سنه و 8 شهر