كرولا 2015

كيف غير مسموح الفحص وش هذا الشرط 

لا نكذب على بعض ما دام غير مسموح الفحص فيها بلا ... من حقك تفحص 

طالما شرط عليك الفحص ممنوع تأكد يا طيب أن السيارة فيها مشكلة أو مشاكل

هو رافض الفحص .. بحجة انه مو فاضي .. يروح معاي .. ولا يثق في احد ..

يقول جيب الميكانيكي عندي وخليه يشوف السيارة .. وبس 
اما انك تاخذها وتوديها الفحص .. ما ينفع 

يارجال الفحص كله ماياخذ نص ساعه وش الي ماعنده وقت 
ونصيحة لاتشتري سياره الا بعد الفحص 

" مكينة وجربكس وشاص نظيف جدا 100% "

كيف حكمت وأنت ما فحصت ولا مسموح لك تفحص ؟
لا أنصحك بإقتناء السيارة الا بعد الفحص.

موفق 

مشكورين .. حبايب .. جزاكم الله خيرا .. كنت شاك في البداية ... لكن بما انكم ما استحسنتوا ,.. خرج من نفسي

على كيفه ماتفحص 
سكر فمويه !!!

مثل كذا قله خل سيارتك لك ومحد راح يشتريها اصلا بهذ الشكل على طول الناس بتشك فيها

يارجال هذي تلاقها غير صالحه لشرب قصدي للستخدام
ابعد ععنها لوو نضيفه ميبيعها باقل من 45 الف

ممشاها كثير على موديل 2015 شكله كداد

ابشركم حبايب ... صاحبنا وافق الفحص ... لكن بعد دفع العربون مبلغ لا يقل عن 5000 .. ايش رايكم اتوكل 
وثاني شيء .. عندي كرولا 2009 غير مفحوص ولا مجدد من سنتين .. مرشوش كامل اسود مطفي
المكيف مو شغال .. الله اعلم ايش مشكلته 
غيره نظيييف جدا مكينة جربكس شاص .. حوادث مافي .. مدري ليه ..
مستخدمها من شهر تقريبا ... كم تجب لي تقريبا .. ؟؟

اذا انت راغب بالسيارة توكل على الله
 لكن أول شيء وقعه على ورقة بمبلغ العربون اللي قبضه 
وأنه مسترد في حال وجود أي خلل في السيارة يخل بالإتفاق ( شرط هام ).

بالتوفيق لك

لقيتها في حراج المكرفونات لانهم يقولون تشتري كوم حديد بدون فحص

والله طفش من الشريطية تلاقي شخص اخذه المعارض وفحص وجاب بلاوي لها اول وما لها داعي عشان ينقص في السعر فالرجال يحسب كل الناس شريطية اعطية عربون ووقعه على الورقه وتوكل ولا تتردد كثير بس روح محل فحص ممتاز عشان تسلم من النصب

تنصحوني بمحل فحص معين .. ولا اتوكل اروح اي محل فحص في الحراج 

أستاذ الصيانه شارع الأمير بندر
فحص شامل مع البودى
١٥٠ ريال

نصيحة ابعد عنرالموتر ذا
ولو اخذ العربون مابيرجعة حتى لو اتفقتم على ورقة بيمرمطك
. وشكاوي. 
لو انه صادق ونظيفة كان باعها بااكثر من السعر ذا 

اول شي الاستخاره وثانيا لا يخدعك ممشا ومظهر الموتر الشريطيه احسن خبراء تجميل لا تكلمنا بالسيارات يخليلك الموتر يلمع ويبرق ويفتح النفس وتحت الكبوت بلاوي بلاووي نصيحتي لا تاخذ الموتر الى بعد استخاره وموفق

طيب الحين مراكز الفحص في المعارض 

يعني لو فحصت راح تنقل في المعارض

الرجال اذا رافض يروح الفحص يقولك جيب المكانيكي
طيب ووقت البيع بتروح تجيب المعرض لعنده عشان النقل ؟؟؟؟

تقريبا شفت الاعلان ذا باكستاني الرجال او يستهبل ما ادري