غسيل البستم
9
1
إضغط هنا للإخفاء
السلام عليكم ورحمة الله وبركاته
صباحكم خير يالاجاويد
اول موضوع لي بالمنتدى وان شاء الله ينال على اعجابكم
اخواني الاعزاء بخصوص الاسائله المتكرره في المنتدى عن غسيل البستم بالديزل
قصتي مع البستم
شريت لي موتر قبل سنه من مزاد امن الطرق بالرياض كامري 2005 برخص التراب
الموتر نضيف مكينه وقير وداخليه خاليه من الشقوق وتكسير الديكور
ممشاها اقل من 120 الف
ماخذها ب 12 الف
المهم اني شريت الموتر وخلصت اوراقها وطلعته من برحت المزاد
ورحت فحصته عند استاذ الفحص فحص شامل
البودي بلد لارش ولاصدم
كهرباء 100%
المكينه نسبتها قبل تغير الزيت 96
القير عايدي نسبته 99
بطن الموتر كان فيه تلاقيط خفيفه مثل مساعادت اماميه وذراع ومقص وجلد وعكس يمين
طلعت من عند الفحص ورحت نفضته كامل كلفني حول 1000 ريال
غلقت من عند الصناعيه وطلعت ومستانس ان الموتر مثله مثل الوكاله
رحت غيرت زيت المكينه مع السيفون وتشيك على كل الزيوت
واستلمت خط الطايف
الموتر جالده رجلي مانزلت عن 200 لين الطايف
وصلت الطايف وريحت وقمت اوسوس
بطن الموتر كله شحوم وزيوت وتربان
رحت اليوم الثاني لمحل غسيل بستم
وغسلت الموتر كامل بطنه والمكينه
طلع وكاله
المفاجئه لما جيت اشغل مايشتغل
شلته بسطحه لصناعيه
راح علي
1 الكمبيوتر
2 حساس الدعسه
3 حساس البنزين
4 حساس القزوز
5 الكهرباء قامت تخلبط
مثل المسجل والمكيف والنور احيان يشتغل واحيان لالا
عفت ابو الموتر والله اني كرهت اركبه بغيت اولع فيه
نطلته عند ورشه اعرفها
ونضفه نفض كامل بحول 3000 ريال
والموتر لين الحين معي وكاره كر مايقول لا خطوط وداخل البلد
فنصيحتي للا خوان من مجرب لاتغسل بستم نهائيا
رح للمغاسل الكبار وقلهم بغسل بطن الموتر كامل بخار
هو غالي شوي بحول 200 ريال لاكن مهو خساره فيه
لاني انا مجرب غسيل البخار في موتري الثاني جيب لكزس 2005
مغسله قبل شهر ولين الحين والله ماشكيت من شي لا لمبه اشتغلت عندي ولا شي بالمره
إبلاغ
الردود
فعلا غسيل بستم يعدم السيارة فعلا. كنت بسوي حماية ضد الصدأ لسيارتي من تحت بس واحد من المحلات قاللي لازم تغسل السيارة
من تحت و هنا تطلع من عندي علامات استفهام و تعجب. اسأل نفسي لازم؟؟؟ قلت خلله يولي سيارة قديمة ما جت اسوي حماية
الا الحين خللها على حالها. لأني عقب ما سمعت غسيل البستم و بلاويه على السيارات هونت قلت يا كلها الصدأ أحسن ما يعدمها
الديزل. عاد سيارتي محافظ عليها مابي بعد هالعمر اعدمها من ديزل.
0
0
وقبل شهرين غسلته بستم .. الحين مسجل له شهر معلق شاشه بيضاء لا يشتغل ولا يطفي
والطاره اذا لفيت اخر شي يسار يطلع صوت قربعه ..
والله اني عفت اليوم اللي غسلته بوه
0
0
0
0
1
0
0
0
من بين الميه تحصل سيارة سيارتين كويسة والباقي مضروب
0
0
1
1
بس ضروري لمن يغسل بستم خليه يحط كيس ع الكمبيوتر داخل الكبوت عشان مايوصله المويه وامورك راح تكون تمام
0
0
0
0
شريت سيارتي ولقيت زيوت ع البطن
سويت نفسي ذكي ورحت غسلتها بستم بدون ديزل
وليتني ما غسلتها
قامت تطلع اصوات وقلة حيا
قالو لي الجلود طيرت الشحم عنها ومدري وش .. واهملتها ولحد الان تطلع اصوات
0
0
اما الديزل معروف انه يعدم الموتر .. وبعضهم يحط زيت مكينة ويرشه على بطن الموتر
واللحين غالبية المغاسل ممنوعين من غسيل بستم بديزل او زيت .. الا بالصابون والموية فقط
0
0
وراحت علي السسته صوت والصدي اكل الجلد طلع المغسله ترش بماء مالح بصناعيه الخضريه بالدمام علي طريق الجبيل
0
0
تشتغل معاك بس انت تسرعت ووديتها للصناعية
قبل 8 سنه و 3 شهر