بخصوص برادو VXR موديل 2016

فكسار البراو يجيبلك فل كروزر جكسار V8  اذا انتم مهتم يعني

وبرائيي اسحب سيفون وخذلك بطل الدروب بهسعر

لا والله مايستحق قيمته

165 على برادو ماتغير شكله وضيق من الداخل ومواصفاته أقل بكثير من منافسيه

بهذا المبلغ عندك خيارات كثيرة في السوق منها تاهو 2016 دبل قصير بنفس سعره أوسع وأفضل والخيار لك

هذا اعلان برادو وارد الساير وكيل الوكيل
فل كامل فتحة 2 تانكي و 2 استبنة ب145 الف
رقم الاعلان 11008565

الساير وكيل الكويت قصدي

من ناحية الاعتمادية البرادو بكل فئاته ما عليه كلام ابدا و عن تجربة لكن ... بسعر البرادو 6 سلندرتقدر تاخذ تاهو 2016 اقل فئة LS و بدون دبل  و الصرفية لصالح التاهو باعتبار بنزينه 91 و البرادو 6 سلندر بنزينه 95

أما البرادو VX سعره عند ابو جميل 210 الف ريال و بسعره أكيد بتقدر تاخذ خيارات اكيد تانية كثير من الامريكي الى الياباني من السيارات الكبيرة 

جزاكم الله خير وفعلا لما فكرت فيها مضبوط صرفت النظر بحكم ان السيارة مبالغ بسعرها على مواصفات موجوده عند المنافسين بسعر اقل ...

وارد الكويت
ارخص و بنفس او  افضل من مواصفات عبداللطيف
و اقل سعر ب20 الف
مع اني حطيت رقم الاعلان
يعني ديسلايك مدري وش الخطأ بردي 
عجيب و الله

القيمة هذي تجيب :
 -تاهو دبل
 - يوكن
 - سوبربان
 - لاندكروزور
 - نيسان باترول
 - اكسبيدشن
 - سيكويا
 - باجيرو بسعر اقل ونفس الفئة وسيارات افضل منه 

اعرف رجال كان ناوي برادو 160 ويخش المعارض ويططيح عند الباتروول وياخذه 170 واللحين يحمد ربه ومبسوووووووط

انحش عن السيارة للأسف السيارة فيها ارباقين سيارة عائلية وفيها ارباقين!!

يا شباب السعر 160 واكثر شوي مو 210
اللي ب 210 هذا VXL مو VXR
ال VXR مافيه ذاك الفرق بينه وبين ال TXL 
اللي لاحظتها تدفئة مراتب وشاشات خلفية و طبلون جميل


بحكم تجربة البرادو .. ماله اسبوعين معي لكن بعطيك الاشياء اللي لاحظتها فيه
رساوته حلوه جداً , الموتر خفيف جداً ولا يقارن باللاندكروزر أو الباترول بالخفه
لو فتحت المرتبه الاخيرة ما راح يكون فيه مساحة للأغراض , يمكن ما تقدر تشيل شنطتين من صغرها
والمرتبه الأخيرة غير مناسبة للكبار , حقت اطفال
وممكن يركبون فيها الكبار لكن ما راح يكونون مرتاحين بالخطوط الطويله
المرتبة الاخيرة مفصوله يعني ما يركب فيه إلا 2 مهما كانت اعمارهم
المرتبة الثانية (خلف السائق والراكب) تستطيع اركاب 3 بالغين فيها , وإذا كانو 4 بيكون ضيق عليهم

الموتر اقتصادي نوعاً ما بالنسبة لجيب تويوتا
انا موتري سبير علاق يعني تانيكه 150 لتر
يعني يمشيك 1000 كيلو بالفل ( علماً ان الفل ب 135 ريال أحمر)
من ناحية يمسك سعره ايه يمسك سعره بس هذي تعتمد على الطلب بالسوق ولا تعتمد على نوع السيارة
مثلاً التاهو على وقت 2005 كنت تشتريه ب 120 وتبيعه بعد سنتين ب 60 يعني تقريباً خسارة نص القيمة
ولكن لما زاد الاقبال على التاهو خصوصاً عام 2010 , اشترى صاحبي واحد بمبلغ 143 وباعه بعد ما مشى 10 الاف كيلو ب 138 !!
صديق آخر اشتراه بنفس السعر وباعه بعد ما مشى 40 الف ب 130
البرادو لو تشرية ب 165 ما راح يمسك سعره
لكن لو تشري الي ب 140 حق اليحيى او حق الساير تقدر تبيعه بعد سنتين ب 120

هل هو راسي لاني اسمع انه سريع الانقلاب