الي يشغلون النواعس بالدائري

والله صحيح كلامك هي مؤذية بس 90% بطلوا هذه الحركة 

المرور راقد
وحيلة على اللي يمشي بهداوه وراكد 

مراهقين ، الله يصلحهم .

انا مايقهرني الا اللي يجيك يكبس بانوار زنن من اخر الدنيا ويوم توخر عنه تلقاه راعي تيرسل ومركب زنون وامتحن خلق الله عشان يقول شوفو عندي زنن .. لابوك لابو التيرسل حقتك ههههههه

اخر الليل تعال شف السواقه بدائري تشوف شله يا منحاشين من موكب تفحيط يا تطردهم الدوريات تشوفه يشطفك يمشي 180 200 لا مبالاه ماتدري الى ذا الي شاطفك تقول  من وين طلع لي انا مره شفت راعي يارس بدون لوحات الشكل الجديد اشوفه يحد واحد وهذا معه اكورد الجديده شكل راعي الاكورد مايبي يعدم سيارته ويتفادها بس هذاك حده وانحاش خش حواري وراح ناس سكارى وبايعتها الله يكفينا شرهم  

ياخوي هذول ناس تعبانة ويش تبغى تسوى فيهم ..!! .. يعني شوفوني انا مسرع ورايق ..!! 

ابتلينا بناس همج 

كل من يؤذي الناس ستأتيه عقوبة. 

بالفعل مدري وش وضع الي يولع  النعاسات والكبوس. 
لكن مرة قد سمعت واحد من عيال جيرنا يمكن عمرة 15 او16
يقول لواحد معه جمس ولع النعاسات والكبوس عشان يحسبونك مباحث. 
وانا من يومها قاعد اسال هل هاذا الكلام صحيح 

والله وانا اخوك هذي دواها للي عنده بي ام ههههههه اطق لمبات الكشاف الخلفي الحمر بوجهه اخليه ماعاد يشوف شي قدامه من قوتهم وتشوفه يهدي ويبعد عني 

انا اشوف انك اذا بتمشي بسرعه قانونيه تتجاوز من يسار وترج للنص بسرعه عشان تفتك من الهمج ذولي 

حرام بالله على كثر ما اطلع الشرقيه والخبر ماعمري شفت الهمجيه وعدم الامبالاه الا عندنا بالرياض 

ياخوك شباب همج وعدم تربية وعدم احترام للغير 

قبل امس موكب عريس على الدائري الغربي ويمشون 60 وسببوا حوادث لناس مساكين واهم ولاهمهم ماشين بنفس السرعه وماعليهم من اللي بالخلف 

كنت بروح فيها بس ربك ستر ولطف لكن غيري والله اكلها 

والله يابزبوز اللي يقهر اللي يكبس لك بالنور وإنت وسط زحمه سيارات عن يمينك وعن يسارك وأمامك ولا تقدر توسّع له الطريق إلاّ إذا ركّبت جنحان للسياره ، ومافيه فايده مصمم تفتح له طريق وملحّم فيك يبي يصدمك .

وما أكثر هذه العينات عندنا في جده .. زمع إن الزحمه في جده مفروضه علينا تشوف ناس لا إله إلا الله يخش من يمينك ومن يسارك ويترك المسار هذا ويصدم هذا وبعد ماتصل إلى آخر الشارع تلاقي الزحمه من لاشيء فقط هذه العينات هي سبب الزحمه فقط ..

حسبي الله ونعم الوكيل .

jakwar2004
هذا مشكله نعاني منها الا غصب تفتح الخط والسير شبه واقف ولا فيه مجال تفتح له الخط

الحل اشتر كابرس موديل 89  وبأذن الله ترتاح من هؤلاء الهمجية

وانا اشهد كابرس وبس ولا احد يقربك