أضف سؤال أو موضوع جديد          

قصتي مع الكامري 2003

up 4 down 5
amer.salah 52
قبل 6 سنه و 4 شهر



بسم الله الرحمن الرحيم :

السلام عليكم جميعًا 

صارت لي سالفة طويله عريضة من عقب الامطار الي جت بريدة ماشاء الله السالفة قبل شهر او اقل ونزلت مشكله صارت لي بسيارتي 
السالفة ومافيها شغلت السياره واشتغلت لمبة الزيت الوكاد طفيتها ع طوول وشيكت ع زيت المكينة الا هو كامل 
صكيت الكبوت وشغلت السياره ما اشتغلت لمبة الزيت توجهت للبنشري ع اساس يشيكلي ع زيت القير لان الصوفة حقت القير جايتها ظربة وتهرب 
مع ممشاي اشوف لمبة الزيت تشر تطفي وتشتغل بشكل غريب ولاحظت ان عزم السياره تغير عرفت ان فية مشكله 
يوم وصلت البنشري قلت لة شيكلي ع الزيوت بالله شيك الرجال الا كل شي كويس قلت وش المشكلة قال شوف لك ميكانيكي قلت طيب 
وبطريقي للبيت طلع صوت بالمينة كلمت الوالد يبة اطلع المكينة تطلع صووت عاد انا ماعرف شي بالمكينيكا 
شاف الوالد الصوت قال طف طف قال المكينة بتخبط شكلها كلمت خالي وسمتة الصوت قالي جنزير قلت امرها بسيط وسئلت هنا شوفوه بموضوعي السابق 
الي يقول طرمبة زيت والي يقول خبطت المكينة قلت والله مالها الا مكينيكي وتوقف وادق ع سطحة واوديها الشارع التجاري ورشة ورشتين قالو الصوت من عمود المكينى لازم نفك المكينة ونشوفة 
قلت ان لالله وانا الية راجعون بكم قال 1800 قلت العلم ماهو عندك عمال الشارع التجاري نصابيييين واوديها صناعية السليم عند سوري قلت المشكلة كذا كذا قال عمود المكينة قلت طيب بكم قال شغل يدي لحالة 2500
قلت لابوك لابو ورشتك ي الحرامي واسئل كم واحد ودلني ع ورشة المزيد قلت خلني اروحله واروحله واقوله المشكله كذا كذا قال لازم افك المكينة واوريك المشاكل بعينك قلت تم بكم 1500 قلت يالله ويفك المكينة ويطلع البلاوي 
الا يقول العمود خربان و الشنبر وذراعين وعدد لي لستة قال رح للمخرطة واتفق معة واجيب هندي واتفق معة ع 1100 واقول وش تحتاجون عطوني اللستة واروح الوكالة وتطلع علي الاغراض ب 3800 واخذهن وهذا هم يشتغلون فيها 

هذي قصتي يطويلين العمر والسبب وشو طرمبة الزيت الله يقلعها 

السؤال وش الزيت الكويس الوكالة عطنتي زيت تيوتا 20 دبليو 50 العلبة ب 13 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بما إن سيارتك 2003 فهي ماشيه واجد تحتاج لزوجه 50W20 وعندك عدة خيارات بترومين التر7 وكاسترول وفوكس جي تي وموبيل .
والله يعينك ويعوضك خير 


up 0 down 4
aliyy-2010 241
قبل 6 سنه و 4 شهر



الممشى الكثير ماله دخل انا عندي جمس امريكي موديل ٢٠٠٠ احط له زيت اسي ديلكو ٥_٣٠ ومفيه الا العافيه وماشي ٣٠٠ الف ميل شدخل ممشى السياره انصحك شوفلك زيت ١٠_٣٠ احسن شي


up 3 down 2
السفير ss 459
قبل 6 سنه و 4 شهر



اهم سبب في خراب طرمبة الزيت انسداد الصفاية حقتها باوساخ الزيت والشوائب وكله نتيجة التأخر في تغيير الزيت والمشي عليه لمسافات طويلة وبعض الناس مايغير زيت فقط يضيف عليه !!!


up 0 down 0
العمدة 1434 1189
قبل 6 سنه و 4 شهر



الله يعينك معوض ان شاءالله


up 0 down 0
ryyan555 703
قبل 6 سنه و 4 شهر



الله يجزاكم خير 


up 1 down 0
amer.salah 52
قبل 6 سنه و 4 شهر



سيارتي ماشية280 وقبل كنت اغير اغير سوبر جيتي 10-30
عاد اشوف السياره بكره انشاء الله بتطلع من الورشة 


up 1 down 2
amer.salah 52
قبل 6 سنه و 4 شهر



الله يعوض عليك ويوم فكيت المكينه كل شي غيره
والحمدالله باالمكينه ولاغيرها


up 0 down 0
باترول 2020 2623
قبل 6 سنه و 4 شهر



الله يعينك
لكن المفروض اول ما شفت علامة بالطبلون وصوت يلع من المكينة المفروض على طول تطفي السيارة وعلى اقرب ورشة
لكن قدر الله وما شاء فعا



up 0 down 0
moathyaseen 1393
قبل 6 سنه و 4 شهر



ياشباب والي يرحم والدينكم نقاطي بالناقص وابغى اطرح موضوع مو قادر ياريت كرما وليس امرا تعطوني تقيم ايجابي


up 10 down 2
العداد الرقمي 79
قبل 6 سنه و 4 شهر



يا حبيبي اللمبة الحمراء حقت الزيت تدل على ان الضغط الطرومبة ضعيف 
اللمبة الصفراء اذا كانت عندك لمبة صفراء تدل ان الزيت ناقص 


up 0 down 0
ms3al 1784
قبل 6 سنه و 4 شهر



من اسباب التخبيط في السياره 

انها للعائلة و بيد اكثر من شخص وواحد من اخواني ((بثر))  الله يهدية مايناظر للزيت ولا هامه اي شي لو الزيت مافية قطرة يمشي عادي 
وانا احاول اصلح من هنا وهو يخرب منها الله يصلحة بس 


up 0 down 0
amer.salah 52
قبل 6 سنه و 4 شهر