تحذير انتبهوا من زيت غسيل المكينه

هل غيرت سيفون بعد غسيل المكينة ام لا

اعتقد  تخلي زيت الغسيل في المكينة بدون ماتشغلها   و تشيل الزيت و تحط زيت جديد و تشغل ماعمري سمعت انه تحط زيت غسيل و تخلي السياره شغاله 

اي غيرت السيفون

السلام عليكم
اخوي الكريم 
من تجربه شخصيه
انا استخدمت زيت الغسيل عدة مرات  ومع 7 سيارات والحمد لله ما صار معي اي شي سلبي بل بالعكس صوت الماكينه
اصبح ناعم وهادي واحس انها اصبحت مرتاحه اكثر من الاول
واذكر اول مره جربته على ماكينة اولدزموبيل 307 قبل 16 سنه قسم بالله ان قومتها صارت اقوي واخف من قبل
وسويت عملية الغسيل على صابونه ولينكون واوبتيما ونيسان قلوريا واكسبديشن
وعندي وانيت 92 سويت له الغسيل اكثر من مره والحمد لله ما وجهتني اي مشكله
وبالنسبه لطريقة الغسيل :
تنزل الزيت القديم وتعبي زيت الغسيل ثم تشغل السياره لمدة 10 دقايق
واثناء التشغيل تدوس بنزين لمد 15 ثانيه وتخلي ال rpm على رقم 3 وتكررها 3 مرات خلال ال 10 دقايق ثم تفك الصره
والسيفون ( فلتر الزيت ) وبعدين تركب سيفون جديد وتعبي زيت الماكينه

اشكرك علنصيحة والله يكون بعونك

والله زيت غسيل المكينة حظ صراحة 
لانه في ناس تقول ما يسوي شي 
وفيه ناس قالوا خبطت مكينة او تنقص زيت زيك 
هو حظ زي زيت الجربكس اذا غيرته يمكن يمشيك ويمكن يخبط

زيت غسيل المكينه ماينفع للسيارات اللي ماشيه واجد وماهو منتضم بتغيير الزيت
اذا كانت ماشيه قليل بس مو منتضم مي مشكله لاكن ماشيه كثير ومو منتضم بالتغيير هنا مشكله كبيره 
لان الترسبات والكربون اللي بالمكينه يكون لاصق بجدار المكينه فلما تحط زيت الغسيب بيتحرك من مكانه ويروح جزء من الجدار ويروح لاماكن ثانيه ويعدم الدنيا فا انت وحضك لو منت منتضم وماشيه كثير
لاكن السياره الجديده ماعليها خلاف انا اشوف افضل شي كل 40الف تتغسل المكينه وامورك بالسليم

بالنسبة لي جربت غسيل المكينة عن طريق ليكوي مولي

طريقته تحطه مع الزيت وتشغل السيارة 10 دقائق بدون ما تدعس بنزين

ثم تطفي السيارة وتنتظر دقيقة وتفك الصرة حق الزيت وتنزل الزيت كامل 

الطريقة مجربة على أكسنت 2002 ماشية 260 ألف

الزيت نزل أسود غامق وسيولته صارت مثل الماء تقريبًا

الملاحظ بعد التجربة أن المكينة صارت نظيفة جدًا والزيت صار شفاف جدًا ما اقدر أشوفه إلا بانعكاس الضوء

أيضًا خف صوت المكينة عن أول وقل استهلاك البنزين بشكل ملحوظ

1.اذا تستخدم زيت ممتاز 
2. اذا تغير الزيت بوقته الصحيح 
3. تغير السيفون بوقته و يكون اصلي 
= بإذن الله ما تحتاج غسيل مكينة 

غسيل المكينة يشيل اشياء بسيطة من الزيت المحروق اما الزيت اللي صار مثل الشحم في السلندر و فوق البلوف ما يشيله الا بالتكرار .

منتجات غسيل المكبنة لها شروط : 
الكمية 
الدقايق 
ما تدعس بنزين 
ما تحرك السيارة 
تغير السيفون 
و كل منتج له عدد دقايق محددة لا تتعداها لا تعتقد كلما طول كلما نظف اكثر بالعكس بعضها 3 دقايق و بعصها 5 و بعضها 10 و بعضها 15 و هذا الاقصی .

هل يوجد وكيل سيارات في السعوديه الصيانه عنده يسوون هالموضوع ؟! 

فليش اغامر بسيارتي 

هذا سببه زيت الغسيل التجاري الي عند البناشر

انا كل سنه اشتري جالون زيت غسيل مكينة اصلي شركة فوكس والحمد لله مافيه اي ضرر

واضافه

بعد كل تغيير الزيت لازم تغير الفلتر حتى لو ماشي 2000 على الزيت

بالنسبه لزيت الغسيل هو ينظف بنسبه لابأس بها بس يبيك بعدعملية الغسيل تفك الكرتير وتنظفه وتنظف الشخال لأن أكثرالأوساخ تنزل في الكرتير وبعضها ماتروح مع فتح الصره حق الزيت وبعد ين تتجمع وتسحبه الطرمبه وممكن هذي سبب التخبيط ينسدالشخال ولاعادي يسحب زيت

ولاعاد يسحب زيت