ماهي العقوبة والضرر لعدم دافع الاقساط

الله يفتح لك الرزق من اوسع ابوابه , روح لهم وقلهم انا رجال وضعي كذا كذا يمكن يتساهلون معك لأن اغلب الظن بيجي المندوب ويسحبها برغم انه ممنوع قانونيا حسب ماسمعت

انت روح و تفاهم معاهم واشرحلهم سبب تأخيرك احسن تشرح لهم علشان يفهمونك حتى الله يهداك ليش ما قلت لهم من أول شهر كان فكيت عمرك من المشاكل؟؟؟, مثل ما تفضل الأخ ibo3276
لعل و عسى تجيب نتيجة حلوة ان شاء الله.

عندك العقد اقرا وش مكتوب فيه وتعرف ايش العقوبة 
سحب السيارة من ابسط حقوقهم هذا حلالهم وانت موقع عقد معاهم بكل شي 
حاول تسدد واذا ماتقدر تكمل اقساطها رجعها لهم وشوف وش يطلبون من اقساط وافتك منها

اللي يصير كالتالي:
أولا سحب السيارة وبعد مرور شهر يتم بيعها كاش
ثانياً: اذا كانت قيمة السيارة غطت قيمة العقد فلا يوجد مطالبات عليك
واذا قيمة السيارة لم تغطي قيمة العقد في هذه الحالة تلزم بسداد ماتبقى من قيمة العقد اجمالي
اما عن سما اسمك موجود من بعد ثالث شهر في القائمة السوداء
ونصيحتي لك اذا وضعك صعب الله يجيب لك الخير يارب لكن تنازل عن السيارة افضل لك

اخوي شفروليه باين انك اخذت درس من عندهم ياليت تعلمنا لان فيه اشخاص كثر ودهم يتنازلون عن السياره لكن مافيه زبون
وفكرت القائمة السودا اشوف انها مي شينه يعني الحمدلله الواحد يتوب عن الربا ولا يقدر ياخذ قرض والبلد فيها تكاسي ومحلات اجار دام انك دافع دافع اقل شي بدون محد يخنقك
هل بعد ما اوقف عن السداد ب ثلاث شهور ياخذونها ويبيعونها ويدفعوني قيمة الثلاث شهور وانا اصير في القائمة السودا ولا فيها محاكم وشغله
لان البنك الاهلي .......يجبرك تدفع 9 اقساط فوق اللي دفعته اذا تبي تكسر العقد

حسب ما سمعت من موظف البنك الاهلي قلي مستحيل البنك يسحب السيارة ويمديك ترفع قضية عليهم اذا سحبوها 
لكن اذا ما سددت حيرفعو قضيه عليك وتوصل للسجن الين ما تدفع لهم او تدفع تعويض او غرامه على التأخير يحددها القاضي 
بصراحه اشوف لو تتسلف من اي احد تعرفو وتسسد القسط افضلك وربنا يعينك وكلنا لازم يمر شهر او شهرين ما نسدد ما نسدد وربنا يعيننا جميعا ويرزقنا من واسع فاضله 
اذا ما انت قادر تسدد انصحك تتنازل عنها 

ما في سحب الان لكن بيرفعون عليك قضية بمحكمة التنفيذ و راح القاضي يستدعيك و اذا ما جيت بيوقف خدماتك ما ينزل راتبك و لا تقدر تسحب ريال من حسابك و لا تجدد جوازك

طبعا اسمك نزل بسمة سواء سددت و لا ما سددت بس ما يضر وجود اسمك بسمة لان البنوك ما تناظر بالمبالغ البسيطة

الي بتسويه شركة اليسر 
اولاً إبلاغ الجهات المختصه والتعميم على المركبه وتحرير محضر
ثانياً سحب المركبه من قبل المرور او شركة اليسر ويتم بيعها بأقل من نصف قيمتها كاش وغالباً بياخذها واحد من الموظفين بالشركة 
وإذا كان إجمالي المبلغ مع الفوائد 120 الف وسعر السياره جديده كاش 100 الف ومستعمله 50 الف سيتم بيعها بـ 40 الف ومطالبتك بباقي مبلغ المركبه الي هو فرق البيع بقيمة 60 الف 
وبالاضافة لمبلغ التأمين وفوائد سنه كاملة وكل مازادت المماطلة ..
وبما أنك ماخذها عن طريق شركة اليسر والعقد الي موقع عليه يختلف 180 درجة عن البنوك فـ بتجد نفسك في سما ومطالبة لحضور المحكمة عند القاضي ..
والله يعينك على ما ابتلاك 

اسئل الله الكريم ان يفرج همك  ويقضي دينك

حاول معهم بالتي هي أحسن .. واخذ معك واحد من اخوياك والا من اخوانك يكون اسلوبه زين وهادي عشان يكون طرف ثالث بينك وبينهم وخله يشرح لهم الوضع 

ومع كل راتب حاول تسدد قسطك الشهري ونصف من القسط المتأخر..
اهم شي لا تسلم السيارة .. ولا هو صاير الا الزين .. 

وأسأل الله العلي العظيم ان يفرج همك ويقضي الدين عنك

مافيها سجن ولا شي
ايقاف خدمات فقط ومنع سفر بس