سرى الليل وحنا ما سرينا

انت منت مقتنع بكلامهم خلاص سو الي براسك الناس كلن ورايه  فيه منهم من يبالغ برد وفيه منهم كلامه منطقي 

 وكثار الي  هنا الي يبالغون زي واحد طالب جامعي قال معي حدود 20 الف وابي سياره كلهم قالو خذلك اكسنت ولا النترا اصفار طيب سعر الاكسنت اصفار ابتدا من  39 الف والانترا 45 الف

 طيب الرجال على قد فلوسه لومعه مبلغ حق اصفار ماستشارك انت وياه 

هههههههه الله يسعدك ياشيخ
فعلا كلام صحيح بعضهم يجي يستشير
ويضيع بين المشاركات  بس وش تسوي
كل واحد له رأي وميول لسيارة معينه او شركه معينه
فمستحيل اذا اتفق معك واحد ولا اثنين
يتفقون معك الباقين 

كل واحد ينصح بالسيارة الي يحب يشوفها قدامه بطريق

لان الاغلب مايعرف وش السيارة اللي تناسبه وتقضي حاجته
فيجيك المنتدى ويحطلك سعر ويقول عطوني سيارة مناسبة

وهو ماشرح ظروفه ولا احد يدري عنه
فتجيك الاراء والاختيارات بناء على سؤال الشخص نفسه لانه ماحدد وضعه
مثلا 

واحد شبعان فلوس ومحتار بسيارة قيمتها 200
تجيك الردود كالتالي
200 الف في سيارة !!!
ياخي خذلك سياره ب50 الف و150 اشتر ارض او خش مشروع او او
^^
طيب الرجال عنده بيت ملك وعنده ملايين   ومن حقه يشتري افخم سيارة 

والثاني بياخذ قرض ويبي سيارة ب200
وتجيك الردود كالتالي
خذلك مرسيدس
خذلك بي ام والرجال ماعنده قيمته صيانتها

لذلك طبيعي تجيك الاراء فغير محلها وغير مرضيه لراعي الموضوع لانه ماحدد وش وضعه اصلا

وعليكم السلام ورحمة الله وبركاته 

المشكلة في صيغة السؤال لإنه يخلي الموضوع يطول ويدور في دائرة مفرغة 
المفروض يكون سؤالك مثلاً عن السعر هل هو مناسب أم غالي ؟
هل القطع متوفرة ؟ 
كيف الوكيل ؟

أما الأراء تبحث عن مواضيع تجارب لملاك السيارة نفسها وتشوف ملاحظاتهم وتقييمهم
وفي النهاية إحتياجك يختلف عن إحتياج غيرك وما يعجبك قد لا يعجب غيرك والاختلاف طبيعة بشرية
 القرار لك أنت بعد الإستخارة.

تقبل مروري 

تتردد كثير وتشاور كثير ما بتشتري سيارة ابدا
استخير ربك وشوف السيارة التي تناسب أغلب ظروفك واقدح من راسك

ابو حسن 
يازين القداح حسب المزاج 
لانك تاخذ شي انت رغبان فيه 

كانت قدامي فورد فوكس اس تي 
شارو علي اخذ كورلا او النترا لي وللزمن 
ومشيت على شورهم والحين مبتلش فدركسون الالنترا مالقيت له حل 
واصوات طقطقة الدكورات من كل مكان 

بصراحه من بعدها قلت مره ثانيه اخذ شي رغبتي فيه واعيش جوي ولا امشي على اراء الناس

والله انك صادق يا شويخ
ناس كثيره ماتعرف تنصح 

وانا متاكد نص اللي يتفلسفون بزران تلاقيه ياخذ مصروفه من ابوه وعنده كابرس صابونه مسمكر من كل جهة وينصح الناس بشي ماجربه 

والله انا ما شاورت احد لمن اشتريت سيارتي 
دامني عارف ايش الي ابغاه من مواصفات في السياره واحترت بين المازدا 6 ستاندر والنترا  
وقلت باخذ المازدا دامها اكبر ومواصفات امان افضل لكن للاسف لازم احجز فسحبت عليها ورحت للانترا والحمدلله ماشيه اموري 

ههههه اضحك الله سنك 

انا قبل ما اخذ سيارتي شاورت كم واحد نصحوني بكامري وهوندا كورد و وافالون رحت على اساس أخذ هوندا كورد وشفت السوناتا وعجبتني وشتريتها مو شرط تأخذ مشورت الناس الي يعجبك خذه لأنك انت الي بتركب فيها مو هوه.