المعهد الصناعي الثانوي بالرياض

صادق يبوعابد 
المفروض المهن ان تكون الاعمار مابين 25 الى 35 سنة 
بافتراض اللي يبغى يتعلم ويشتغل من المهنة اللي تعلمها 

وعليكم السلام
https://serv.tvtc.gov.sa/students/InstituteAdmissions/Default.aspx

هذه الشروط ولم يذكر العمر
لكن هم لديهم نظام ثلثي وليست الان فتره قبول خذ منهم مواعيد القبول او من خلال بوابه القبول الموحدة
وبالتوفيق

والله يا اخ صالح انا رحت لمهم ودخلت على المدير وقالي بالفم المليان ( اللإئحه الجديده تقول ان شروط التسجيل لا يتعدى ٢٥ سنه ) وهذا كلام مدير المعهد الصناعي الثانوي بالرياض حي الملز ،، والله يرزقنا 

اطلع للموسسه العامه للتدريب التقني والمهني تقاطع الوشم مع طريق الملك فهد ولا توقف الا عند المحافظ الجديد د، الفهيد يمدحونه واكيد بيدعمك مجرد ورقه لامانع من قبوله والشروط هذي وضعها بشر وليست 
قران منزل واذا انت ملزم وحاب الموضوع والميكانيكا فيه المعهد الصناعي  الاول طريق الخرج مرهم وشوف   وفقك الله

بصراحه. الهندي و الباكستاني و البنقالي يدرسون في بلدهم و يشتغلون هناك و بعضهم يجون هنا ليشتغلوا. 

درسوا. عشان يشتغلوا و يكسبوا.  و ماعندهم شي اسمه عمرك 30 ولا 50. الكل  يدرس عندهم 

ياريت يطبقوا عندنا نفس النظام عشان اللي عمره مضى و ماقدر يدرس. يقدر يدرس مرة ثاني 

يا اخ فؤاد ، ياليت معهم شهادات انا شغال حاليا في مقاولات ودوامي وسط صناعية ورش ، وأقولك اغلبهم ما معهم حتى شهاده ابتدائيه ويِدخل الاف الريالات شهريا جميع المهن ، بعضهم يشتغل لحام ومكانيكي في نفس الوقت هههه فوضى وحنا نأكلها خابور ، الله يرزقنا من واسع فضله

يا أخ عبدالله تصدق لنا فترة ليست بالقليلة أنا ومجموعة شباب نبحث عن دورة في مجال التكييف والتبريد ولو على حسابنا الخاص
 لم نجد إلا بطلعة الروح في المعهد الملكي واشترطوا اكتمال عدد معين ورسوم للحين ما تحددت وعلى كلامهم نبدأ بعد اسبوعين
إن شاء الله (فترة مسائية).

اولا اخي العزيز لعل في الامر خير لك .انا اشوف انك تدور لك عمل تمشي به الحال وتدرس ثانوي في المساء وبعد كذا كمل جامعة  ترى السنين تجري بسرعة بدون ما تحس  افصل لك من المعهد المعهد بالف مرة  انا شفني كملت الجاممعه بالانتساب وبعد ذلك كملت ماجيستير  والحمد لله وكأنها  حلم مرت بسرعه