أضف سؤال أو موضوع جديد          

تغيير أو توضيب مكينة كامري 2005؟

up 1 down 1
amer ahmed 566
قبل 5 سنه و 11 شهر



السلام عليكم, قريبي اتصل علي و قلي مكينة سيارته خربت و طلب مساعدتي

سيارته كامري 2005 XLI ماشية حوالي 250 الف
  
طبعا اللي حصله بالظبط انه الحرارة اترفعت عليه و ماانتبه لين ماطلع صوت من المكينة و فتح الكبوت وحصل دخان طالع من المكينة.

وطفت وما اشتغلت ابدا السيارة.

الشاهد وداها لورشة قريبه قله المكينة راحت و غير المكينة.

فماهو الأفضل : 

نغير مكينة استخدام ياباني أو استرالي و ما هو الفرق بينهم؟

أو نوظب المكينة و أنا أعرف ميكانيكي خبرة طويلة في التوضيب؟ 

طبعا ملاحظه: بتأكد أولا انه صدق المكينة راحت و لا تصلح بتصليح راس المكينة.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


على حسب الحرارة تلعب في راس المكينة لعب
و تعدم لك الشنابر
إ


up 1 down 0
m-baz 337
قبل 5 سنه و 11 شهر



الافضل توظيب والسبب انك لما تغير مكينه مستعمله يطلب منك الرجيع !!!

طيب سؤال ليه يطلب الرجيع وهو مخبط ؟؟ 

معناته حتى المستخدم موظب ويلعبون على الناس 

انصحك توظب وخاصه انك تعرف القطع اللي ركبتها 

موفق 


up 1 down 0
abdulaziz al-malki 981
قبل 5 سنه و 11 شهر



مشكلة المكاين هذي مستحيل يضبط التوظيب فيها  الافضل تغغير المكينه وضمان مايقل عن شهر 


up 0 down 0
موووت احبك 1625
قبل 5 سنه و 11 شهر



و عليكم السلام و رحمة الله و بركاته .

بالنسبة للأسترالية على حسب واحد ميكانيكي و يستورد مكائن
يقول فيها مشاكل حرارة و ما تنفع و اليابانية كويسة .
و سعرها حدود الستة آلاف


up 1 down 0
w1w1 2206
قبل 5 سنه و 11 شهر



السلام عليكم ورحمه الله وبركاته ...            وبعد ...

انا واحد من اخوياني عنده 2006 قراندي ولفين تشاليح جده تشليح تشليح واغلب المعلمين نصحونا بالتالي ..
لو المكينه 4 سلندر زي الى عندك انصحك توضبها وتوضيبها كل القطع اصلية تكلفك 7 الاف ريال تقريبا .

لو كانت المكينه 6 سلندر زي الى عند خويي قال التوضيب ما ينفع وضروري تغيرها عشانها حساسه بزياده 
ومو اي احد يعرف يوضبها تمام وغير كدا توضيبها يكلف 12 الف ريال تقريبا .

انصحك بالتوضيب عند محل معروف لو انت ما عندك نية تبيع سيارتك مستقبلا ..
بشرط تركب كل القطع اصلية .

هذا والله اعلم ...

تحياتي للجميع .


up 0 down 0
طييب القلب 144
قبل 5 سنه و 11 شهر



السلام عليكم اخوي انصح بتوصيب عن تجربه مكينه مستورده اخذتها ما كملت شهرين الا وهي تنقص 
بعدين رحت التشاليح حصلتها كامله المكينه ب ٥ مع الدنيمو والكمبرسر لكن بدون ضمان وسالته عن اللي بمحلات قال انا ابيعها جمله عليهم ب ٣٥٠٠ بدون ضمان وهم يبيعون علينا المكينه فقط ب ٥ 


up 0 down 0
حربي المدرينه 38
قبل 5 سنه و 11 شهر



وعليكم السلام

مشكلة شراء المكينه من التشليح ما تدري عن نظافتها
يعني هو يعطيك ضمان شهر
طبعا نادر ما تطلع عيوب المكينه في المده هذي
تطلع لك بعد 3 شهور تقريبا
ولا تدري هل المكاين اللي في التشليح موظبه او لا

فالافضل أنك توضب المكينه قطع اصلي
وان شاء الله تظبط 


up 0 down 0
ابوناصر 454 653
قبل 5 سنه و 11 شهر



جزاكم الله خير جميعا على الردود, لكن للأخوه اللي يتكلم عن التشاليح أنا مابشتري مكينة من التشاليح و إنما من الأماكن اللي يستوردوا المكاين من خارج المملكة و مشروطه المكينة إنها ما انفكت و لا توضبت.
حاليا بإذن الله بامر على الميكانيكي و أشوف اذا بتحتاج توضيب كم بتكلف كاملة مع القطع الأصليه و باقارن السعر مع سعر مع مكينة حصلتها الى الان استعمال ياباني ب 5800 مع التركيب .  


up 0 down 0
amer ahmed 566
قبل 5 سنه و 11 شهر



جزاكم الله خير جميعا على الردود, لكن للأخوه اللي يتكلم عن التشاليح أنا مابشتري مكينة من التشاليح و إنما من الأماكن اللي يستوردوا المكاين من خارج المملكة و مشروطه المكينة إنها ما انفكت و لا توضبت.
حاليا بإذن الله بامر على الميكانيكي و أشوف اذا بتحتاج توضيب كم بتكلف كاملة مع القطع الأصليه و باقارن السعر مع سعر مكينة حصلتها الى الان استعمال ياباني ب 5800 مع التركيب .


up 0 down 0
amer ahmed 566
قبل 5 سنه و 11 شهر