تغيير القزاز الامامي

اشتريت صيني قبل تقريبا اسبوعين بدون شغل اليد 140 وعلى كلامه هذا سعر الجملة

لا انا ابي اخذه واركبه ، بس ابي شيء طيب ، مابي شيء سيء لان سمعت تموج ومدري وشو ، وانك اذا ناظرت للجهه اليمنى تلقى القزازه متموجه
وأنها مو مثل الاصلي ، كلام كثير ويخوف ، وفيه ناس تقول لا ، الافضل الصيني وناس تقول السعودي !
وش افضل شيء ، اللي ركبوا قبل كذا يفيدونا ، والله يعطيكم العافيه مقدماً 
طبعاً اللي يعرف محل في مكه ممتاز ، يعلمنا ..

طبعاً ضروري ياخوان المحل يكون يضمنها اقل شيء سنه ضد المويه وضد التنسيم ، والتموج

و عليكم السلامة و رحمة الله و بركاته
كتجربة للجزاز التايلندي اعتقد تجميع وطني
سهل الكسر ادنى حجرراح يتشطب 
الصيني بتحمل الضربات اكثر عن تجربة ما شاء الله
بس وش النوع بالزبط ما ادري نسيت النوع
و ننتظر بقية التجارب

يعطيك العافيه يا مخاوي ، عز الله انك ماقصرت بيض الله وجهك ياغالي .. كنت حاط الوطني في راسي .. 
ولكن الصيني على كلامك أفضل ان شاء الله ، 
كيف التموج أخوي مخاوي ؟ وهل تحس انه صافي ! التنسيم وتهريب المويه ؟

والله الوطني باالنسبه للقزاز افضل شي 
بس يجي طبقة ويجي طبقتين
خذ الطبقتين افضل مجربه ماشفنا تموج ولاشي 

باترول ، ياغالي انت غيرت وطني ؟ 
لاني مابي اركب شيء سيء من ادنى شيء ينكسر ! 

اللي مجرب واللي عنده خبره ياليت يفيدنا قبل لا اغير مابي اروح الحين اغير واندم بعدين

ما شفت تموجات على الصيني و الا الوطني كلها
بالنسبة لتنسيم تعتمد على المحل اللي يركب
لازم يعطيك ضمان سنة على صوت الهواء و تهريب الموية و يسجله
في الفاتورة

وعليكـم السلام 
اذا كنت بالرياض غير عند السالم 
غيرت عندهم قبل اسبوع قزاز امامي كامري ٢٠٠٢ 
ب٢٥٠ صيني مع شغل اليد
وما شاء الله لا صوت ولا تنسيم وعليها ضمان
وجت امطار عندنا والحمدلله ما دخل مويه داخل السياره 

الصيني افضل من الوطني عن تجربة

انا غير ت وطني النتر2015 ممتاز ودعواتك غيرته ف ك6

الصيني ممتاز جلس معي 6 سنوات ومافيه شطوب ودايم امسك خطوط انا كنت احسبه حق الوكالة لكن طلع مغير لاني شاري الموتر مستعمل ومافيه فرق بينه وبين الوكالة