ويش فايدة القير العايدي

القير العايدي سلمك الله 1. تكرفه كرف ولايحتاج تغيير زيت 2. بالخط عزم عكس التماتيك سيئ 3. بالنفود يطربك وتقدر تتحكم فيه 4. اذا غرزت تقدر تتروجح بالموتر التماتيك لا 5. تقدر تنتش الموتر اذا خربت البطاريه .... انا عكسك اقول ليه يصنعون قير تماتيك

القير العادي طرب لهاوي وعاشق السيارات بعكس الاوتو مملل فايدته الوحيده الراحه 

بعكس القير العادي مميزاته كثيره عيبه انه متعب في الزحمه فقط 

غريبة .. صرت ما اعرف شيء 

هذا كله في العادي .. بس متعب بدرجة لا تطاق في اوقات الزحمة .. 

يتحمل اكثر من الاوتو

والله ان العادي يطربك بالقومة انا جربت التيما 6 سلندر اوتو وجربت قير عادي قسم ان اقير العادي راسك يضرب بالمقعد وتحس اقلاع اذا دعست لها
فما بالك بالسيارات الرياضيه مثل الكورفيت والجي تي لو تجي عادي

القير العادي متتتتتتتتعة بصراحه مسكين الي ما يعرف يسوقو 
ومثل ما قالو الاخوان فوق القير التماتيك ميزتو الراحه لكن ممل ياخي احيانا اخذ سيارة الوالد قير عادي عشان بس اتحمس 
والله لو مو الزحمة كان اخذت سيارتي قير عادي بس زحمة جدة تجبرك تاخذ تماتيك

التماتيك انا معارض بصفه قديما كنت احبه واول ماشتريته كرهته وتحسفت تخيل سنين بالعادي فجاة التماتيك يجيني بعدالعادي بظرف شهر
التماتيك لازم تدعس عشان يمشي وتحس تسارعه ثقيل وبطيئ يجيب الملل للواحد مافي مثل العادي

طيب ممكن نسأل نفس السؤال
ليه الشركات يتنزل زجاج عادي وممكن يكون كهرباء؟؟؟
الموضوع مرتبط بالتكلفه-- 

ياحبيبي متعب من اي ناحية؟؟؟ لاتقولي سيارة جار عليها الزمن وكلتشها ثقيييييييل تجي تستخدمها وبعدين تقول متعب.. انا استخدم سيارة قير عادي حاليا ومافي مشاكل وكل ماشفت زحمة اشرد منها واذا دخلت زحمة ماجلس داعس عالكلتش الحركة اللي اسويها يا افضي القير يا اعشق واخلي مسافة بيني وبين اللي قدامي والكلتش عندي خفييييف.

افضل القير عايدي على التماتيك رغم ان سواقتي عليه مش ولابد

القير العادي اطول عمر ويحتاج غيار الزيت كل100الف
الأتوماتيكي حساس ويحتاج غيار زيت وفلتر كل40الف
العادي لاخربت البطاريه انتعه
الأتوماتيك الله يعينك اشتراك ولاغيرها

العلة كلها بالكلتش لاصار خفيف ماتحس انك تضغط كلتش وطررربة اما لاصار ثقيل يغثك وماتشتهي تركب الموتر حتى

.. مشكورين حبايب ... صراحة .. ما توقعت ان الكل يمدح العادي .. وكل المعلومات هذه فاتتني وانا ما اعرف فايدة العايدي ..

لكن العايدي صراحة غير مرغوبة حتى في الحراج .. اول ما يشوفوا القير العادي يهربوا منك 

أخي الغالي stecker_gm 19 

طيب سيارتي توسان 2009 لما اخذتها من الوكالة في سنتها .. كان القير خفييييييييف جدا .. ولا تحس كانك ضاغط حاجة ..
والحين تغير 180 درجة ..

ايش العمل علشان نرجعها زي ما كانت 

^^الحل تغير كلتش ويرحع خفييف بس لا تغيره الا اذا انتهى لاتكلف نفسك على الفاضي 

القير العادي عذاب
باختصار وانت تسوقه يديك الثنتين مشغوله ورجليك الثنتين
مشغوله ليه العنا ليه

من غبائهم انهم مستمرين يصنعون قير عادي والسؤال الاهم اذا انا غشيم في القير العايدي وابي اطلع رخصه لوموزين يختبروني بسيارة قير عادي او اوتامينك

شبعوني في الدس لايك .. مدري ليش ..

شكلي زعلت محبين القير العادي