رفيقي سوف يشتري غدا لكزس460 2008وانا نصحته افلون وكاله

السلام عليكم
صدقني اللكزس سياره فخمه جدا
ولكن مافي زي الوكاله انا برأيي تحاول تقنعه باسلوب

تشكر اخوي ابراهيم
انا حاولت فيه  انقطعت السبل
يارجل مافيه مثل الوكاله
المستخدم يتعبك ويخسرك
والفحص  داجين يتعلمووووون
والاعطال الميكانيكيه ماتطلع

فحص المكينة كلاااام فاضي 
فحص البدي اذا كان الفني فاهم يطلع لك ادق التفاصيل
فحص العضلات يطلع لك ادق التفاصيل
فحص القير يجرب السيارة واذا كان فاهم يبين معه
فحص الكهرباء وجهاز فحص المكينة كلام فاضي 

ما فيه زي الجديد

البرادو الي شريته كم كان ماشي لما شريته

واللكزس الي بيشتريه كم ماشي معرفه ممشى السياره يساعد في معرفه حالة المكينه كل ماكان ممشى السياره كثير كلما نقص من عمرها الافتراضي ويكون تشتريه وانت وحظك ممكن تكون تمام وممكن فيها بلاوي فالافضل اذا كنت بتشتري سياره مستعمله خاصه اذا كان سعرها مرتفع فاالافضل تشتري سياره ماتعدى ممشاها 100 الف

ماشاء الله تبارك الله في ناس اعرفه ولله يفحصون السيارات بانفسهم يعني يعرف البدي من تجربه السياره يعرف اذا المساعدات ولاجزاء سياره من خلال تجربته فعلا ماشاء الله مكانيكي بخبرته احسن من الفحوص الي افحص عند فحص يقولك  القير تعبان وتفحص عند ثاني يقول سليم 

خويك معذور خسارة احط 128 في افلون والبدائل والمغريات كثير جديد ومستعمل بالمبلغ ذا 
لو اني مكانه يكون واتاكد ان ممشى الموتر قليل والبدي نظيف ومنتظم فالتشيكات ووقفته عاجتني اشوف مافي مانع اشتريه 
وفكلا الحالتين يستخير والله يباركله

حياك اخوي امير
وليش تحاول فية الافالون نهائيا لاتقارنها بLS460 نهائيا
ولا حتى 10 في المئة
خلة يتهنى كم بنعيش انا وانت وهو والجميع
10 سنين 20 سنه 40 سنه اطنخ 
دامه يقدر على صيانتها ياخذها ولا يشاور
واهنية على اختيارة وقرارة
يفحص اذا طلع تمام من جميع النواحي ياخذة وفالة التوفيق

لكزس حلوه بس قطعها نار اسال مجرب كانت معي GS300 2007  لكن من ناحيه السفر متعه غير طبعيه كنت اتمشى عليها اول ماشريتها مادريت عن نفسي الى وانا ماسك خط رايح الدمام وكنت فاضي راحه ورفاهيه وسواقه ممتعه ومريحه 

وعليكم السلام ورحمة الله وبركاته
ماحد يختلف على فخامة اللكزس وراحتها
لكن لكل واحد وجهت نظر

أنا مثلا لو تجيني يارس 2016 جديده
ولا كامري 2012 مستعمله بأخذ اليارس

الجديد له طعم غير على يدك وعارفه
ماهو مستخدم ولا تدري وش جاها

وانتم خابرين السيارات الجديده ما عاد هي مثل اول
يعني كلها خمس سنوات وتبدأ تسير على الصناعيه

فلكل واحد وجهت نظر في هالمجال ..

^^ ٥ سنوات يوم كانت الشوارع زينة الاكسنت ماشية ٨٥٠٠٠ موديل ١٣ وكلها قربعة من الشوارع

وش جاب لجاب الله يخليك افلون دفع امامي تقارنها ب ثمانية سلندر دفع خلفي


لامركب ولا مواصفات ولا عزل يقارن الافلون باللكزس اتكلم عن 460 تحديداً


بتقول لي مستعمل وبيتخوبر ماكل مستعمل مستعمل ، فيه بعض المستعملات تاخذه تنسى تسوي فيه شي ماشاء الله راعيه مواضب على صياناته نظرتك للسيارة بشكل عام ما تركز على اشياء معينة وتافهه


يعني بعض الناس يشوف له ذاك الموتر حتى لو مهب لكزس أي سيارة ومغسلة وملمعها راعيها ومهندسها خلاص هذا الل مابعده في النظافة لاياحبيبي مهب كل شي البدي والداخلي


انا ممكن اخذ موتر داخلية حلو مافيه كسور لكن يحتاج شوي تلميع مع الابواب الخ .... ولا اخذ واحد يبرق ويبي له شغل ميكانيكا ولا اشياء معقدة



عموماً خويك واضح انه مطيور قل له يركد اموره واللكازس واجد نظاف 2008 و2009 وبيلقى ان شاء الله ذاك النظيف ويروح لفحص معروف يشخلون الموتر من الى ويجربه بعد اهو واذا مايعرف ترى مهب عيب ولا حرام ياخذ معه واحد له خبرة في السيارات مهب اللكزس ترى بعض الاحيان من دعستك للموتر وتسارعك عليه وتعشيقاته واصواته مع الجفر والحفر والشوارع المكسرة تعرف انه نسبياً كويس لكن تحتاج الى فحص للتأكيد ويظهرون لك اشياء ممكن تجهلها مثل كرسي مكينة تنديه في كذا الخ .....



بالتوفيق

خيار ممتاز وخله يدور النظيف

انا من الناس الي ادفع بموتر مستعمل بفئه افضل من الي اقدر اشتريه وكاله وفئته صغيره

مثلا كنت اقدر اشتري يارس او اكسنت وكاله وخذت كورولا مستعمل لاكن اكبر و افضل ولله الحمد