تقرير الاتوشيك والكارفكس مهم جدا حياكم

22 2

لايمكنك التصويت حتى الحصول على 20 نقطة على الأقل
إضغط هنا للإخفاء

الرفاعي33 13917
قبل 8 سنه و 4 شهر

السلام عليكم ورحمة وبركاته
اسعد الله اوقات جميع الاعضاء بكل خير 
اليوم جايبلكم موضوع حصل معي الاسبوع الي راح 
وحاب انبة الجميع وبالذات المقبلين على شراء سيارة
وارد امريكا مهما كان نوعها ////
تويوتا 
لكزس
هونداي
هوندا 
شفر
نيسان 
فورد
المهم طالت عماركم 
كلكم عارفين اني من محبين الكامري الكامري
قبل اسبوعين نزل كامري امريكي 2007
فئة الفل كامل 6 سلندر XLE
اللون زيتوني 
المهم السيارة في جدة 
تواصلت مع راعيها وكان رافع سعرها
وقلت اخلية يومين يمكن ينقص في السعر
رجعت تواصلت معه بعد يومين ونقصلي 2000
وتركتة 3 ايام ورجعت تواصلت معه ونقصلي 1000
واعجبني السعر واعجبني الموتر 
قلت يالغالي كم ماشي الموتر قالي ماشي قليل 127 الف ميل
وعندي تقرير لها من امريكا ارسلي التقرير وصراحه
مصدرة مجهول ولا اقتنعت فية 
يعني لاهو كارفكس ولا اتوشيك 
اخذت رقم الهيكل من الصور 
وارسلته لواحد وارسلي تقريرين اوتوشيك والكارفكس
مترجمه بالعربي 
وطلع اخر قرائة للعداد 149 الف قبل 3 سنوات
شوفوا معي قبل 3 سنوات 
واستخدمت في السعودية 3 سنوات
يعني اقل شي اذا استخدام خفيف
ممشاها مابيقل عن 200 الف ميل
تواصلت مع صاحبها وقلتلة السالفه
وقالي والله مانزلته ولا ادري عنها والممشى مايهم
وموتري نضيف ومن هالعلوم
قلت الله يرزقك في موترك
واتمنى ماتغش الناس انت تقول ماتدري عنها
الحين تدري وارسلتلك التقرير والموتر منزل عدادة
وهاذا ياشباب ملخص تقرير السيارة 




ملخص
السيارة 2007 تويوتا كامري  
الحالة:سليمة بدون حوادث 
الملاك:1.  شخصي 
الولاية:كارولينا الجنوبية-بنسلفانيا  (رطبة)
العداد: 149689 ميل في 14/11/2011
اللون:غير مذكور 
آخر معلومة :بيعت بالمزاد  في 14/11/2011




#نقاط كفاءة السيارة :79%
مقارنة مثيلاتها:84-70




#لاتوجد ملاحظات
#لاتوجد غرق.حريق.شرطة.تاكسي 
#لاتوجد صور
حبيت انبهكم ولا يغرك نضافة الموتر 
طلع تقرير ماياخذ منك 10 دقايق وتعرف كل شي عنها
ومهما حلفلك البائع ومهما ارسلك تقرير لاتصدق
طلع تقرير وافحص وجرب ولا تخلي شي
هاذا موضوعي وسلامتكم
اخوكم //// الرفاعي 33

إبلاغ

الردود