ايش افضل كفرات للفورنشر

قوديير

الهانكوك كويس إذا ما أنت ما تجلده بالبر 
 

ما اروح البر ابغاه للمدينة والسفر

النيكسن عن تجربة ممتاز ولين وسعره معقول بس احرص على الحرارة تكون A والتراكشن Aوتاريخه يكون جديد ولو تأخذه من الوكيل يكون أضمن وكيله في الصناعية القديمة اذا كنت بالرياض

أفضل شيء البرجستون صح قاسي لكن عمره طويل
يعني يمشيك باذن الله الى 100 الف كيلو
الدنلوب لين حلو سعره حول البرجستون وعمره اقل
الهانكوك ارخص من الدنلوب ولين لكن عمره قصير
اليوكاهاما لين لكنه غالي وعمره قصير

الين كفر داخل المدينة وللسفر هو هانكوك  الواحد ب 500 ريال 
من الوكيل بن شيهون 
مقاس كفرات الوكالة265/65/17 
ويمشيك اكثر من 70 الف كيلو 

وثاني كفر في الليونه هو دانلوب الواحد ب 540 ريال من الوكيل بن
زقر 

وانتبه تشتري كفرات برجستون لانها قاسيه جدآ وتفكك الديكورات 

السلام عليكم ورحمه الله وبركاته

انا انصحك بكفرات ماكسس
نوعيتها طيبه ماهي صينيه وعليها ضمان سنتين
وحاول تاخد مقاس اعرض من الوكالة عشان ترتاح حتى في الخط
مقاس الوكالة 255/70/15
انت خد مقاس 285/60/15
انا مجربه ع هايلوكس دبل ولين في الطريق ومافيه اصوات
وكمان مجربها ع اكثر من سيارة سيدان ونفس الشي ممتازة
وكمان سعرها جدا ممتاز ويخدمك في البر لو تحب
وعلى فكرة ترا الضمان قوي جدا واستبدال فوري
هذا والله اعلم

تحياتي للجميع

هانكوك ممتازه خاصه في الرمل حط الهوا ١٥وبدون دبل تمشي 

هانكوك طيب بس عمره قصير وسريع التحبيل لو رقيت رصيف أو شي قاسي
أنا مجرب نوع من ميشلان  نصحني فيه واحد من ألأعضاء هنا اسمه ميشلان لاتيتود كروس 

نقشته كأنها شبه حجرية لكن مهو قاسي مرة وهادي ويتحمل الكرف إذا تبي ترقي رصيف ولا حصى مامن خوف عليه
وإذا تبي شي بينهم خذ جوديير بس ماعندي خلفية بأنواعه

انا اشوف ماكسس افضل

سلام عليكم ورحمه الله وبركاته معكم صاحب اساس جنوط وربع سيارات اشكال جديده بدر محمد احمدالزهراني كم الكفرات