كم تسوى اوريون 2008 و هل هي لقطهه

اشوف السعر طيب 

بس ولو افحص كامل كمبيوتر

اتاكد من الممشى اذا هو حقيقي او ملعوب
لان 120 على موديل 2008 يعتبر قليل الزبدة افحصها
فحص شامل اذا كل شي تمااام توكل على الله
وبتوفيق

افحص واذا ممشاها حقيقي خذها ولا تشاور معي اوريون2007
قراندي الحين ماشيه 300 الف ماشاء الله خدومه بالمره
غير كعس يمين ومسامير توازن وجلد المقصات والبكرات والسيور 
بس اهم شي تغير زيت القير كل 60 الف اسأل راعيها متى غيره
واول ماتآخذها غيره

غيرت**
اذا قراندي سعرها حلو اما لو نص فل او سوح سعرها غالي

الاوريون طيبة وقوية وتتحمل وتخدمك 
لاكن 120 الف مشكوك في وضعها
تعتبر مخزن واذا ممشاها حقيقي صدقني مايبيعها لك دون 35
تاكد من نضافتها وافحص وجرب خط والاهم القير 
جرب على الاوتو وعلى العايدي شوف فزتها وامورها
شوف التغييرات فيها حنه تفويت شي
اذا الامور طيبة توكل على الله

الامر مشكوك فيه. لو ممشاها صحيح ماباعها اقل من 35. لكن. احتمال بسيط جدا انها تكون لقطه 

ايه اكيد اني بفحصها شامل و ياليت لو تدلوني ع محل فحص في جده كويس ف المعارض

سعرها عادي لالقطه ولاشي ترى موديلها 2008 والناس تتكلم تقول قطع غيارها غالي نار والقير يخرب يخرب بدون سبب و اذا خرب توظيبه غالي يوصل ل10 الالف واكثر وسعره تشليح بعد غالي اشوف بعد كل هذي الملاحظات الي منتشره عند الجميع خاصه ملاك الاوريون فطبيعي بياثر على سعرها عند البيع

والله جت اوريون ٢٠٠٧ فل
ومرت على الجماعه كلهم وكل واحد يشتريها من الثاني ويحط فيها من كثر خرباته
اول واحد الظاهر القير
والثاني العكوس والخربطه اللي تحت وكلفت عليه واجد
ومدري وش بعد وجت مع غيرهم

الحاصل اخر خبري بها بيعت تقسيط على واحد من الجماعه ولا عاد ادري وين هي راحت

ممشى السيارة اشوفه عادي.. ترى مو شرط راعيها كل اسبوع يسافر فيها والا مايصير

قير الأوريون يخبط بسبب سوء الإستخدام وسوء الصيانة له .